TAITUSI 3:1-15 TON1884 - Bible AI

¹1 Oku kei akonaki e Baula a Taitusi ki he gaahi mea oku lelei ene ako aki mo ia oku kovi. 10 Ke tukuage ae kakai fakatubu mavahevahe: 12 bea ne tuutuuni ai, ka alu atu a Atima be ko Tikiko, ke ha‘u a Taitusi kiate ia ki Nikoboli; bea koe fakaoji ae tohi. FAKAMANATU‘I akinautolu ke nau aganofo ki he gaahi tu‘i moe kau bule, ke nau talagofua ki he kau faka-māu, ke tali teu be ki he gaahi gaue lelei kotoabe;

²Ke oua naa lauikovi ha toko taha, oua naa fakakikihi, kae agavaivai, o fakaha ae agamalu kotoabe ki he kakai kotoabe.

³He ko kitautolu foki naa tau vale i mu‘a, o talagataa, mo kākāia, bea moua ki he gaahi holi kovi moe gaahi mea fakamalie kehekehe, o moui i he faji-tuu moe meheka, koe fehianekina moe fetaufehiaaki.

⁴Kae hili hono fakaha mai ae agalelei moe aloofa ae Otua, ko ho tau Fakamoui, ki he tagata,

⁵Nae ikai i he gaahi gaue oe maonioni naa tau fai, kae fakatatau mo ene ofa mataataatā be, kuo ne fakamoui akitautolu, i he fufulu oe fakatubu foou, moe fakafoou e he Laumalie Maonioni;

⁶Aia naa ne liligi o lahi aubito kiate kitautolu ia Jisu Kalaisi, ko ho tau Fakamoui;

⁷Koeuhi i he fakatonuhia akitautolu i he ene ofa, e gaohi ai akitautolu koe fānau hoko, o tāu moe amanaki lelei, ki he moui taegata.

⁸Koe tala mooni eni, bea ko hoku loto ke ke fakababau mau ai be ae gaahi mea ni, koeuhi ko kinautolu kuo tui ki he Otua, ke nau loto tokaga ke fai ae gaahi gaue lelei. Oku lelei mo aoga ae gaahi mea ni ki he kakai.

⁹Ka ke teke‘i ae gaahi fehui launoa, moe tala hohoko, moe fakakikihi, moe gaahi fekeikei i he fono; he oku tae-aoga ia mo vaiga.

¹⁰Koe tagata fakatubu mavahevahe, hili a hono akonaki‘i o liuga taha mo liuga ua, tukuage ia;

¹¹I he ilo ko ia oku behe, kuo fakahe ia, bea oku fai agahala, bea kuo tu-kuaki‘i ia iate ia be.

¹²O kau ka fekau atu a Atima kiate koe, be ko Tikiko, ke ke ahiahi ke ke fakatootoo ke ha‘u kiate au i Nikoboli: he kuo bau be hoku loto ke nofo ki ai i he faahita‘u momoko.

¹³Ke ke tokoni lelei be kia Senasi koe akonaki i he fono, mo Abolosi, i ho na fonoga, ke oua te na majiva i ha mea.

¹⁴Bea ke ilo ekinautolu oku o tau-tolu foki, ke fai ae gaahi gaue lelei, ke ma‘u ai aia oku aoga, koeuhi ke oua naa taefua ai akinautolu.

¹⁵Ko kinautolu kotoabe oku iate au, oku nau ofa atu kiate koe. Ofa atu kiate kinautolu oku ofa kiate kitautolu i he tui. Ke iate kimoutolu kotoabe ae aloofa. Emeni.