TEUTALONOME 15:1-23 TON1884 - Bible AI

¹1 Ko hono fitu oe ta‘u koe ta‘u ke veteage ae majiva. 7 Kae oua naa kau ia ke taofi ae nono be koe foaki. 12 Koe tamaioeiki Hebelu, 16 e alu tauatuina ia mo ma‘u mea lelei i hono fitu eo ta‘u, o kabau oku ikai loto ia ke nofo. 19 Koe uluaki fanau tagata ae faga manu ke fakatabu‘i kia Jihova. I HE gataaga o hono fitu oe ta‘u kotoabe ke ke fai ae veteage.

²Bea ko hono aga oe veteage eni: Koia kotoabe nae nono atu ha mea ki hono kaugaabi ke vete eia ia; oua naa eke ia i hono kaugaabi, be ki hono tokoua; koeuhi oku ui ia koe veteage kia Jihova.

³E gofua a hoo eke ia ki he muli: ka koia oku aau mo ho tokoua e tukuage ia e ho nima;

⁴Koeuhi ke oua naa ai ha kau majiva iate kimoutolu; koeuhi e tabuaki lahi koe e Jihova i he fonua aia oku foaki e Jihova ko ho Otua ke ke ma‘u koe tofia:

⁵O kabau te ke fanogo lelei ki he le‘o o Jihova ko ho Otua, ke tokaga o fai ae gaahi fekau ni kotoabe aia oku ou fekau kiate koe he aho ni.

⁶He oku tabuaki‘i koe e Jihova ko ho Otua, o hage ko ene talaofa kiate koe: bea te ke nono atu ki he gaahi buleaga lahi, ka e ikai te ke nono mai; bea te ke bule koe ki he gaahi buleaga lahi, ka e ikai te nau bule kiate koe.

⁷Kabau e iate kimoutolu ha tagata majiva i ho kaiga i he gaahi matani kolo o ho fonua aia oku foaki e Jihova ko ho Otua kiate koe, oua naa ke fakafefeka ho loto, be tabuni ho nima ki ho tokoua majiva:

⁸Ka te ke mafola ke lahi ho nima kiate ia, bea ke nono atu mooni kiate ia ke tatau mo ene majiva, aia oku ne majiva ai.

⁹Vakai telia naa ai ha mahalo i ho loto kovi, o behe, Oku ofi a hono fitu oe ta‘u, koe ta‘u oe veteage: bea kovi ai ho mata ki ho tokoua majiva, bea oku ikai te ke tuku ha mea kiate ia; bea tagi lāuga ai ia kia Jihova iate koe, bea hoko ia koe agahala kiate koe.

¹⁰Koe mooni te ke foaki kiate ia, bea oua naa mamahi ho loto i hoo foaki kiate ia: he koeuhi koe mea ni e tabuaki ai koe e Jihova ko ho Otua i hoo gaahi gaue kotoabe, bea i he mea kotoabe oku mafao atu ho nima ki ai.

¹¹Koeuhi e ikai aubito gata ae majiva mei ho fonua: koia oku ou fekau‘i koe, o behe, Ke ke mafola ho nima o lahi ki ho tokoua, ki he majiva, moia oku tuutamaki, i ho fonua.

¹²Bea kabau kuo fakatau kiate koe ho tokoua, koe tagata Hebelu, be koe fefine Hebelu, o ne tauhi koe i he ta‘u e ono; ke ke toki tukuage ia ke ataatā meiate koe i hono fitu oe ta‘u.

¹³Bea oka ke ka fekau ia ke alu o ataatā meiate koe, oua naa ke tuku ia ke alu majiva;

¹⁴Ka te ke tuku ae mea lahi kiate ia mei hoo faga manu, bea mei hoo hahaaga, bea mei hoo tataoaga uaine: i he mea aia kuo tabuaki‘i ai koe e Jihova ko ho Otua te ke atu kiate ia.

¹⁵Bea ke manatu koe tagata bobula koe i he fonua ko Ijibite, bea nae huhui koe e Jihova ko ho Otua: koia oku ou fekau ai ae mea ni kiate koe he aho ni.

¹⁶Bea e behe, kabau e behe eia kiate koe, E ikai teu alu iate koe; koe mea i he ene ofa kiate koe mo ho fale, bea koe mea i he ene lelei iate koe;

¹⁷Te ke toki too mai ha vili, bea tui aki ia hono teliga ke ma‘u ki he mataba, bea e hoko ia ko hoo tamaioeiki o taegata. Bea ke fai behe foki ki hoo kaunaga.

¹⁸Oua naa matamata faigataa kiate koe, oka ke ka tukuage ia ke alu o ataatā meiate koe; he nae tatau ia kiate koe moe tamaioeiki e toko ua oku gaue ki he totogi, i he ene tauhi koe i he ta‘u e ono: bea e tabuaki koe e Jihova ko ho Otua i he mea kotoabe oku ke fai.

¹⁹Koe uluaki fanau tagata kotoabe oku tubu i hoo faga manu lalahi mo hoo faga manu jii ke ke fakatabu‘i kia Jihova ko ho Otua: oua naa ke fai ha gaue e taha aki ae uluaki o hoo faga bulu, bea oua naa koji ae uluaki fanau a hoo sibi.

²⁰Ka ke kai ia, i he ao o Jihova ko ho Otua, ekoe mo ho fale kotoa, i he ta‘u tukufakaholo kotoabe, i he botu aia e fili e Jihova.

²¹Bea kabau oku ai hano mele, kabau oku ketu, be kui, be i ai ha lavea kovi, oua naa ke feilaulau aki ia kia Jihova ko ho Otua.

²²Ke ke kai ia i ho lotoa: e fakatou kai i ai ae taemaa moe maa, o hage koe anitelobe, moe haate.

²³Kae oua naa ke kai a hono toto; ka ke liligi ia ki he kelekele o hage koe vai.