NOMIBA 26:1-65 TON1884 - Bible AI

¹1 Oku lau hono toko lahi kotoabe o Isileli i he gaahi toafa o Moabe. 52 Koe fono ki he vahevahe kiate kinautolu ae tofia i he fonua. 57 Koe gaahi faahiga moe toko lahi oe kau Livai. 63 Nae ikai toe ha taha o kinautolu nae lau i Sainai, ka ko Kelebi mo Josiua be. BEA nae hoko o behe i he hili ae mahaki fakaauha, nae folofola a Jihova kia Mosese mo Eliesa koe foha o Elone koe taulaeiki, o behe,

²Mo lau ae kakai kotoabe oe fānau a Isileli, mei he uofulu ta‘u o fai hake, i he fale oe nau gaahi tamai, akinautolu kotoabe oku malohi ke alu atu ke tau i Isileli.

³Bea nae lea a Mosese mo Eliesa koe taulaeiki kiate kinautolu i he toafa o Moabe i Joatani o ofi ki Jeliko, o behe,

⁴Mou lau ae kakai, mei he ta‘u e uofulu o fai hake; o hage koe fekau a Jihova kia Mosese meo fānau a Isileli, akinautolu nae alu atu i he fonua ko Ijibite.

⁵Ko Lubeni, koe uluaki foha o Isileli: bea koe fānau a Lubeni; ko Henoke aia oku tubu ai ae faahiga oe kau Henoke: bea ia Falu, koe faahiga oe kau Falu:

⁶Bea ia Hesiloni, koe faahiga oe kau Hesiloni: bea ia Kalimi, koe faahiga oe kau Kalimi.

⁷Koe gaahi faahiga eni oe faahiga o Lubeni: bea ko kinautolu nae lau meiate kinautolu koe kakai toko fa mano moe toko tolu afe moe toko fitugeau ma tolugofulu.

⁸Bea ko Iliabi, i he gaahi foha o Falu.

⁹Bea koe gaahi foha o Iliabi; ke Nimueli, mo Tatani, mo Ebilami. Bea koe Tatani ko ia eni mo Ebilami, naa na ogoogo i he kakai, o na agatuu kia Mosese bea mo Elone i he kakai a Kola, i he e nau agatuu kia Jihova:

¹⁰Bea nae mafaa ehe kelekele a hono gutu, o folo hifo akinautolu, bea nae mate ae kakai koia mo Kola, i he aho nae oji ai i he afi ae kau tagata e toko uageau ma toko nimagofulu: bea nae hoko akinautolu koe fakailoga.

¹¹Ka nae ikai mate ai ae fānau a Kola.

¹²Koe gaahi foha o Simione i ho nau gaahi faahiga: Ia Jemueli, koe faahiga oe kau Jemueli: ia Jamini, koe faahiga oe kau Jamini: bea ia Jakini, koe faahiga oe kau Jakini:

¹³Bea i Sela, koe faahiga oe kau Sela: bea ia Saula, koe faahiga oe kau Saula.

¹⁴Koe gaahi kakai eni oe faahiga o Simione, koe toko ua mano moe toko ua afe ma uageau.

¹⁵Koe fānau a Kata i ho nau gaahi faahiga. Ia Sifoni, koe faahiga oe kau Sifoni: ia Hakai, koe faahiga oe kau Hakai: bea ia Suni, koe faahiga oe kau Suni:

¹⁶Bea ia Osini, koe faahiga oe kau Osini: bea ia Elai, koe faahiga oe kau Elai:

¹⁷Bea ia Eloti, koe faahiga oe kau Eloti: bea ia Aleli, koe faahiga oe kau Aleli.

¹⁸Koe gaahi kakai eni oe fānau a Kata o fakatatau mo kinautolu nae lau meiate kinautolu, koe toko fa mano ma nimageau.

¹⁹Koe ogo foha o Juta ko Ea mo Onani: bea nae mate a Ea mo Onani i he fonua ko Kenani.

²⁰Bea koe gaahi faahiga eni oe ogo foha o Juta; Ia Sila, koe faahiga oe kau Sila: ia Felesi koe faahiga oe kau Felesi: bea ia Sela, koe faahiga oe kau Sela.

²¹Bea koe gaahi foha eni o Felesi; Ia Hesiloni, koe faahiga oe kau Hesiloni: ia Hamuli, koe faahiga oe kau Hamuli.

