NOMIBA 31:1-54 TON1884 - Bible AI

¹1 Oku maumau‘i ae kakai Mitiane, bea oku tamate‘i a Belami. 13 Oku ita a Mosese ki he kau taki tau i he e nau fakamoui ae kau fefine. 19 Koe aga oe fakamaa oe kau tau, moe kau bobula moe koloa. 25 Koe aga e vahevahe ai ae koloa oe vete. 48 Koe mea ofa ki he tukuga koloa a Jihova. BEA nae folofola a Jihova kia Mosese, o behe,

²Totogi ki he kau Mitiane koeuhi koe fānau a Isileli: bea hili ia e tanaki koe ki ho kakai.

³Bea nae lea a Mosese ki he kakai, o behe, Teu a ho mou niihi ki he tau, bea tuku akinautolu ke nau o ki he kau Mitiane, ke totogi a Jihova ki Mitiane.

⁴Koe toko afe i he faahiga taki taha ke mou fekau ki he tau i he faahiga kotoabe o Isileli.

⁵Bea koia nae tukuage ai i he gaahi toko afe o Isileli ae toko afe mei he faahiga taki taha kotoabe, koe toko taha mano ma toko ua afe kuo too mahafu ke tau.

⁶Bea nae fekau akinautolu e Mosese ki he tau, o tautau toko afe mei he faahiga taki taha, akinautolu mo Finiasi koe foha o Eliesa koe taulaeiki, ki he tau, moe gaahi mea tobu tabu, bea moe gaahi mealea i hono nima ke ifi aki.

⁷Bea naa nau tau ki he kau Mitiane, o hage koe fekau a Jihova kia Mosese; bea naa nau teia ae kakai tagata fulibe.

⁸Bea naa nau teia ae gaahi tu‘i o Mitiane kae umaa ae kakai kehe nae teia; aia ko Ivi, mo Lekimi, mo Sua, mo Hua, mo Leba, koe gaahi tu‘i e toko nima o Mitiane: bea naa nau ta‘i foki a Belami koe foha o Beoli aki ae heleta.

⁹Bea nae taki bobula e he fānau a Isileli ae kau fefine kotoabe o Mitiane, moe nau fānau iki, bea naa nau ma‘u e nau faga manu kotoabe, moe nau faga sibi kotoabe, moe nau koloa kotoabe.

¹⁰Bea naa nau tutu e nau gaahi kolo kotoabe aia naa nau nofo ai, bea mo ho nau gaahi fale maoluga lelei aki ae afi.

¹¹Bea naa nau ave ae koloa kotoabe, moe koloa veteki kotoabe, ae kau tagata moe faga manu.

¹²Bea naa nau omi ae kau bobula, bea moe koloa vete, moe koloa, kia Mosese, mo Eliesa koe taulaeiki, bea moe kakai oe fānau a Isileli, ki he abitaga i he gaahi toafa o Moabe, aia oku i Joatani o ofi ki Jeliko.

¹³Bea nae alu atu a Mosese, mo Eliesa koe taulaeiki, moe houeiki kotoabe oe kakai, ke nau fetaulaki mo kinautolu ki he tua abitaga.

¹⁴Bea nae tubutamaki a Mosese ki he houeiki oe kau tau, moe gaahi eiki oe gaahi toko afe, moe gaahi eiki oe gaahi toko teau, akinautolu nae foki mai mei he tau.

¹⁵Bea nae behe e Mosese kiate kinautolu, Kuo mou fakamoui ae kau fefine ke nau moui kotoabe?

¹⁶Vakai mai, ko kinautolu eni naa nau fakaagahala‘i a Isileli, i he akonaki a Belami, ke fai mea kovi kia Jihova i he mea a Beoli, bea nae hoko ai ae mahaki fakaauha ki he kakai a Jihova.

¹⁷Bea koeni, tamate‘i ae kakai tagata kotoabe o a‘u ki he tamaiki iki, bea tamate‘i ae fefine kotoabe kuo ne ilo ae tagata i he ena takoto mo ia.

¹⁸Ka koe tamaiki fefine, oku ikai te nau ilo ha tagata ke takoto mo ia, ke fakamoui maa moutolu.

¹⁹Bea te mou nofo ki he tua abitaga i he aho e fitu; koia kuo ne tamate‘i ha taha, bea mo ia kuo ala ki he mate, fakamaa akimoutolu mo ho mou kau bobula i hono aho tolu, bea mo hono aho fitu.

²⁰Bea fakamaa ho mou gaahi kofu kotoabe, bea mo ia kotoabe oku gaohi aki ae kili‘i manu, bea moe gaahi mea kotoabe oe fulufulu oe koji, bea moe gaahi mea kotoabe oku gaohi aki ae akau.

²¹Bea nae behe e Eliesa koe taulaeiki ki he kau tagata tau naa nau o ki he tau. Koe talatuku eni i he fono aia nae fekau e Jihova kia Mosese;

²²Koe koula, bea moe siliva, moe balasa, moe ukamea, moe tini, bea moe bulu,

²³Koe mea kotoabe oku ne kataki ae afi te mou ave ia ki he afi, bea e maa ai ia: ka e fakamaa ia aki ae vai oe fakamavae: bea mo ia kotoabe e ikai kataki ae afi, te mou ave ia ki he vai.

²⁴Bea te mou fo ho mou gaahi kofu i hono fitu oe aho, bea te mou maa ai, bea ka hili ia, te mou omi ki he abitaga.

