1
2Mo lau ae gaahi foha o Kohate mei he gaahi foha o Livai, i ho nau gaahi faahiga, o fakatatau ki he fale oe nau gaahi tamai,
3Mei he ta‘u e tolugofulu o fai hake, io, o a‘u ki he ta‘u e nimagofulu, akinautolu kotoabe oku alu ki he tau, ke fai ae gaue i he fale fehikitaki oe kakai.
4Bea koe gaue eni ae gaahi foha o Kohate i he fale fehikitaki oe kakai, i he gaahi mea tobu tabu.
5Bea oka hiki atu ae abitaga, e ha‘u a Elone, mo hono gaahi foha, ke nau vete hifo ae fakabuloga, o uufi aki ia ae buha oe fuakava:
6Bea e tuku ki ai ae kili‘i bajia ke uufi aki ia, bea e ufiufi aki ia ae kofu lanumoana, bea e ai ki ai hono akau haamo.
7Bea koe balebale oe ma oe ao te nau uufi aki ae kofu lanumoana, bea tuku ki ai ae gaahi ibu, moe gaahi sebuni, moe gaahi ‘ibu louluo, bea moe gaahi tabuni ke ufiufi aki; bea e tuku ki ai ae ma oe ao:
8Bea te nau uufi aki ia ae kofu kulaahoaho, bea e toe uufi aki ia ae kili‘i bajia, bea e ai ki ai hono akau haamo.
9Bea te nau ave ae kofu lanumoana, o uufi aki ae tuuga māma, mo hono gaahi foi māma, mo hono gaahi hikofi, moe gaahi tukuaga oe helekoji māma, bea moe ibu lolo kotoabe, aia oku nau gaue aki ki ai:
10Bea te nau tuku ia mo hono gaahi ibu kotoabe ke uufi aki ae kili‘i bajia, bea e tuku ia ki ha fata.
11Bea te nau faliki aki ae feilaulauaga koula ae kofu lanumoana, bea toe uufi aki ia ae kili‘i bajia, bea e tuku ki ai hono akau haamo.
12Bea te nau too ai ae nāunāu kotoabe oe gaue, aia oku nau gaue aki i he fale tabu, bea e tuku ia ki ha kofu lanumoana, bea e uufi aki ia ae buloga kili‘i bajia, bea e tuku ia ki ha fata.
13Bea te nau ave ae efuefu mei he feilaulauaga, bea e uufi aki ia ae kofu bauhiuhi:
14Bea te nau tuku ki ai hono gaahi ibu kotoabe, aia oku nau gaue aki ki ai, io, ae gaahi ibu aiaga afi, moe gaahi huhu, bea moe gaahi huo, bea moe gaahi ibu luoluo, koe gaahi ibu kotoabe oe feilaulauaga; bea te nau uufi aki ia ae kili‘i bajia, bea tuku ki ai hono akau haamo.
15Bea ka fakaoji e Elone mo hono gaahi foha ae fakabuloga oe fale tabu, bea mo hono gaahi nāunāu kotoabe, bea ka hiki atu ae abitaga; e toki ha‘u ae gaahi foha o Kohate o fata ia: kae oua naa nau ala ki ha mea tabu, telia naa nau mate ai. Koe gaahi mea ni koe kavega ia ae gaahi foha o Kohate i he fale fehikitaki oe kakai.
16Bea koe gaue a Eliesa koe foha o Elone koe taulaeiki, koe lolo ki he māma, bea moe mea namu kakala, bea moe feilaulau meakai oe aho, bea moe lolo oe fakanofo, bea moe bule oe fale fehikitaki, bea moe gaahi mea kotoabe i ai, i he fale tabu, bea mo hono gaahi nāunāu o ia.
17Bea nae folofola a Jihova kia Mosese mo Elone, o behe,
18Oua naa mo vahe‘i ae faahiga oe gaahi fānau a Kohate mei he kau Livai:
19Ka koeni ia te mou fai kiate kinautolu, koeuhi ke nau moui, bea ikai mate, oka nau ka ha‘u ki he gaahi mea tobutabu: e alu a Elone mo hono gaahi foha o tuutuuni kiate kinautolu taki taha e nau gaue moe nau kavega:
20Ka e ikai te nau hu atu ke mamata oka uufi ae gaahi mea tobutabu, telia naa nau mate.
21Bea nae folofola a Jihova kia Mosese, o behe,
22Ke ke lau foki ae gaahi foha o Kesoni, i he fale oe nau gaahi tamai, o fakatatau moe nau gaahi fānau;
23Ke ke lau akinautolu mei he tolugofulu ta‘u o a‘u ki he ta‘u e nimagofulu; akinautolu kotoabe oku hu ke fai ae gaue, ke fai ae gaue i he fale fehikitaki oe kakai.
24Bea koe gaue eni ae faahiga oe kau Kesoni, ke tauhi, mo kavega aki:
25Bea te nau fua ae gaahi buibui oe fale fehikitaki, bea moe fale fehikitaki oe kakai, ko hono fakabuloga, bea moe uufi kili‘i bajia oku uufi aki ia, bea moe buibui oe mataba oe fale fehikitaki oe kakai,
26Bea moe gaahi buibui oe lotoa, bea moe buibui ke mataba aki i he huaga oe lotoa, aia oku ofi ki he fale fehikitaki bea oku takatakai i he vee feilaulauaga, bea mo hono gaahi maea, bea moe nāunāu kotoabe oe nau tauhi, bea moe mea kotoabe kuo gaohi maa nautolu: e behe e nau tauhi.
