TEUTALONOME 11:1-32 TON1884 - Bible AI

¹1 Koe eginaki ki he fai talagofua, 2 koe mea i he e nau ilo ae gaahi gaue lahi ae Otua, 8 i he talaofa oe tabuaki lahi ae Otua, 16 bea i he gaahi valoki. 18 Oku totonu ke tokaga lahi ki he folofola ae Otua. 26 Oku fokotuu i ho nau ao ae tabuaki moe malaia. KOIA ke ke ofa kia Jihova ko ho Otua, bea tauhi mau ai be ene bule, mo ene gaahi tuutuuni, mo ene gaahi fakamāu, mo ene gaahi fekau.

²Bea ke mou ilo he aho ni: he oku ikai teu lea be ki hoo mou fānau aia nae ikai ke ilo, be mamata ki he tautea mei a Jihova ko ho mou Otua, ko ene mafimafi, mo hono nima malohi, mo hono nima kuo mafao atu,

³Mo ene gaahi mana, mo ene gaahi gaue, aia naa ne fai i loto Ijibite, kia Felo koe tu‘i o Ijibite, bea ki hono fonua kotoabe;

⁴Bea mo ia naa ne fai ki he kau tau o Ijibite, ki he e nau faga hose, bea ki he e nau gaahi jialiote; a ene gaohi ae vai oe Tahi Kulokula ke lomaki‘i akinautolu i he e nau tuli akimoutolu, bea moe fakaauha akinautolu e Jihova o a‘u ki he aho ni;

⁵Mo ia naa ne fai kiate kimoutolu i he toafa, o a‘u ki hoo mou hoko ki he botu ni;

⁶Bea mo ia naa ne fai kia Tatani mo Ebilami, koe ogo foha o Iliabi, koe foha o Lubeni: i he mafaa e he kelekele hono gutu, o ne folo hifo akinaua, mo ho na kakai, mo ho na gaahi fale fehikitaki, moe mea moui kotoabe naa na ma‘u, i he lotolotoga o Isileli kotoabe:

⁷Ka kuo mamata e ho mou mata ki he gaahi gaue lahi kotoabe a Jihova aia naa ne fai.

⁸Koia ke mou tauhi ai ae gaahi fekau oku ou fekau ai kiate kimoutolu i he aho ni, koeuhi ke mou malohi, bea alu atu o ma‘u ae fonua, aia oku mou alu ke nofo ai;

⁹Bea koeuhi ke mou fakatologa ai ho mou gaahi aho i he fonua, aia nae fuakava ai a Jihova ki hoo mou gaahi tamai ke foaki kiate kinautolu mo ho nau hako, koe fonua oku mahutafea i he hua huhu moe honi.

¹⁰Ka koe fonua, aia oku mou alu ke ma‘u ia, oku ikai tatau moe fonua ko Ijibite, aia naa mou ha‘u mei ai, aia naa ke tūtūi ai hoo tega‘i akau, bea fakaviviku aki ia ho va‘e, o hage ha goue oe gaahi akau kai:

¹¹Ka koe fonua, oku mou alu ai ke mou ma‘u, koe fonua mougaia mo tokalelei, bea oku ne inu vai i he uha mei he lagi:

¹²Koe fonua oku tokaga‘i e Jihova ko ho Otua: koe fofoga o Jihova ko ho Otua oku afio mau ki ai, mei he kamataga oe ta‘u ki hono gataaga oe ta‘u.

¹³Bea e hoko o behe, kabau te mou faa tokaga ki he eku gaahi fekau aia oku ou fekau ai kiate kimoutolu i he aho ni, ke ofa kia Jihova ko ho mou Otua, bea ke tauhi aki ia ho mou loto kotoa mo ho mou laumalie kotoa,

¹⁴Teu tuku ai kiate kimoutolu ae uha o ho mou fonua i hono faahita‘u totonu, ae uha mu‘a moe uha mui, koeuhi ke ke tanaki hoo uite, mo hoo uaine, mo hoo lolo.

¹⁵Bea teu atu ae mohuku ki he fonua ki hoo faga manu, koeuhi ke ke kai bea ke makona.

