NOMIBA 36:1-13 TON1884 - Bible AI

¹1 Koe faigataa oe ma‘u tofia e he kau fefine. 5 Oku fakatonutonu ia i he e nau unoho i ho nau faahiga o nautolu be, telia naa mole ae tofia mei he faahiga. 10 Koe gaahi ofefine o Silofitati oku fakamau moe gaahi foha oe tokoua oe nau tamai. BEA koe kau mātua koe tamai ae gaahi faahiga oe fānau a Kiliati koe foha o Mekili koe foha ia o Manase, oe gaahi faahiga oe fānau a Josefa, naa nau unuunu mai o nau lea i he ao o Mosese, moe ao oe houeiki, koe kau mātua tuu ki mu‘a i he fānau a Isileli:

²Bea naa nau behe, Nae fekau e Jihova ki he eku eiki ke foaki ae fonua i he talotalo, koe tofia ki he fānau a Isileli: bea nae fekau e Jihova ki he eku eiki ke foaki ae tofia o Silofitati ko no mau tokoua ki hono gaahi ofefine.

³Bea kabau te nau unoho moe niihi i he gaahi foha oe gaahi faahiga oe fānau a Isileli, e toki to ai ho nau tofia mei he tofia oe mau gaahi tamai, bea e tuku ia ki he tofia oe faahiga aia kuo nau alu ki ai: bea e mole behe ia mei he talotalo o ho mau tofia.

⁴Bea oka hoko ae jiubeli oe fānau a Isileli, e lau ai ho nau tofia ki he tofia oe faahiga aia kuo nau ma‘u akinautolu: bea e mole behe a ho nau tofia mei he tofia oe faahiga oe mau gaahi tamai.

⁵Bea nae fekau e Mosese ki he fānau a Isileli o fakatatau ki he folofola a Jihova, o ne behe, Kuo lea totonu ae faahiga oe gaahi foha o Josefa.

⁶Koe mea eni kuo fekau e Jihova koeuhi koe gaahi ofefine o Silofitati, o behe, Tuku akinautolu ke nau fakamau mo kinautolu oku nau manako ki ai; ka te nau fakamau i he fānau oe faahiga be oe nau gaahi tamai.

⁷Bea koia e ikai hiki ai ae tofia oe fānau a Isileli mei ha faahiga ki ha faahiga: ka te nau taki taha bikitai ki he tofia oe faahiga o ene gaahi tamai.

⁸Bea koe ofefine kotoabe, oku ne ma‘u ha tofia i ha faahiga oe fānau a Isileli, e hoko ia koe unoho o ha toko taha i he fānau oe faahiga o ene tamai, koeuhi ke ma‘u e he fānau a Isileli e he tagata taki taha ae tofia o ene gaahi tamai.

⁹Kae oua e hiki ae tofia mei ha faahiga e taha ki ha faahiga kehe; kae taki taha bikitai ae faahiga oe fānau a Isileli ki hono tofia oona.

¹⁰O hage koia nae fekau e Jihova kia Mosese, nae fai behe ae gaahi ofefine o Silofitati:

¹¹He nae fakamau a Mala, mo Tilisa, mo Hokila, mo Milika, mo Noa, koe gaahi ofefine o Silofitati, moe gaahi foha oe tokoua oe nau tamai:

¹²Bea naa nau fakamau ki he gaahi fānau oe gaahi foha o Manase koe foha o Josefa, bea nae ma‘u ho nau tofia i he faahiga oe fānau oe nau tamai.

¹³Koe gaahi fekau eni moe gaahi fono, aia nae fekau e Jihova i he nima o Mosese ki he fānau a Isileli i he gaahi botu tafagafaga o Moabe oku ofi ki Joatani, bea ofi ki Jeliko.