²²Koe gaahi kakai eni o Juta o fakatatau mo kinautolu nae lau meiate kinautolu, koe toko fitu mano moe toko ono afe ma nimageau.

²³Koe gaahi foha o Isaka i ho nau gaahi faahiga: Ia Tola, koe faahiga oe kau Tola: ia Fufa koe faahiga oe kau Fufa.

²⁴Ia Jasubi, koe faahiga oe kau Jasubi: bea ia Similoni, koe faahiga oe kau Similoni.

²⁵Koe gaahi faahiga eni o Isaka o fakatatau mo kinautolu nae lau meiate kinautolu, koe toko ono mano moe toko fa afe ma tolugeau.

²⁶Koe gaahi foha o Sebuloni i ho nau gaahi faahiga: Ia Seleti, koe faahiga oe kau Seleti: ia Eloni, koe faahiga oe kau Eloni: ia Jalili, koe faahiga oe kau Jalili.

²⁷Koe gaahi kakai eni oe faahiga o Sebuloni o fakatatau mo kinautolu nae lau meiate kinautolu, koe toko ono mano ma nimageau.

²⁸Koe ogo foha o Josefa i ho na faahiga ko Manase mo Ifalemi.

²⁹Koe gaahi foha o Manase: Ia Mekili koe faahiga oe kau Mekili, bea nae tubu ia Mekili a Kiliati: bea nae tubu ia Kiliati ae faahiga oe kau Kiliati.

³⁰Koe gaahi foha eni o Kiliati: ia Jesa, koe faahiga oe kau Jesa: ia Eleki, koe faahiga oe kau Eleki:

³¹Bea ia Esileli, koe faahiga oe kau Esileli: bea ia Sikemi, koe faahiga oe kau Sikemi:

³²Bea ia Simita, koe faahiga oe kau Simita: ia Hefeli, koe faahiga oe kau Hefeli.

³³Bea nae ikai ha gaahi foha o Silofitati koe foha o Hefeli, ka koe gaahi ofefine be: bea koe higoa eni oe gaahi ofefine o Silofitati, ko Mala, mo Noa, mo Hokila, mo Milika, mo Tilisa.

³⁴Koe gaahi faahiga eni o Manase, bea mo kinautolu nae lau meiate kinautolu, koe toko nima mano moe toko ua afe ma fitugeau.

³⁵Koe gaahi foha eni o Ifalemi i ho nau gaahi faahiga: ia Sutila, koe faahiga oe kau Sutila: ia Bikeli, koe faahiga oe kau Bekeli: ia Tehani, koe faahiga oe kau Tehani.

³⁶Bea koe gaahi foha eni o Sutila: ia Elani, ae faahiga oe kau Elani.

³⁷Koe gaahi faahiga eni oe fānau a Ifalemi o fakatatau mo kinautolu nae lau meiate kinautolu, koe toko tolu mano moe toko ua afe ma nimageau. Koe gaahi foha eni o Josefa i ho nau gaahi faahiga fale.

³⁸Koe gaahi foha o Benijimani i ho nau gaahi faahiga: Ia Bila, koe faahiga oe kau Bila: ia Asibeli, koe faahiga oe kau Asibeli: ia Ehilami, koe faahiga oe kau Ehilami:

³⁹Bea ia Sifufami, koe faahiga oe kau Sifufami: ia Hufami, koe faahiga oe kau Hufami.

⁴⁰Bea koe ogo foha o Bila, ko Aliti mo Neamani: ia Aliti koe faahiga oe kau Aliti: bea ia Neamani, koe faahiga oe kau Neamani.

⁴¹Koe gaahi foha eni o Benijimani i ho nau gaahi faahiga: bea mo kinautolu nae lau meiate kinautolu, koe toko fa mano moe toko nima afe ma onogeau.

⁴²Koe gaahi foha eni o Tani i ho nau gaahi faahiga: Ia Suhami, koe faahiga oe kau Suhami. Koe gaahi kakai eni o Tani i ho nau gaahi faahiga.

⁴³Koe gaahi faahiga fulibe oe kau Suhami, o fakatatau mo kinautolu nae lau meiate kinautolu, koe toko ono mano moe toko fa afe ma fageau.

