1
2Bea nae folofola a Jihova kiate au, o behe,
3Kuo mou takai ae mouga ni o fuoloa: mou tafoki ki he feituu tokelau.
4Bea ke fekau ki he kakai, o behe, Te mou alu i he botu fonua o ho mou kaiga koe fānau a Isoa, aia oku nofo i Seia; bea e manavahe akinautolu kiate kimoutolu: koia, mou vakai lelei kiate kimoutolu.
5Oua naa mou fai ha mea kiate kinautolu; koeuhi naa mo hano laulahi oe aofi va‘e e taha, e ikai teu foaki kiate kimoutolu ha koga jii o ho nau fonua: koeuhi kuou foaki ae mouga ko Seia kia Isoa koe tofia.
6Te mou fakatau meakai meiate kinautolu aki ae baaga, ke mou kai; bea te mou fakatau vai iate kinautolu aki ae baaga, ke mou inu.
7He ko Jihova ko ho Otua kuo ne tabuaki‘i koe i he gaahi gaue kotoabe a ho nima: oku ne afio‘i ho eveeva i he toafa lahi ni: i he ta‘u e fagofulu ni nae iate koe a Jihova ko ho Otua; nae ikai te ke majiva i ha mea e taha.
8Bea i he e tau aluage mei ho tau kaiga koe fānau a Isoa, aia nae nofo i Seia, i he hala oe toafa mei Elati, bea mei Esioni‐keba, naa tau tafoki o alu ofi ki he hala oe toafa o Moabe,
9Bea nae folofola a Jihova kiate au, Oua naa fakamamahi ki he kau Moabe, bea oua naa tau‘i akinautolu: koeuhi e ikai teu foaki kiate koe ho nau fonua koe tofia; he kuou foaki a Ala ki he fānau a Lote ko ho nau tofia.
10Nae nofo i ai i mu‘a ae kau Imime, koe kakai lalahi, mo toko lahi, mo loloa, o hage koe kau Anaki;
11Akinautolu nae ui foki koe kau jino lalahi, hage koe kau Anaki ka nae ui akinautolu e he kau Moabe koe kau Imime.
12Nae nofo ae kakai Hoa i Seia foki i mu‘a; ka nae fetogi akinautolu e he fānau a Isoa, hili e nau fakaauha akinautolu mei ho nau ao, bea nau nofo i ho nau fonua; o hage koia kuo fai e Isileli ki he fonua o hono tofia, aia nae foaki e Jihova kiate kinautolu.
13Bea neu behe, Mou tuu hake, o alu ki he kau vai e taha o Seleti. Bea naa tau alu ki he kau vai e taha o Seleti:
14Bea ko hono fuoloa oe tau ha‘u mei Ketesi‐bania, o a‘u ki he e tau hoko ki he kau vai o Seleti, koe ta‘u e tolugofulu ma valu: ke oua ke ojiojigamalie mei he fakataha ae toutagata kotoabe oe kau tagata tau, o hage koe fuakava a Jihova kiate kinautolu.
15He koe mooni nae mafao ae nima o Jihova kiate kinautolu, ke fakaauha akinautolu mei he kakai, kae oua ke nau oji.
16Bea nae hoko o behe, i he ene mole o bekia ae kau tagata tau kotoabe mei he kakai,
17Nae folofola a Jihova kiate au, o behe,
18Te ke alu atu he aho ni i he botu o Ala, i he mata fonua o Moabe:
19Bea oka ke ka hoko o ofi o hagatonu ki he fānau a Amoni, oua naa fakamamahi‘i akinautolu, bea oua naa fai ha mea kiate kinautolu: koeuhi e ikai teu foaki kiate koe ha tofia i he fonua oe fānau a Amoni; he kuo tuku ia ki he fānau a Lote ko ho nau tofia.
