TEUTALONOME 27:1-26 TON1884 - Bible AI

¹1 Oku fekau ki he kakai ke tohi ae fono ki he gaahi maka, 5 bea ke fokotuu ae feilaulauaga i he gaahi maka kotoa. 11 Oku vaeua ae gaahi faahiga i Kelisimi mo Ibale. 14 Oku fakaha i Ibale ae gaahi malaia. BEA nae fekau e Mosese moe kau mātua o Isileli ki he kakai, o behe, Tauhi ae gaahi fekau kotoabe aia oku ou fekau kiate kimoutolu he aho ni.

²Bea e hoko o behe, i he aho koia te mou alu ai ki he kauvai e taha o Joatani ki he fonua aia oku foaki kiate koe e Jihova ko ho Otua, te ke fokotuu ai ae gaahi maka lahi maau, bea ke aofi aki ia ae lahe:

³Bea te ke tohi ki ai ae gaahi lea kotoabe oe fono ni, oka hili hoo hoko ki he kauvai, koeuhi ke ke alu o hoko ki he fonua aia oku foaki e Jihova ko ho Otua, koe fonua oku mahu tafea i he hua huhu moe honi; o hage koia kuo talaofa kiate koe e Jihova koe Otua o hoo gaahi tamai.

⁴Koia e hoko o behe, i hoo mou alu ki he kauvai e taha o Joatani, te mou fokotuu ae gaahi maka ni, o hage ko eku fekau kiate kimoutolu he aho ni, i he mouga ko Ibale, bea te ke aofi aki ia ae lahe.

⁵Bea te ke fokotuu i ai ae feilaulauaga kia Jihova ko ho Otua, koe feilaulauaga maka: oua naa ke hiki ki ai ha toki ukamea.

⁶Ke ke fokotuu ae feilaulauaga kia Jihova ko ho Otua aki ae gaahi foi maka kotoa: bea te ke atu i ai ae gaahi feilaulau tutu kia Jihova ko ho Otua:

⁷Bea te ke atu ai ae gaahi feilaulau fakamelino, bea ke kai i ai, bea ke fiefia i he ao o Jihova ko ho Otua.

⁸Bea te ke tohi ki he gaahi maka ae gaahi lea kotoabe oe fono ni ke ilogofua.

⁹Bea nae lea a Mosese moe kau taulaeiki moe kau Livai ki Isileli kotoabe, o behe, E Isileli ke ke vakai, mo ke tokaga; kuo ke hoko he aho ni koe kakai a Jihova ko ho Otua.

¹⁰Koia ke ke fai talagofua ai ki he le‘o o Jihova ko ko Otua, bea fai ki he ene gaahi fekau mo ene gaahi tuutuuni, aia oku ou fekau kiate koe he aho ni.

¹¹Bea nae fekau e Mosese ki he kakai i he aho koia, o behe,

¹²Ko kinautolu eni e tuu i he mouga ko Kelisimi ke tabuaki‘i ae kakai, i hoo mou hoko atu ki he kauvai e taha o Joatani; ko Simione, mo Livai, mo Juta, mo Isaka, mo Josefa, mo Benijimani:

¹³Bea ko kinautolu eni e tuu i he mouga ko Ibale ke fakamalaia; ko Lubeni, mo Kata, mo Aseli, mo Sebuloni, mo Tani, mo Nafitali.

¹⁴Bea e lea ae kau Livai, o tala aki ae le‘o lahi ki he kau tagata kotoabe o Isileli,

¹⁵E malaia ae tagata aia oku ne gaohi ha mea fakatātā kuo ta be haka, koe mea fakalielia kia Jihova, koe gaue ae nima oe tufuga, bea oku ne tuku ia i he botu lilo. Bea e tali e he kakai kotoabe o behe, Emeni.

¹⁶Ke malaia ia aia oku ikai fakaabaaba ki he ene tamai be ki he ene fa‘e. Bea e lea behe e he kakai kotoabe, Emeni.

¹⁷Ke malaia ia oku ne hiki ae fakagata fonua o hono kaugaabi. Bea e behe e he kakai kotoabe, Emeni.

¹⁸Ke malaia ia aia oku ne fakahe‘i ae kui mei he hala. Bea e lea behe e he kakai kotoabe, Emeni.

¹⁹Ke malaia ia oku ne fakahala‘i ae fakamāu‘i oe muli, moe tamai mate, moe nitou. Bea e lea behe e he kakai kotoabe, Emeni.

²⁰Ke malaia ia oku mohe moe unoho o ene tamai; he oku ne fakatelefua ene tamai. Bea e behe e he kakai kotoabe, Emeni.

²¹Ke malaia ia oku mohe mo ha manu. Bea e behe e he kakai kotoabe, Emeni.

²²Ke malaia ia oku mohe mo hono tuofefine, koe ofefine o ene tamai, be koe tama a ene fa‘e. Bea e lea behe e he kakai kotoabe, Emeni.

²³Ke malaia ia oku mohe mo ene fa‘e i he fono. Bea e behe e he kakai kotoabe, Emeni.

²⁴Me malaia ia oku ne ta‘i fakalilolilo a hono kaugaabi. Bea e behe e he kakai kotoabe, Emeni.

²⁵Ke malaia ia aia oku ne too ae totogi ke tamate‘i ae toko taha oku agatonu. Bea e behe e he kakai kotoabe, Emeni.

²⁶Ke malaia ia aia oku ikai te ne fakamooni ae lea kotoabe oe fono ni ke fai ki ai. Bea e lea behe e he kakai kotoabe, Emeni.