²⁵Bea nae folofola a Jihova kia Mosese, o behe,

²⁶Ke ke lau ae koloa aia nae ma‘u, ae tagata moe manu, ekoe, mo Eliesa koe taulaeiki, bea moe kau mātua ae kakai.

²⁷Bea vaeua ae koloa koe inaji e ua: koe taha kiate kinautolu naa nau fai ae tau, akinautolu nae alu atu ke tau, bea koe taha ki he kakai kotoabe.

²⁸Bea te ke fekau ke omi ae tukuhau kia Jihova e he kau tagata tau, akinautolu nae alu atu ke tau: koe toko taha mei he toko nimageau i he kakai, moe faga bulu, moe faga asi, moe faga sibi:

²⁹Ke omi ia mei ho nau inaji, o foaki ia kia Eliesa koe taulaeiki koe feilaulau hiki hake kia Jihova.

³⁰Bea te ke too mei he inaji oe fānau kotoabe a Isileli koe toko taha i he toko nimagofulu i he kakai, moe faga bulu, moe faga asi, moe faga koji, moe faahiga manu kotoabe, bea atu ia ki he kau Livai aia oku tauhi ae gaue oe fale fehikitaki o Jihova.

³¹Bea nae fai e Mosese, mo Eliesa koe taulaeiki, o hage koe fekau a Jihova kia Mosese.

³²Bea koe koloa, i hono toe oe mea vete nae ma‘u e he kau tagata tau, koe faga sibi e ono kilu ma fitu mano moe nima afe,

³³Moe faga bulu e fitu mano moe ia afe,

³⁴Moe faga asi e ono mano moe taha afe,

³⁵Bea koe kau fefine koe kau tāuboou kotoabe, e toko tolu mano ma toko ua afe, nae ikai te nau ilo ha tagata ke takoto mo ia.

³⁶Bea ko hono vahe ua koe inaji o kinautolu nae alu atu ke tau, ko hono lau koe faga sibi e tolu kilu moe tolu mano moe fitu afe ma nimageau.

³⁷Bea koe tukuhau kia Jihova mei he faga sibi, nae onogeau ma fitugofulu ma nima.

³⁸Bea koe faga bulu nae tolu mano ma ono afe, ka koe tukuhau mei ai kia Jihova koe fitugofulu ma ua.

³⁹Bea nae tolu mano ma nimageau ae faga asi, ka koe tukuhau mei ai kia Jihova koe onogofulu ma taha.

⁴⁰Bea nae toko taha mano ma toko ono afe ae kakai; ka koe kakai tukuhau mei ai kia Jihova koe toko tolugofulu ma toko ua.

⁴¹Bea nae age e Mosese ae tukuhau, aia koe feilaulau hiki hake kia Jihova, kia Eliesa koe taulaeiki, o hage koe fekau a Jihova kia Mosese.

⁴²Bea ko hono vahe ua ki he fānau a Isileli, aia nae vaeua e Mosese mei he kau tagata tau,

⁴³(Ko hono vahe ua eni nae i he kakai, koe faga sibi e tolu kilu moe tolu mano moe fitu afe ma nimageau,

⁴⁴Moe faga bulu e tolu mano ma one afe,

⁴⁵Moe faga asi e tolu mano ma nimageau,

⁴⁶Bea moe kakai e toko taha mano ma toko ono afe;)

⁴⁷Bea nae too e Mosese ae inaji e taha i he nimagofulu mei hono vahe ua ki he fānau a Isileli, i he tagata moe manu, o ne age ia ki he kau Livai, akinautolu nae i ai ae tauhi oe fale fehikitaki o Jihova; o hage koia nae fekau e Jihova kia Mosese.

⁴⁸Bea koe houeiki nae bule ki he gaahi toko afe oe kau tau, moe gaahi eiki oe gaahi toko afe, moe gaahi eiki oe gaahi toko teau, naa nau unuunu mai o ofi kia Mosese:

⁴⁹Bea naa nau behe kia Mosese, Kuo fai e hoo kau tamaioeiki ae lau oe kakai tau akinautolu oku mau bule ki ai, bea oku ikai ha tagata kuo to iate kimautolu.

⁵⁰Koia kuo mau omi ai ae feilaulau kia Jihova, i he mea kuo taki taha ma‘u e he tagata, koe gaahi teuga koula, moe gaahi kahoa, moe gaahi vesa, moe gaahi mama, moe gaahi hau ki he teliga, moe gaahi jifa, ke fai aki ae fakalelei koeuhi ko ho mau laumalie i he ao o Jihova.

⁵¹Bea nae ma‘u e Mosese mo Eliesa koe taulaeiki, ae koula meiate kinautolu, io ae gaahi teuga kuo gaohi.

⁵²Bea koe koula kotoabe oe feilaulau naa nau hiki hake ia kia Jihova, mei he gaahi eiki oe gaahi toko afe, moe gaahi eiki oe gaahi toko teau, koe sikeli e taha mano moe ono afe moe fitugeau ma nimagofulu.

⁵³(He nae taki taha ma‘u e he kau tagata tau ae koloa maana.)

⁵⁴Bea nae ma‘u e Mosese mo Eliesa koe taulaeiki ae koula mei he gaahi eiki oe gaahi toko afe, moe gaahi eiki oe gaahi toko teau, o na omi ia ki he fale fehikitaki oe kakai, koe mea fakamanatu ia ki he fānau a Isileli i he ao o Jihova.