20(Nae ui ia foki koe fonua oe gaahi kakai lalahi: nae nofo ai i mu‘a ae kakai lalahi; bea nae ui akinautolu e he kau Amoni, koe kau Samisumima;
21Koe kakai lalahi, mo toko lahi, mo loloa, o hage koe kau Anaki: ka nae fakaauha akinautolu e Jihova i ho nau ao; bea naa nau togia akinautolu o nofo i ho nau fonua:
22Hage koia naa ne fai ki he fānau a Isoa, aia nae nofo i Seia, i he ene fakaauha ae kakai Hoa mei ho nau ao; bea naa nau togia akinautolu, bea nofo i ho nau fonua o a‘u ki he aho ni:
23Bea koe kakai Avi nae nofo i Heselimi, o a‘u ki Kesa, koe kau Kafitoli ni, aia nae ha‘u mei Kafitoli, nae fakaauha akinautolu, o nofo i ho nau fonua.)
24Mou tuu hake, o fai ho mou fonoga, bea aa i he vaitafe ko Alanoni: vakai, kuou tuku ki ho nima a Sihoni koe Amoli, koe tu‘i o Hesiboni, mo hono fonua: mou fai ae kamata ma‘u leva ia, bea ke tau mo ia.
25Teu kamata fai he aho ni ke ai ae manavahe kiate koe ki he gaahi buleaga kotoabe oku i he lalo lagi kotoabe, aia te nau ogo‘i ho ogoogo, bea tetetete, bea te nau feiga i he mamahi koeuhi ko koe.
26Bea neu fekau ae kau tagata fekau mei he toafa o Ketimote, kia Sihoni koe tu‘i o Hesiboni moe gaahi lea oe melino, o behe,
27Tuku keu alu atu i ho fonua: Teu alu atu be i he hala motua, e ikai teu tafoki ki he nima toomatau be ki he toohema.
28Bea te ke fakatau ae meakai kiate au aki ae baaga, koeuhi keu kai; bea tuku mai ha vai i he eku baaga keu inu: kae kehe keu alu i ho fonua i hoku va‘e be:
29(Hage koia nae fai kiate au e he fānau a Isoa nae nofo i Seia, moe kau Moabe nae nofo i Ala;) ke oua keu aa atu i Joatani ki he fonua oku foaki e Jihova ko ho mau Otua kiate kimautolu.
30Ka nae ikai tuku akitautolu e Sihoni koe tu‘i o Hesiboni, ke tau alu ofi kiate ia; he nae fakafefeka hono laumalie e Jihova ko ho Otua, o gaohi hono loto ke talagataa, koeuhi ke ne tukuage ia ki ho nima, o hage koia kuo ha he aho ni.
31Bea nae behe e Jihova kiate au, Vakai, kuou kamata tuku a Sihoni mo hono fonua i ho ao: ke ke kamata ma‘u, koeuhi ke ke hoko o ma‘u hono fonua.
32Bea nae toki ha‘u kitua a Sihoni o tuu kiate kitautolu, aia mo hono kakai kotoabe, ke tau i Jehasi.
33Bea nae tuku mai ia i ho tau ao e Jihova, ko ho tau Otua; bea naa tau ta‘i ia, mo hono gaahi foha, mo ene kakai kotoabe.
34Bea naa tau ma‘u ene gaahi kolo i he kuoga koia, bea naa tau fakaauha ae kau tagata kotoabe, moe kau fefine, bea moe fānau iki i he kolo kotoabe; nae ikai te tau tuku ha niihi ke toe:
35Ka koe gaahi faga manu naa tau ma‘u koe koloa maa tautolu, moe vete oe gaahi kolo aia naa tau ma‘u.
36Mei Aloeli aia oku i he vee vaitafe o Alanoni, bea mei he kolo aia oku ofi ki he vaitafe, o a‘u ki Kiliati, nae ikai ha kolo e taha nae malohi kiate kitautolu: ko Jihova ko ho tau Otua naa ne tuku mai kotoabe kiate kitautolu:
37Ka nae ikai te ke hoko ki he fonua oe fānau a Amoni, be ki ha botu e taha oe vaitafe ko Jakobi, be ki he gaahi kolo i he gaahi mouga, be ki ha botu e taha nae taofi akitautolu mei ai e Jihova ko ho tau Otua.