1
2Bea naa nau tuu hake i he ao o Mosese, fakataha moe niihi i he fānau a Isileli, ae houeiki oe fakataha, ae toko uageau moe toko nimagofulu nae boto i he fakakaukau i he kakai, koe kau tagata ogoogo:
3Bea naa nau fakataha akinautolu kia Mosese mo Elone, bea nau behe kiate kinaua, Oku lahi fau a hoo mo fie bule amoua, he kuo maonioni taki taha kotoabe ae kakai, bea oku iate kinautolu a Jihova: bea koeha te mo hiki hake ai akimoua ke mo maoluga i he kakai a Jihova?
4Bea i he fanogo ki ai a Mosese, nae to fakafoohifo ia ki hono mata:
5Bea naa ne behe kia Kola mo hono kakai kotoabe, E fakaha e Jihova abogibogi akinautolu oku oona, bea mo ia oku maonioni; bea te ne tuku ia ke unuunu o ofi kiate ia: io, koia kuo ne fili te ne tuku ke unuunu mai ki he ene afio.
6Mou fai eni; Too hoo mou gaahi ibu aiaga afi, a Kola, mo hono kakai kotoabe;
7Bea tuku ki ai ae afi, o ai ae akau namu kakala ki ai i he ao o Jihova abogibogi: bea e hoko o behe, koe tagata e fili ki ai a Jihova koe maonioni ia: oku mou agahiki aubito, akimoutolu ae gaahi foha o Livai.
8Bea nae behe e Mosese kia Kola, Oku ou kole atu kiate kimoutolu ke mou fanogo mai, ae gaahi foha o Livai:
9Koe mea vaiga koa ia kiate kimoutolu ae fakamavae e he Otua akimoutolu mei he kakai o Isileli, o omi akimoutolu ke ofi ki he ene afio ke mou fai ae gaue oe fale fehikitaki o Jihova, bea ke tuu i he ao oe kakai ke gaue kiate kinautolu?
10Bea naa ne omi koe ke ofi ki he ene afio, bea mo ho kaiga ae gaahi foha o Livai fakataha mo koe: bea oku mou kumi foki ae gaue fakataulaeiki?
11He ko hono uhiga eni o hoo mou fakataha akoe mo ho kokai kia Jihova: bea kohai a Elone, oku mou lāuga ai kiate ia?
12Bea nae fekau e Mosese ke ui a Tatani mo Ebilami, koe ogo foha o Iliabi: ka naa na behe, E ikai te ma aluage:
13He koe mea jii hoo omi akimautolu mei he fonua oku bito i he hua huhu moe honi, ke tamate‘i akimautolu i he toafa, o kabau e ikai te ke nofo koe koe eiki kiate kimautolu?
14Ka kuo ikai te ke omi akimautolu ki ha fonua oku bito i he hua huhu moe honi, be tuku kiate kimautolu ha tofia i he goue moe goue vaine: te ke kabe‘i koa ae mata oe kau tagata ni? e ikai te ma aluage.
15Bea nae tubutamaki lahi a Mosese, o ne behe kia Jihova, Oua naa ke afio ki he e nau feilaulau: nae ikai teu faao ha asi e taha meiate kinautolu, bea nae ikai teu fakamamahi‘i ha taha iate kinautolu.
16Bea nae behe e Mosese kia Kola, Ko koe mo ho kakai ke mou i he ao o Jihova abogibogi, akoe, mo kinautolu, bea mo Elone:
17Bea e taki taha ave e he tagata a ene ibu aiaga afi, bea tuku i ai ae akau namu kakala, bea taki taha omi e he tagata a ene ibu aiaga afi ki he ao o Jihova, koe ibu aiaga afi e uageau ma nimagofulu; bea ko koe foki, mo Elone, e mo taki taha ene ibu aiaga afi.
18Bea nae taki taha ave e he tagata a ene ibu aiaga afi, bea nae tuku ae afi ki ai, bea tuku ki ai ae akau namu kakala, bea naa nau tuu i he mataba oe fale fehikitaki oe kakai fakataha mo Mosese mo Elone.
19Bea nae fakataha e Kola ae kakai kotoabe kiate kinaua ki he mataba oe fale fehikitaki oe kakai, bea nae ha mai ae nāunāu o Jihova ki he kakai kotoabe.
20Bea nae folofola a Jihova kia Mosese mo Elone, o behe,
21Fakamavae akimoua mei he kakai ni, koeuhi keu fakaauha leva akinautolu.
22Bea naa na to ki ho na mata, o na behe, E Otua, koe Otua oe laumalie oe kakai kotoabe, e agahala ha toko taha, bea te ke houhau ki he kakai kotoabe?
23Bea nae folofola a Jihova kia Mosese, o behe,
24Ke ke lea ki he kakai, o behe, Mou alu atu ke atā mei he fale fehikitaki o Kola, mo Tatani, mo Ebilami.
25Bea nae tuu hake a Mosese o alu kia Tatani mo Ebilami; bea nae muimui iate ia ae kau mātua o Isileli.
26Bea nae lea ia ki he kakai, o behe, Oku ou kole kiate kimoutolu, Mou hiki atu mei he gaahi fale fehikitaki oe kau tagata agahala ni, bea oua naa mou ala ki haa nau mea, telia naa mou auha i he e nau agahala.
