NOMIBA 2:1-34 TON1884 - Bible AI

¹Koe hokohoko oe gaahi faahiga i ko nau gaahi fale fehikitaki. BEA nae folofola a Jihova kia Mosese, mo Elone, o behe,

²E nofo ae tagata taki taha oe fānau a Isileli ki hono fakailoga, o fakataha moe fuka oe fale oe nau tamai; bea te nau nofo mamao o folifoliaki i he fale fehikitaki oe kakai.

³Bea e nofo i he botu hahake o hagatonu ki he hoboagalaa, akinautolu oe fakailoga oe abitaga o Juta i he e nau gaahi matatau: bea ko Nasoni koe foha o Aminitabi e eiki tau ia i he fānau a Juta.

⁴Bea ko ene kau tau aana, mo kinautolu nae lau ai, koe toko fitu mano, moe toko fa afe ma onogeau.

⁵Bea ko kinautolu e hoko nofo mo ia koe faahiga o Isaka, bea ko Netanili koe foha o Sua, e eiki tau ia i he fānau a Isaka.

⁶Bea ko ene kau tau, mo kinautolu nae lau ai, koe toko nima mano, moe toko fa afe ma fageau.

⁷Bea e hoko ai ae faahiga o Sebuloni, bea ko Iliabi, koe foha o Heloni e eiki tau ia i he fānau a Sebuloni.

⁸Bea ko ene kau tau mo kinautolu nae lau ai, koe toko nima mano, moe toko fitu afe ma fageau.

⁹Bea ko kinautolu kotoabe nae lau i he abitaga o Juta, koe toko taha kilu, moe toko valu mano, moe toko ono afe ma fageau, i he e nau gaahi matatau. E alu muomua atu akinautolu ni.

¹⁰Bea e tuu i he feituu toga ae fakailoga oe abitaga o Lubeni o fakatatau ki he e nau gaahi matatau; bea ko Ilisua koe foha o Setiua e eiki tau ia i he fānau a Lubeni.

¹¹Bea ko ene kau tau, mo kinautolu nae lau ai, koe toko fa mano, moe toko ono afe ma nimageau.

¹²Bea ko kinautolu e hoko nofo mo ia, koe faahiga o Simione: bea ko Selumieli koe foha o Sulisatai e eiki tau ia i he fānau a Simione.

¹³Bea ko ene kau tau, mo kinautolu nae lau ai, koe toko nima mano, moe toko hiva afe ma tolugeau.

¹⁴Bea e hoko ai ae faahiga o Kata: bea ko Iliasafi koe foha o Teuili, e eiki tau ia i he gaahi foha o Kata.

¹⁵Bea ko ene kau tau, mo kinautolu nae lau ai, koe toko fa mano, moe toko nima afe moe toko onogeau ma nimagofulu.

¹⁶Bea ko kinautolu kotoabe nae lau i he abitaga o Lubeni, koe toko taha kilu, moe toko nima mano, moe toko taha afe moe toko fageau ma nimagofulu, i he e nau gaahi matatau. Bea e alu atu akinautolu i hono ua oe otu tagata.

¹⁷Bea e toki alu atu ae fale fehikitaki oe kakai, fakataha moe abitaga oe kau Livai i he lotolotoga oe kau tau: o hage be koe nau nofo, e behe be i he e nau fonoga atu, koe tagata taki taha e i hono botu i ho nau fakailoga.

¹⁸Bea e tuu i he botu luluga ae fakailoga oe abitaga o Ifalemi, o fakatatau ki he e nau gaahi matatau: bea ko Ilisama koe foha o Amihuti, e eiki tau ia i he gaahi foha o Ifalemi.

¹⁹Bea ko ene kau tau, mo kinautolu nae lau ai, koe toko fa mano moe toko nimageau.

²⁰Bea e hoko mo ia ae faahiga o Manase: bea ko Kamelieli koe foha o Betasuli, e eiki tau ia i he fānau a Manase.

²¹Bea ko ene kau tau, mo kinautolu nae lau ai, koe toko tolu mano moe toko ua afe moe uageau.

²²Bea e hoko ai ae faahiga o Benijimani: bea ko Ebitani koe foha o Kitione e eiki tau ia i he fānau a Benijimani.

²³Bea ko ene kau tau, mo kinautolu nae lau ai, koe toko tolu mano moe toko nima afe ma fageau.

²⁴Bea ko kinautolu kotoabe nae lau i he abitaga o Ifalemi, koe toko taha kilu, moe toko valu afe, moe toko teau, i ho nau gaahi matatau. Bea e alu atu akinautolu i hono tolu oe otu tagata.

²⁵Bea e tuu i he botu tokelau ae fakailoga oe abitaga o Tani i he e nau gaahi matatau: bea ko Ehiesa koe foha o Amisatai e eiki tau ia i he fānau a Tani.

²⁶Bea ko ene kau tau, mo kinautolu nae lau ai, koe toko tolu mano, moe toko ua afe ma toko fitugeau.

²⁷Bea ko kinautolu oku hoko nofo mo ia koe faahiga o Aseli: bea ko Bakieli koe foha o Okilani e eiki tau ia i he fānau a Aseli.

²⁸Bea ko ene kau tau, mo kinautolu nae lau ai, koe toko fa mano, moe toko taha afe, ma nimageau.

²⁹Bea e hoko ai ae faahiga o Nafitali: bea ko Heila koe foha o Enani e eiki tau ia i he fānau a Nafitali.

³⁰Bea ko ene kau tau, mo kinautolu nae lau ai, koe toko nima mano, moe toko tolu afe, ma fageau.

³¹Bea ko kinautolu kotoabe nae lau i he abitaga o Tani, koe toko taha kilu, moe toko nima mano, moe toko fitu afe, ma onogeau. Bea e muimui akinautolu moe nau gaahi fuka.

³²Ko kinautolu ia nae lau i he fānau a Isileli i he fale oe nau gaahi tamai: ko kinautolu kotoabe nae lau i ho nau gaahi abitaga i ho nau gaahi matatau, koe toko ono kilu, moe toko tolu afe, moe toko nimageau ma nimagofulu.

³³Ka nae ikai lau ae kau Livai i he fānau a Isileli; o hage koe fekau a Jihova kia Mosese.

³⁴Bea nae fai e he fānau a Isileli o fakatatau ki he mea kotoabe kuo fekau mai e Jihova kia Mosese: koia naa nau nofo ai ki ho nau gaahi fakailoga, bea nae behe e nau fonoga atu; taki taha i ho nau gaahi faahiga o fakatatau ki he fale oe nau gaahi tamai.