NOMIBA 35:1-34 TON1884 - Bible AI

¹1 Koe kolo e fagofulu ma valu ki he kau Livai, moe gaahi abi ofi, mo hono fuofua e ia. 6 Koe kolo hufaga e ono. 9 Koe fono ki he fakabo. 31 E ikai ma‘u ha tukugoue ki he fakabo. BEA nae folofola a Jihova kia Mosese i he fonua tafagafaga o Moabe oku ofi ki Joatani bea ofi ki Jeliko, o behe,

²Fekau ki he fānau a Isileli, ke nau foaki ae gaahi kolo ki he kau Livai ke nau nofo ai, mei he gaahi tofia oku nau ma‘u; bea mou foaki foki ki he kau Livai ae gaahi botu fonua ke takatakai ae gaahi kolo.

³Bea te nau ma‘u ae gaahi kolo ke nau nofo ai; bea moe gaahi botu fonua oku takatakai ai, ki he e nau faga manu, moe nau koloa, mo e nau faga manu kotoabe.

⁴Bea koe gaahi botu fonua oe gaahi kolo, aia te mou foaki ki he kau Livai, e a‘u atu ia mei he a maka oe kolo i he haga e ua afe o takatakai ia.

⁵Bea te mou fuofua mei he tua kolo ki he botu hahake koe haga e fa afe, bea moe botu toga ae haga e fa afe, bea moe botu hihifo ae haga e fa afe, bea moe botu tokelau ae haga e fa afe; ka e tuu loto ae kolo: bea e tuku ia kiate kinautolu koe gaahi botu fonua oe kolo.

⁶Bea i he gaahi kolo te mou foaki ki he kau Livai, e i ai ae kolo hufaga e ono, aia te mou tuutuuni ki he tagata kuo fainoa ha tamate, koeuhi ke hola ia ki ai: bea te mou lau foki moia ae kolo e fagofulu ma ua.

⁷Bea koe gaahi kolo kotoabe aia te mou foaki ki he kau Livai koe kolo e fagofulu ma valu: te mou foaki ia mo hono gaahi botu fonua.

⁸Bea te mou foaki ae gaahi kolo mei he tofia oe fānau a Isileli: ko kinautolu oku ma‘u o lahi ke mou foaki lahi mei ai; ka ko kinautolu oku ma‘u o jii ke mou foaki jii mei ai: e taki taha foaki mei hono gaahi kolo ki he kau Livai o fakatatau moe tofia kuo ne ma‘u.

⁹Bea nae folofola a Jihova kia Mosese, o behe,

¹⁰Lea ki he fānau a Isileli, mo ke behe kiate kinautolu, Oka mou ka aa i Joatani ki he fonua ko Kenani;

¹¹Te mou toki fakatabu‘i ae gaahi kolo, koe gaahi kolo hufaga moo moutolu; koeuhi ke hola ki ai ae tagata kuo fai ha tamate, aia oku ne tamate‘i ha toko taha i he ene balalivale.

¹²Bea e iate kimoutolu ia koe gaahi kolo hufaga mei he tagata totogi; ke oua naa mate ae tagata oku fainoa ha tamate, kae oua ke tuu ia i he ao oe kakai i he fakamāu.

¹³Bea i he gaahi kolo aia te mou foaki e vahe mei ai ae kolo e ono ke hufaga aki.

¹⁴Te mou foaki ae kolo e tolu i he kau vai mai ki heni o Joatani, bea moe kolo e tolu i he fonua ko Kenani, koe gaahi kolo hufaga.

¹⁵Koe gaahi kolo e ono ni e hufaga aki e he fānau a Isileli, moe muli, moe āunofo iate kinautolu: koeuhi ke hola kotoabe ki ai aia kuo tamate ha toko taha i he ene fainoa.

¹⁶Bea kabau e ta‘i ia aki ha mea ukamea ke mate ai ia, koe tagata fakabo ia: koe mooni e tamate‘i ae fakabo.