27E i he tuutuuni a Elone mo hono gaahi foha ae gaue kotoabe ae gaahi foha o Kesoni, moe nau kavega kotoabe, bea moe nau tauhi kotoabe: bea te mou tuutuuni kiate kinautolu e nau kavega kotoabe.
28Bea koe gaue eni ae faahiga oe gaahi foha o Kesoni i he fale fehikitaki oe kakai: bea e bule‘i e nau gaue e Itama koe foha o Elone koe taulaeiki.
29Bea koe gaahi foha o Melali, ke ke lau akinautolu i ho nau gaahi faahiga, i he fale oe nau gaahi tamai;
30Ke ke lau akinautolu mei he tolugofulu ta‘u, o fai hake, io, o a‘u ki he ta‘u e nimagofulu, akinautolu kotoabe oku hu ke fai ae gaue oe fale fehikitaki oe kakai.
31Bea koe fakaha eni oe nau kavega, o fakatatau ki he e nau gaue kotoabe i he fale fehikitaki oe kakai; koe gaahi laubaba oe fale fehikitaki, bea mo hono gaahi akau fakamau, bea mo hono gaahi bou, bea mo hono gaahi tuuga‘i bou,
32Bea moe gaahi otu bou takatakai oe lotoa, mo hono gaahi tuuga‘i bou, mo hono gaahi fa‘o, mo hono gaahi maea, fakataha mo ho nau nāunāu kotoabe, bea moe nau gaue kotoabe: bea te mo lau i ho nau higoa ae gaahi mea oe gaue oe nau kavega.
33Bea koe gaue eni ae fānau ae gaahi foha o Melali, o fakatatau ki he e nau gaue kotoabe i he fale fehikitaki oe kakai, i he bule a Itama koe foha o Elone koe taulaeiki.
34Bea nae lau e Mosese mo Elone moe houeiki oe kakai ae gaahi foha oe kau Kohate i ho nau gaahi faahiga, bea moe fale oe nau gaahi tamai,
35Mei he ta‘u e tolugofulu o fai hake, io, o a‘u ki he ta‘u e nimagofulu, akinautolu kotoabe oku hu ke fai ae gaue, ki he gaue i he fale fehikitaki oe kakai:
36Bea ko kinautolu nae lau iate kinautolu i ho nau gaahi faahiga koe toko ua afe moe toko fitugeau ma nimagofulu.
37Ko kinautolu ni nae lau oe fānau oe kau Kohate, akinautolu kotoabe oku faa fai ae gaue i he fale fehikitaki oe kakai, akinautolu nae lau e Mosese mo Elone, o fakatatau ki he fekau a Jihova i he nima o Mosese.
38Bea ko kinautolu nae lau oe gaahi foha o Kesoni, i ho nau gaahi faahiga, bea moe fale oe nau gaahi tamai,
39Mei he ta‘u e tolugofulu o fai hake, io, o a‘u ki he ta‘u e nimagofulu, akinautolu kotoabe oku hu ke fai ae gaue, ki he gaue i he fale fehikitaki oe kakai,
40Io, akinautolu nae lau iate kinautolu, i ho nau gaahi faahiga, moe fale oe nau gaahi tamai, koe toko ua afe moe toko onogeau ma tolugofulu.
41Ko kinautolu ni nae lau i he fānau oe gaahi foha o Kesoni, iate kinautolu kotoabe e gofua ke fai ae gaue i he fale fehikitaki oe kakai, akinautolu nae lau e Mosese mo Elone o fakatatau ki he fekau a Jihova.
42Bea ko kinautolu nae lau oe gaahi fānau a Melali, i ho nau gaahi faahiga, moe fale oe nau gaahi tamai,
43Mei he ta‘u e tolugofulu o fai hake, io, o a‘u ki he ta‘u e nimagofulu, akinautolu oku hu ke fai ae gaue, ki he gaue i he fale fehikitaki oe kakai,
44Io, ko kinautolu nae lau iate kinautolu, i ho nau gaahi faahiga, koe toko tolu afe ma toko uageau.
45Ko kinautolu ni nae lau i he fānau oe gaahi foha o Melali, aia, nae lau e Mosese mo Elone o fakatatau ki he folofola a Jihova i he nima a Mosese.
46Ko kinautolu kotoabe nae lau i he kau Livai, akinautolu nae lau e Mosese mo Elone moe houeiki o Isileli, i ho nau gaahi faahiga, bea moe fale oe nau gaahi tamai,
47Mei he ta‘u e tolugofulu o fai hake, io, o a‘u ki he ta‘u e nimagofulu, akinautolu kotoabe nae ha‘u ke fai ae gaue oe fai fekau, bea moe tauhi oe kavega i he fale fehikitaki oe kakai,
48Io, ko kinautolu nae lau iate kinautolu, koe toko valu afe, moe toko nimageau ma valugofulu.
49Bea nae lau akinautolu e he nima o Mosese, o fakatatau ki he fekau a Jihova, o taki taha fakatatau ki he ene gaue, bea mo ene kavega: nae behe a ene lau akinautolu o hage koe fekau a Jihova kia Mosese.