27Koia naa nau alu ai mei he botu kotoabe oe fale fehikitaki o Kola, mo Tatani, mo Ebilami: bea nae ha‘u a Tatani mo Ebilami, bea na tuu i he mataba o ho na fale fehikitaki, bea mo ho na unoho mo ho na gaahi foha, bea mo ena fānau iki.
28Bea nae behe e Mosese, Te mou ilo eni kuo fekau au e Jihova keu fai ae gaahi mea ni kotoabe; he oku ikai ko hoku loto ooku.
29Kabau e mate ae kau tagata ni o hage koe mate ae kakai kotoabe, bea kabau e hoko kiate kinautolu o hage koe hoko ki he kakai kotoabe; bea ta kuo ikai fekau au e Jihova.
30Bea kabau e fai e Jihova ha mea foou bea e mafaa ae gutu oe kelekele, o folo hifo akinautolu, moe mea kotoabe oku iate kinautolu, bea nau alu hifo fakafokifa be ki he luo; te mou toki ilo ai kuo fakahouhau‘i a Jihova e he kau tagata ni.
31Bea nae hoko o behe, i he fakaoji a ene fakaha ae gaahi lea ni, nae mafahi ae kelekele i lalo iate kinautolu:
32Bea nae mafaa ae gutu oe kelekele, o folo hifo akinautolu, mo ho nau gaahi fale bea moe kau tagata kotoabe nae ia Kola, moe nau koloa kotoabe.
33Ko kinautolu, moe mea kotoabe nae iate kinautolu, nae alu moui hifo ki he luo, bea nae mabuni ae kelekele kiate kinautolu: bea naa nau auha mei he kakai.
34Bea nae hola i he e nau tagi ae kakai Isileli kotoabe nae tuu takatakai iate kinautolu: he naa nau behe, Naa e toe folo hifo e he kelekele akimautolu.
35Bea nae ha‘u ae afi mei a Jihova, o fakaauha ae kau tagata e toko uageau ma toko nimagofulu nae feilaulau aki ae akau namu kakala.
36Bea nae folofola a Jihova kia Mosese, o behe,
37Ke ke lea kia Eliesa koe foha o Elone koe taulaeiki, ke ne hiko hake ae gaahi ibu aiaga afi mei he afi, he kuo tabu ia; bea ke liaki ae afi ki hena.
38Koe gaahi ibu aiaga afi akinautolu ni kuo agahala ki ho nau laumalie, tuku ke nau gaohi aki ia ae gaahi teuga lafalafa laulahi ke uufi aki ae feilaulauaga: he kuo nau feilaulau aki ia i he ao o Jihova, koia kuo tabu ai ia; bea e hoko ia koe fakailoga ki he fānau a Isileli.
39Bea nae ave e Eliesa koe taulaeiki ae gaahi ibu aiaga afi balasa, aia nae feilaulau aki ekinautolu kuo vela; bea nae gaohi aki ia ae gaahi fono lafalafa laulahi ke uufi aki ae feilaulauaga:
40Ke tuku ia koe fakamanatu ki he fānau a Isileli, koeuhi ke oua naa ofi mai ha muli, oku ikai oe hako o Elone ke feilaulau aki ae akau namu kakala i he ao o Jihova; telia naa tatau ia mo Kola, bea mo hono kakai: o hage koe folofola a Jihova kiate ia i he nima o Mosese.
41Bea i he aho naa na feholoi nae lāuga ae kakai kotoabe i he fānau a Isileli kia Mosese mo Elone, o behe, Kuo mo tamate‘i ae kakai o Jihova.
42Bea nae hoko o behe, i he fakataha ae kakai kia Mosese bea mo Elone, naa nau jio ki he fale fehikitaki oe kakai: bea fokifabe kuo uufi aki ia ae ao, bea nae ha mai ae nāunāu o Jihova.
43Bea nae ha‘u a Mosese mo Elone ki he mata fale fehikitaki oe kakai.
44Bea nae folofola a Jihova kia Mosese, o behe,
45Mo alu hake i he kakai ni, koeuhi keu fakaauha leva akinautolu. Bea naa na to foohifo ki ho na mata.
46Bea nae behe e Mosese kia Elone, Too ha ibu aiaga afi, o tuku ki ai ae afi mei he fuga feilaulauaga, o ai ki ai ae akau namu kakala, bea ke alu vave ki he kakai, o fai ae fakalelei maa nautolu: he kuo alu atu ae houhau mei a Jihova; bea kuo kamata ae mahaki fakaauha.
47Bea nae ave e Elone o hage koe fekau a Mosese, o ne lele ki he lotolotoga oe kakai; bea vakai kuo kamata ae mahaki fakaauha i he kakai: bea naa ne ai ae akau namu kakala ki ai, o ne fai ae fakalelei maa nautolu.
48Bea nae tuu ia i he vahaa oe mate moe moui; bea nae taofi ai ae mahaki fakaauha.
49Bea ko kinautolu nae mate i he mahaki fakaauha koe toko taha mano moe toko fa afe ma toko fitugeau, mo kinautolu nae mate i he mea a Kola.
50Bea nae foki a Elone kia Mosese ki he mataba oe fale fehikitaki oe kakai: bea nae taofi ae mahaki fakaauha.