⁴⁴Koe fānau a Aseli i ho nau gaahi faahiga: Ia Jimina, koe faahiga oe kau Jimina: ia Isui, koe faahiga oe kau Isui: ia Belia, koe faahiga oe kau Belia.

⁴⁵Koe gaahi foha o Belia: Ia Heba, koe faahiga oe kau Heba: ia Malikieli, koe faahiga oe kau Malikieli.

⁴⁶Bea koe higoa oe ofefine o Aseli ko Sela.

⁴⁷Koe gaahi faahiga eni oe fānau a Aseli, o fakatatau mo kinautolu nae lau meiate kinautolu; koe toko nima mano moe toko tolu afe ma fageau.

⁴⁸Koe gaahi foha o Nafitali i ho nau gaahi faahiga: Ia Jaseile, koe faahiga oe kau Jaseile: ia Kuni, koe faahiga oe kau Kuni:

⁴⁹Ia Jeseli koe faahiga oe kau Jeseli: ia Silemi, koe faahiga oe kau Silemi.

⁵⁰Koe gaahi fānau eni o Nafitali i ho nau gaahi faahiga: bea ko kinautolu nae lau meiate kinautolu koe toko fa mano moe toko nima afe ma fageau.

⁵¹Ko kinautolu ni nae lau i he fānau a Isileli, koe toko ono kilu, moe toko taha afe, moe toko fitugeau ma tolugofulu.

⁵²Bea nae folofola a Jihova kia Mosese, o behe,

⁵³E tufa ae fonua kiate kinautolu ni koe tofia, o fakatatau ki hono lau oe gaahi higoa.

⁵⁴Ke ke foaki ae tofia lahi ki he kakai toko lahi, bea moe tofia jii ki he kakai toko jii: e foaki a hono tofia taki taha o fakatatau mo kinautolu nae lau iate ia.

⁵⁵Ka ne ogo ia e tufa ae fonua i he talotalo: bea te nau ma‘u ia o fakatatau ki he higoa oe faahiga oe nau gaahi tamai.

⁵⁶E fakatatau ki he talotalo ae tufaki oe tofia ki he toko lahi moe toko jii.

⁵⁷Bea ko kinautolu eni nae lau oe kau Livai i ho nau gaahi faahiga: Ia Kesoni, koe faahiga oe kau Kesoni: ia Kohate, koe faahiga oe kau Kohate: ia Melali, koe faahiga oe kau Melali.

⁵⁸Koe gaahi faahiga eni oe kau Livai: koe faahiga oe kau Libinai, koe faahiga oe kau Hebeloni, koe faahiga oe kau Mali, koe faahiga, oe kau Musi, koe faahiga oe kau Kola. Bea nae tubu a Amilami ia Kohate.

⁵⁹Bea koe higoa oe unoho o Amilami ko Jokabeti koe ofefine o Livai aia nae fanau‘i e he ene fa‘e kia Livai i Ijibite: bea nae fanau‘i eia kia Amilami a Elone mo Mosese, mo Miliame ko ho na tuofefine.

⁶⁰Bea nae fanau‘i kia Elone a Natabi, mo Abiu, mo Eliesa, mo Itama.

⁶¹Bea nae mate a Natabi mo Abiu i he e na atu ae afi tae tabu i he ao o Jihova.

⁶²Bea ko kinautolu nae lau meiate kinautolu koe toko ua mano moe toko tolu afe, koe kakai tagata kotoabe mei hono taha mahina o fai hake: he nae ikai lau akinautolu i he fānau a Isileli, koeuhi nae ikai foaki ha tofia kiate kinautolu i he fānau a Isileli.

⁶³Ko kinautolu ni ia nae lau e Mosese mo Eliesa koe taulaeiki, naa na lau ae fānau a Isileli i he gaahi tafagafaga tokalelei o Moabe oku ofi ki Joatani mo Jeliko.

⁶⁴Ka nae ikai ha tagata iate kinautolu ni nae lau e Mosese mo Elone koe taulaeiki, i i he e na lau ae fānau a Isileli i he toafa o Sainai.

⁶⁵He nae folofola a Jihova iate kinautolu, Koe mooni te nau mate i he toafa. Bea nae ikai ha tagata e toe iate kinautolu, ka ko Kelebi koe foha o Jifune, mo Josiua koe foha o Nuni.