TEUTALONOME 29:1-29 TON1884 - Bible AI

¹1 Oku eginaki e Mosese ke nau talagofua, i he manatu ki he gaahi gaue kuo nau mamata ki ai. 10 Oku atu ae kakai kotoabe i he ao o Jihova koeuhi ke nau hoko o fefuakava aki mo ia. 18 Koe houhau e to kiate ia oku kākā. 29 Oku i he Otua ae gaahi mea fakalilolilo. BEA ko eni ae gaahi lea oe fuakava, aia nae fekau e Jihova kia Mosese ke fai moe fānau a Isileli i he fonua o Moabe, ka oku kehe ae fuakava aia naa ne fai mo kinautolu i Holebi.

²Bea nae ui e Mosese ki Isileli kotoabe, o ne behe kiate kinautolu, Kuo mou mamata ki he mea kotoabe nae fai e Jihova i ho mou ao i he fonua ko Ijibite kia Felo, bea ki he ene kau tamaioeiki kotoabe, bea ki hono fonua kotoabe.

³Koe gaahi mea ahiahi aia nae mamata ki ai a ho mata, ae gaahi fakailoga, moe gaahi mana lahi koia:

⁴Ka oku heeki ai foaki kiate kimoutolu e Jihova ae loto ke ilo, moe mata ke mamata, moe teliga ke ogo, o a‘u mai ki he aho ni.

⁵Bea kuou tataki akimoutolu i he ta‘u e fagofulu i he toafa oku heeki ai fakaaau o motua ho mou gaahi kofu, bea oku ikai hoko o motua ho tobuva‘e i ho va‘e.

⁶Kuo ikai te mou kai ma, bea kuo ikai te mou inu uaine be ha inu malohi: koeuhi ke mou ilo ko au ko Jihova ko ho mou Otua.

⁷Bea i hoo mou hoko ki he botu ni, nae ha‘u a Sihoni koe tu‘i o Hesiboni, mo Oki koe tu‘i o Besani, o tuu hake ko ho tau tau‘i, bea naa tau teia akinaua:

⁸Bea naa tau ma‘u ho na fonua, bea nae foaki ia koe tofia ki he faahiga o Lubeni, moe faahiga o Kata, bea ki hono vaeuaaga oe faahiga o Manase.

⁹Koia mou tauhi ae gaahi lea ae fuakava ni, o fai ki ai, koeuhi ke mou monuia i he mea kotoabe oku mou fai.

¹⁰Oku mou tutuu kotoabe he aho ni i he ao o Jihova ko ho mou Otua; koe gaahi eiki o ho mou gaahi faahiga, mo ho mou kau mātua, mo ho mou kau matābule, bea moe kau tagata kotoabe o Isileli,

¹¹Mo hoo mou gaahi fānau jii, mo ho mou gaahi unoho, moe muli oku i ho abitaga, o fai mei he tagata oku ta a hoo fefie o a‘u kiate ia oku utu a hoo vai:

¹²Koeuhi ke ke fai ha fuakava mo Jihova ko ho Otua, bea ki he ene folofola fakababau, aia oku fai e Jihova ko ho Otua mo koe he aho ni:

¹³Koeuhi ke ne fokotuu mau koe he aho ni koe kakai moona, bea ke hoko ia kiate koe koe Otua, o hage ko ene folofola kiate koe, bea hage ko ene fuakava ki hoo gaahi tamai, kia Ebalahame, mo Aisake, bea mo Jekobe.

¹⁴Bea oku ikai ko eku fai ae fuakava ko eni, moe lea fakababau ni kiate kimoutolu be;

¹⁵Ka kiate ia oku tau tutuu moia he aho ni i he ao o Jihova ko ho tau Otua, bea moia foki oku ikai i heni mo kitautolu he aho ni:

¹⁶(He oku mou ilo be nae fefe e tau nofo i he fonua ko Ijibite; bea moe tau laka mai i he gaahi buleaga aia naa mou ha‘u o ofi ki ai;

¹⁷Bea kuo mou mamata ki he e nau gaahi mea kovi, mo ho nau gaahi otua loi, koe akau, moe maka, moe siliva, moe koula, aia nae iate kinautolu:)

¹⁸Telia naa iate kimoutolu ha tagata, be ha fefine, be ha fale, be ha faahiga, oku tafoki hono loto he aho ni mei a Jihova ko ho tau Otua, ke alu o tauhi ae gaahi otua oe gaahi buleaga ni; telia naa iate kimoutolu ae aka oku fua aki ae ahu moe kona;

¹⁹Bea e hoko ai o behe, i he ene ogo‘i ae gaahi lea oe fakamalaia ni, te ne mahalo lelei kiate ia i hono loto, o behe, Teu ma‘u be ae fiemalie, ne ogo eku eveeva be i he filioi a hoku loto, ke fakalahi aki ae kona ki he fieinu:

²⁰E ikai mamae kiate ia a Jihova, ka e vela ae houhau moe fuaa o Jihova ki he tagata koia, bea koe gaahi malaia kotoabe aia kuo tohi i he tohi ni, e tuku tonu kiate ia, bea e tamate‘i Jihova hono higoa mei he lalo lagi.

²¹Bea e vahe‘i ia e Jihova ki he kovi mei he gaahi faahiga o Isileli, o fakatatau ki he gaahi malaia oe fuakava aia kuo tohi i he tohi ni oe fono:

²²Koia, koe toutagata amui i hoo mou fānau aia e tubu hake kimui iate kimoutolu, bea moe muli aia e ha‘u mei he fonua mamao, te nau behe, i he e nau mamata ki he gaahi tautea oe fonua koia, moe gaahi mahaki aia kuo tuku ki ai e Jihova;

²³Bea kuo hoko ae fonua kotoabe koe sulifa, moe masima, moe vela, oku ikai tūtūi ia be fua, be tubu ha mohuku i ai, ka oku hage koe fulihi o Sotoma, mo Komola, ko Atima, mo Siboimi, aia nae fulihi e Jihova i he ene tubutamaki, bea i hono houhau lahi:

²⁴Io, e lea ae buleaga kotoabe, o behe, Koeha kuo fai behe ai a Jihova ki he fonua ni? koeha hono uhiga oe kakaha o hono houhau lahi ni?

²⁵Bea e behe e he kakai, Koe mea i he e nau liaki ae fuakava a Jihova koe Otua oe nau gaahi tamai, aia nae fai mo kinautolu i he ene omi akinautolu kituaa mei he fonua ko Ijibite:

²⁶He naa nau alu o tauhi ae gaahi otua kehe, bea lotu ki ai, ae gaahi otua nae ikai te nau ilo, bea nae ikai te ne foaki kiate kinautolu:

²⁷Bea nae tubu ai ae houhau o Jihova ki he fonua ni, ke fakahoko ki ai ae gaahi malaia kotoabe kuo tohi i he tohi ni:

²⁸Bea nae taaki akinautolu e Jihova mei ho nau fonua i he houhau, bea i he houhau lahi, bea i he tubutamaki lahi, bea ne li akinautolu ki he fonua kehe, o hage koia oku fai he aho ni.

²⁹Koe gaahi mea lilo oku a Jihova ko ho tau Otua: ka koe gaahi mea kuo fakaha oku a tautolu ia moe tau fānau o taegata, koeuhi ke tau fai ae lea kotoabe oe fono ni.