NOMIBA 12:1-16 TON1884 - Bible AI

¹8 Oku valoki‘i e he Otua ae agatuu a Miliame mo Elone. 10 Oku fakamoui ae kilia o Miliame i he lotu a Mosese. 14 Oku fekau e he Otua ke kabuji ia mei he fakataha. BEA nae lea fakamamahi a Miliame mo Elone kia Mosese, koeuhi koe fefine Itiobea naa na fakamau: he naa ne fakamau moe fefine Itiobea.

²Bea naa na behe, He kuo folofola a Jihova ia Mosese be? ka kuo ikai folofola foki ia iate kimaua? Bea nae fanogo ki ai a Jihova.

³(Bea koeni, koe tagata ko Mosese nae agavaivai ia, o lahi hake i he kau tagata kotoabe nae i he fuga o mamani.)

⁴Bea nae folofola fakafokifa a Jihova kia Mosese, bea mo Elone, bea mo Miliame, Mou ha‘u akimoutolu koe toko tolu ki he fale fehikitaki oe kakai. Bea nae alu atu ae toko tolu koia.

⁵Bea nae haele hifo a Jihova i he bou oe ao, o ne tuu i he mataba oe fale fehikitaki, bea naa ne ui ia kia Elone mo Miliame: bea naa na omi ki tua fakatouoji.

⁶Bea naa ne behe, Mo fanogo eni ki he eku lea: Kabau oku iate kimoutolu ha taha oku kikite, Ko au ko Jihova teu fakaha au kiate ia i he mea ha mai, bea teu lea kiate ia i he miji.

⁷Ka oku taha kehe a Mosese ko eku tamaioeiki: oku agatonu ia i hoku fale kotoabe.

⁸Te ma lea fakataha mo ia mo gutu taha, i he fakaha, kae ikai i he lea heliaki; bea e mamata ia ki he ha mai o Jihova: bea koia, koeha oku ikai te mo manavahe ai ke lea fakamamahi ki he eku tamaioeiki ko Mosese?

⁹Bea nae vela ae houhau o Jihova kiate kinaua; bea nae haele atu ia.

¹⁰Bea nae alu ae ao mei he fale fehikitaki, bea vakai, nae hoko a Miliame koe kilia hina o hage koe uha hinehina: bea nae jio a Elone kia Miliame, bea vakai kuo kilia ia.

¹¹Bea nae behe e Elone kia Mosese, Oiaue, eku eiki, oku ou kole kiate koe, oua naa tuku ae agahala kiate kimaua aia kuo ma fai vale ai, bea mo ia oku ma agahala ai.

¹²Oua naa tuku ia ke ne hage koe toko taha kuo mate, be ha taha kuo bobo hono kakano i he ene ha‘u mei he fatu o ene fa‘e.

¹³Bea nae tagi a Mosese kia Jihova, o behe, E Otua oku ou kole ki hoo afio, ke ke fakamoui leva ia.

¹⁴Bea nae behe e Jihova kia Mosese, Kabau ne kuo aanu a ene tamai ki hono mata ikai e ma ia he aho e fitu? tuku ke tabuni kiate ia ae abitaga i he aho e fitu, bea ka hili ia, tuku ke toe ha‘u ia ki ai.

¹⁵Bea nae kabuji a Miliame mei he abitaga i he aho e fitu: bea nae ikai kei fonoga ae kakai kae oua ke toe omi a Miliame.

¹⁶Bea hili ia nae hiki ae kakai mei Heseloti, o nau nofo i he toafa e Balani.