¹⁶Vakai kiate kimoutolu. naa kākāia ho mou loto, bea mou tafoki, bea tauhi ae gaahi otua kehe, bea lotu kiate kinautolu;

¹⁷Bea tubu ai ae houhau o Jihova kiate kimoutolu, bea tabuni ai ae lagi, ke oua naa uha, bea ke oua naa tubu i he fonua hono gaahi fua; bea mou auha vave mei he fonua lelei aia oku foaki e Jihova kiate kimoutolu.

¹⁸Koia ke mou ai eku gaahi lea ni ki ho mou loto mo ho mou laumalie, bea nonoo ia ki ho nima koe fakailoga, bea ke iate koe ia koe bale i he vahaa o ho mata.

¹⁹Bea ke mou ako aki ia ki hoo mou fānau, o talanoa ki ai oka ke ka nofo i ho fale, bea oka ke ka eveeva i he hala, oka ke ka tokoto hifo, bea oka ke ka tuu hake.

²⁰Bea ke ke tohi ia ki he gaahi bou oe mataba o ho fale, bea ki ho gaahi mataba.

²¹Koeuhi ke fakalahi ai ho mou gaahi aho, moe gaahi aho o hoo mou fānau, i he fonua aia nae fuakava ki ai a Jihova ki hoo mou gaahi tamai ke foaki kiate kinautolu, o hage koe gaahi aho oe lagi ki he mamani.

²²He kabau te mou hagahaga tauhi ae gaahi fekau ni aia oku ou fekau ai kiate kimoutolu ke fai ki ai, ke ofa kia Jihova ko ho mou Otua, ke alu i hono gaahi hala kotoabe, bea ke mou bikitai kiate ia;

²³Behe e toki kabuji ai e Jihova ae gaahi buleaga kotoabe mei ho mou ao, bea te mou hoko o ma‘u ae gaahi buleaga oku lahi hake bea malohi lahi iate kimoutolu.

²⁴Koe botu kotoabe e tuu ki ai ho mou aofiva‘e e omoutolu ia: mei he toafa mo Lebanoni, mei he vaitafe, ae vaitafe ko Iufaletesi, io, o a‘u atu ki he tahi mamao ko ho mou botu ia.

²⁵E ikai ha tagata e faa tuu i ho mou ao; koeuhi e tuku e Jihova ko ho mou Otua ae manavahe kiate kimoutolu moe lilika kiate kimoutolu ki he fonua kotoabe aia te mou hoko o tuu ki ai, o hage ko ene folofola kiate kimoutolu.

²⁶Vakai, oku ou tuku i ho mou ao he aho ni ae monuia moe malaia;

²⁷Koe monuia, o kabau te mou talagofua ki he gaahi fekau a Jihova ko ho mou Otua, aia oku ou fekau kiate kimoutolu he aho ni:

²⁸Bea koe malaia, o kabau e ikai te mou talagofua ki he gaahi fekau a Jihova ko ho Otua, ka mou tafoki o afe mei he hala aia oku ou fekau kiate kimoutolu he aho ni, ke alu o muimui i he gaahi otua kehe, aia nae ikai te mou ilo.

²⁹Bea e hoko o behe, oka omi koe e Jihova ko ho Otua ki he fonua aia oku ke alu ki ai ke ma‘u ia, te ke ai ae monuia ki he mouga ko Kelisimi, moe malaia ki he mouga ko Ibale.

³⁰Ikai oku na i he kau vai e taha o Joatani, i he hala aia oku alu hifo ai ae laa, i he fonua oe kakai Kenani, aia oku nofo i he toafa o hagatonu atu ki Kilikali, o ofi ki he gaahi tafagafaga o Mole?

³¹He te mou hoko atu ki ke kau vai e taha o Joatani ke alu atu o ma‘u ae fonua aia oku foaki e Jihova ko ho mou Otua kiate kimoutolu, bea te mou ma‘u ia, bea nofo ki ai.

³²Bea ke mou tokaga o fai ae gaahi tuutuuni moe gaahi fakamāu aia oku ou fokotuu i ho mou ao he aho ni.