NOMIBA 25:1-18 TON1884 - Bible AI

¹1 Oku fai i Sitimi e Isileli ae feauaki moe tauhi tamabua. 6 Oku tamate‘i e Finiasi a Simili mo Kosibi. 10 Oku foaki ai kiate ia e he Otua ae gaue fakataulaeiki o taegata. 16 Oku tuku ke fakamamahi ae kakai Mitiane. BEA nae nofo a Isileli i Sitimi, bea nae kamata fai ehe kakai ae feauaki moe gaahi ofefine o Moabe.

²Bea naa nau ui ae kakai ki he gaahi feilaulau ki ho nau gaahi otua: bea nae kai e he kakai, mo nau bunou hifo ki ho nau gaahi otua.

³Bea nae feagai a Isileli mo Beali‐beoli: bea nae vela ae houhau o Jihova ki Isileli.

⁴Bea nae behe e Jihova kia Mosese, Ave ae houeiki oe kakai, ke tautau akinautolu i he ao o Jihova i he ao oe laa, koeuhi ke foki ai ae houhau lahi o Jihova mei Isileli.

⁵Bea nae behe e Mosese ki he kau fakamāu o Isileli, Taki taha tamate‘i a hono kau tagata nae feagai mo Beali‐beoli.

⁶Bea, vakai, nae ha‘u ae toko taha oe fānau a Isileli o omi ki hono kaiga ha fefine Mitiane i he ao o Mosese, bea i he ao oe kakai kotoabe oe fānau a Isileli, lolotoga e nau tagi i he vee mataba oe fale fehikitaki oe kakai.

⁷Bea i he mamata ki ai a Finiasi, koe foha o Eliesa, koe foha ia o Elone koe taulaeiki, nae tuu hake ia i he kakai, o ne too ae tao i hono nima;

⁸Bea nae muimui ia i he tagata ko ia ki hono fale fehikitaki, o ne hoka‘i akinaua o aji, ae tagata Isileli, moe fefine, i hono kete, koia nae tuku ai ae mahaki fakaauha mei he fānau a Isileli.

⁹Bea ko kinautolu nae mate i he mahaki fakaauha nae toko ua mano ma toko fa afe.

¹⁰Bea nae folofola a Jihova kia Mosese, o behe,

¹¹Ko Finiasi, koe foha o Eliesa, koe foha ia o Elone koe taulaeiki, kuo fakaafe eia a hoku houhau mei he fānau a Isileli, i he ene fai feiga kiate kinautolu koeuhi ko au, koia nae ikai ai teu fakaauha ae fānau a Isileli i hoku fuaa.

¹²Bea koia, ke ke behe, Vakai, teu foaki kiate ia eku fuakava oe fiemalie:

¹³Bea te ne ma‘u eia, bea mo hono hako ki mui iate ia, ae fuakava oe gaue fakataulaeiki o lauikuoga; koeuhi kuo ne fai feiga ki hono Otua, bea ne fai ae fakalelei koeuhi koe fānau a Isileli.

¹⁴Bea koe higoa eni oe tagata Isileli nae ta‘i, io aia nae ta‘i fakataha moe fefine Mitiane, ko Simili, koe foha o Salu, koe eiki oe fale lahi i he faahiga o Simione.

¹⁵Bea koe higoa oe fefine Mitiane nae ta‘i ko Kosibi, koe ofefine o Sua; koe eiki ia ki he kakai, moe fale lahi i Mitiane.

¹⁶Bea nae folofola a Jihova kia Mosese, o behe,

¹⁷Fakafiu‘i ae kau Mitiane, o ta‘i akinautolu:

¹⁸He kuo nau fakafiu‘i akimoutolu aki e nau kākā, aia kuo nau fakakākā‘i aki akimoutolu i he mea a Beoli, moe mea a Kosibi, koe ofefine oe eiki o Mitiane, ko ho nau tuofefine, aia kuo tamate‘i i he aho oe mahaki fakaauha koeuhi ko Beoli.