TEUTALONOME 18:1-22 TON1884 - Bible AI

¹1 Ko Jihova koe tofia oe kau taulaeiki moe kau Livai. 3 Koe inaji oe taulaeiki. 6 Koe inaji oe kau Livai. 7 Ke oua naa fai ki he gaahi mea fakalielia ae kakai taelotu. 15 Ke tokaga‘i a Kalaisi koe balofita. 20 Ke tamate‘i ae kikite loi. E IKAI ma‘u e he kau taulaeiki koe kau Livai, bea moe faahiga kotoabe o Livai, ha tufakaga be ha tofia fakataha mo Isileli: te nau kai ae gaahi feilaulau kuo gaohi aki ae afi kia Jihova, mo hono tofia oona.

²Koia e ikai te nau ma‘u ai ha tofia mo ho nau gaahi kaiga: ko Jihova ko ho nau tofia o hage ko ene folofola kiate kinautolu.

³Bea ko hono inaji eni oe taulaeiki mei he kakai, meiate kinautolu oku atu ha feilaulau, kabau koe bulu be koe sibi; bea te nau atu ki he taulaeiki hono alaganima, mo hono kouahe fakatouoji be, moe kete.

⁴Koe uluaki fua o hoo uite, mo hoo uaine, bea mo hoo lolo foki, moe uluaki fulufulu‘i sibi kuo koji, ke ke atu kiate ia.

⁵He kuo fili ia e Jihova ko ho Otua mei ho gaahi faahiga kotoabe, ke tuu mo tauhi i he huafa o Jihova, aia mo hono gaahi foha ke taegata.

⁶Bea kabau e ha‘u ha Livai mei ha kolo e taha i Isileli kotoabe, aia nae nofo aunofo ai ia, bea ha‘u ia i he holi lahi a hono loto ki he botu aia e fili e Jihova;

⁷E toki tauhi eia i he huafa o Jihova ko hono Otua, o hage ko hono kaiga kotoabe i he kau Livai, akinautolu oku tuu i he ao o Jihova.

⁸Te nau inaji tatau be i he mea kai, ne ogo a ene mea aana aia oku tubu i he fakatau o hono tofia.

⁹Oka ke ka hoko atu ki he fonua aia oku foaki kiate koe e Jihova ko ho Otua, oua naa ke ako ke fai o hage koe gaahi mea fakalielia oe gaahi kakai koia.

¹⁰Oua naa ilo ha toko taha iate kimoutolu oku tuku a hono foha be ko hono ofefine ke alu atu i he afi, be oku fai ae tuki, be oku tokaga ki he gaahi kuoga, be koe fai mea mana loi, be koe taula fakafaahikehe.

¹¹Be koe toko taha oku kākā, be kumi ki he laumalie kovi, be koe fieiloilo, be koia oku kumi ki he mate.

¹²He ko kinautolu kotoabe oku fai ae gaahi mea ni oku kovi lahi kia Jihova: bea koe mea i he gaahi mea kovi lahi ni oku kabuji ai akinautolu e Jihova ko ho Otua mei ho ao.

¹³Ke ke agatonu koe kia Jihova ko ho Otua.

¹⁴He koe gaahi buleaga, aia ke ke hoko o ma‘u, nae fakaogo ki he kau tokaga ki he gaahi kuoga, moe kau kikite: ka ko koe, nae ikai tuku koe e Jihova ko ho Otua ke fai behe.

¹⁵E fokotuu e Jihova ko ho Otua ha balofita kiate koe, i ho gaahi kaiga, o hage ko au; ke mou tokaga kiate ia;

¹⁶O fakatatau ki he mea kotoabe naa ke holi ki ai kia Jihova ko ho Otua i Holebi i he aho oe fakataha, o behe, Oua naaku toe ogo‘i ae le‘o o Jihova ko hoku Otua, bea oua naaku toe mamata ki he afi lahi ni, telia naaku mate.

¹⁷Bea nae folofola a Jihova kiate au, Oku lelei aia kuo nau lea ki ai.

¹⁸Teu fokotuu kiate kinautolu ha Balofita i ho nau kaiga, o hage ko koe, bea teu ai eku gaahi lea i hono gutu; bea e lea aki eia kiate kinautolu aia kotoabe teu fekau kiate ia.

¹⁹Bea e hoko o behe, koia fulibe e ikai tokaga ki he eku gaahi lea aia e lea aki eia i hoku huafa, teu eke ia kiate ia.

²⁰Ka koe balofita koia, aia oku fielahi bea lea ia i hoku huafa, aia nae ikai teu fekau kiate ia ke lea, be lea ia i he higoa oe gaahi otua kehe, e tamate‘i ae balofita koia.

²¹Bea kabau oku ke behe i ho loto, Te mau ilo fefe‘i ae lea aia nae ikai folofola aki e Jihova?

²²Oka lea ae balofita i he huafa o Jihova, ka oku ikai muimui hano fakamooni be hoko ia, ko eni ae mea nae ikai folofola aki e Jihova, ka kuo lea fielahi aki ia e he balofita: e ikai te ke manavahe kiate ia.