¹⁷Bea kabau e ta‘i ia i he ene lijigi ha maka, ke mate ai ia, bea mate ia, koe tagata fakabo ia: koe mooni e tamate‘i ae fakabo.

¹⁸Bea kabau te ne ta‘i aki ia ae akau, ke mate ai ia, bea mate ia, koe tagata fakabo ia: koe mooni e tamate‘i ae fakabo.

¹⁹Koe tagata oku fai ae totogi toto e ta‘i eia ae fakabo: i he e na fetaulaki mo ia, te ne ta‘i ia.

²⁰Bea kabau e hoka‘i ia i he ita, be liji kiate ia i he ene toitoi, ke mate ai ia;

²¹Be ta‘i aki ia a hono nima i he ene taufehia, ke mate ai ia: koe mooni koia naa ne ta‘i ia e tamate‘i ia; he koe fakabo ia: bea e ta‘i ae fakabo e he tagata oku fai ae totogi toto, i he e na fetaulaki mo ia.

²²Bea kabau e hoka‘i fakafokifa ia ka oku ikai taufehia, be liji ha mea e taha kiate ia ka oku ikai toitoi,

²³Be ha maka, ke mate ai ia, ka oku ikai mamata kiate ia, kae liji ia kiate ia bea ne mate ai ia, ka nae ikai ko hono fili, bea nae ikai kumi ia ke fai ha mea kovi kiate ia:

²⁴Bea e toki fakamāu e he kakai ki he tagata fakabo moe tagata oku fai ae totogi toto o fakatatau ki he gaahi fono ni:

²⁵Bea e fakamoui e he kakai aia kuo fainoa ae tamate mei he nima oe tagata oku fai ae totogi toto, bea te nau toe ave ia ki hono kolo hufaga, aia nae hola ki ai: bea e nofo ai ia o a‘u ki he bekia ae fugani taulaeiki, aia nae fakanofo aki oe lolo tabu.

²⁶Bea kabau e ha‘u ae tagata kuo fainoa ha tamate kituaa i he vee kolo o hono hufaga, aia nae hola ia ki ai;

²⁷Bea ka ilo ia e he tagata oku fai ae totogi toto, i he ene i tuaa i he vee kolo o hono hufaga, bea kabau e tamate‘i ae tamate fainoa e he totogi toto; e ikai halaia ia i hono toto:

²⁸He nae totonu a ene nofo ia i he kolo o hono hufaga o a‘u ki he bekia ae fugani taulaeiki: bea ka hili ae bekia ae fugani taulaeiki e foki ae tagata nae fainoa ha tamate ki he fonua o hono tofia.

²⁹Bea koe gaahi mea ni koe fono oe fakamāu kiate kimoutolu i ho mou gaahi toutagata mo ho mou gaahi tofia kotoabe.

³⁰Koia oku ne tamate‘i ha toko taha, e tamate‘i ae fakabo koia i he fakamooni oe kau fakamooni: ka e ikai tamate‘i ha toko taha i he fakailo e he fakamooni o ha toko taha be.

³¹Bea e ikai foki te mou ma‘u ha totogi kae moui ae fakabo, aia oku halaia i he ene tamate: ka koe mooni e tamate‘i ia.

³²Bea e ikai te mou ma‘u ae totogi koeuhi koia kuo hola ki he kolo ko hono hufaga, ke toe omi ia ke nofo i he fonua, kae oua ke bekia ae taulaeiki.

³³Bea koia, e ikai te mou fakauli ae fonua oku mou i ai: he oku fakauli e he toto ae fonua: bea e ikai fakamaa ae fonua i he toto kuo liligi i ai, ka i he toto o ia naa ne liligi ia.

³⁴Koia oua naa mou fakauli ae fonua aia te mou nofo ai, he oku ou nofo ai: he ko au ko Jihova oku ou nofo moe fānau a Isileli.