TAITUSI 1:1-16 TON1884 - Bible AI

¹1 Hono uhiga oe tuku a Taitusi i Keliti. 6 Ae gaahi aga oku totonu ke iate kinautolu oku fili koe kau faifekau. 11 Ke tabuni ae gutu oe kau ako kākā mo kovi: 12 moe aga ae kakai Keliti. KO AU BAULA, koe tamaioeiki ae Otua, moe abosetolo a Jisu Kalaisi, o fakatatau ki he tui ae kakai kuo fili e he Otua, bea moe ilo‘i oe mooni aia oku tāu moe aga faka‐Otua;

²I he amanaki lelei ki he moui taegata, aia nae fakailo e he Otua, aia oku ikai aubito loi, i he teeki ai tuu a mamani;

³Ka kuo fakaha i hono kuoga totonu a ene folofola i he malaga, aia kuo tuku kiate au, o fakatatau ki he fekau ae Otua ko ho tau Fakamoui;

⁴Ke ia Taitusi, koe foha mooni o tāu moe tui atautolu kotoabe, ae aloofa, moe ofa mataataatā, moe melino, mei he Otua koe Tamai, moe Eiki ko Jisu Kalaisi ko ho tau Fakamoui.

⁵Koe mea ni naaku tuku ai koe i Keliti, koeuhi ke ke fakatonutonu ae gaahi mea nae ikai fakaoji, o fakanofo ae kau mātua i he kolo kotoabe, o hage koia naaku fekau kiate koe:

⁶Kabau oku taehala ha toko taha, koe unoho oe fefine be taha, oku tui ene fānau, bea oku ikai valokia i ha fakamaveuveu be ha talagataa.

⁷He oku totonu ke taehalaia ae tauhi, o tāu moe tauhi koloa ae Otua; o ikai fai ki hono loto, be itagofua, be tokaga ki he uaine, be faa ta, be tokaga ki he koloa uli;

⁸Kae ofa ia ki he fai agalelei, bea ofa ki he kakai agalelei, ke ne aga fakabotoboto, mo agatotonu, mo maonioni, mo agamāu;

⁹O ne buke ke mau ae lea mooni, o hage ko hono akonekina, koeuhi ke ne faa fai ke eginaki mo valoki tonu ae kau lea kovi aki ae akonaki totonu.

¹⁰He oku ai ae toko lahi oku aga-tuu, koe kau launoa moe kau kāka, bea oku tuu mu‘a ai akinautolu oe kamu:

¹¹Akinautolu oku totonu ke tabuni ho nau gutu; oku nau fakahe‘i ae gaahi fale kotoa, o ako aki ae gaahi mea oku ikai totonu, ka nau ma‘u ai ae koloa uli.

¹²Ko ho nau toko taha, koe tagata kikite be o nautolu, nae behe, Oku loi mau ai be ae kakai Keliti, koe faga manu fekai mo kovi, koe kau faa kai fakabikobiko.

¹³Koe fakamooni ni oku mooni. Koia ke ke valoki majila akinautolu, ke nau haohaoa i he tui;

¹⁴Oua naa tokaga ki he gaahi tala-tubua faka‐Jiu, moe gaahi fekau ae kakai, akinautolu oku afe mei he mooni.

¹⁵Oku maa ae mea kotoabe kiate kinautolu oku loto maa: ka oku ikai maa ha mea e taha kiate kinautolu oku aga uli mo taetui; he ko ho nau loto mo ho nau atamai kuo uli‘i.

¹⁶Oku nau lau oku nau ilo ae Otua; ka i he e nau gaahi gaue oku nau jiaki ia, oku nau aga fakalielia, mo talagataa, bea tae ha fifili lelei ki he gaahi gaue lelei kotoabe.