TEUTALONOME 8:1-20 TON1884 - Bible AI

¹Koe eginaki ke talagofua koeuhi koe fai lelei ae Otua kiate kinautolu. KOE gaahi fekau kotoabe aia oku ou fekau kiate koe he aho ni ke mou tokaga ki ai o fai, koeuhi ke mou moui, bea tubu o toko lahi, bea alu atu o ma‘u ae fonua aia nae fuakava ai e Jihova ki hoo mou gaahi tamai.

²Bea te ke manatu ki he hala kotoabe aia nae tataki ai koe e Jihova ko ho Otua i he ta‘u e fagofulu ni i he toafa, ke fakaagavaivai‘i koe, ke ahiahi‘i koe, bea ke ilo aia kotoabe nae i ho loto, be te ke tauhi ki he ene gaahi fekau, be ikai.

³Bea naa ne fakavaivai‘i koe, o ne tuku koe ke ke fiekaia, bea naa ne fafaga aki koe ae mana, aia nae ikai te ke ilo, bea nae ikai ilo e hoo gaahi tamai; koeuhi ke ne fakaha kiate koe oku ikai moui ae tagata i he ma be, ka oku moui ae tagata i he mea kotoabe oku ha‘u mei he fofoga o Jihova.

⁴Nae ikai fakaaau o motua ho gaahi kofu, bea nae ikai fufula ho va‘e, i he ta‘u ni e fagofulu.

⁵Bea te ke tokaga mo ilo i ho loto foki, oku hage koe tautea e he tagata hono foha, oku behe be ae tautea koe e Jihova ko ho Otua.

⁶Koia, ke ke tauhi ae gaahi fekau a Jihova ko ho Otua, ke alu i hono gaahi hala, bea ke manavahe kiate ia.

⁷He ko Jihova ko ho Otua oku ne omi koe ki he fonua lelei, koe fonua oe gaahi vaitafe, oe gaahi matavai moe loloto oku tubu mei he gaahi luo moe gaahi mouga;

⁸Koe fonua oe uite moe baale, moe gaahi vaine, moe akau koe fiki, moe bomikaniti; koe fonua oe akau koe olive fai lolo, moe honi;

⁹Koe fonua ke ke kai ma tae ha hoge, e ikai te ke majiva i ha mea e taha i ai; ae fonua oku maka aki ae aione, bea te ke keli mei hono gaahi mouga ae balasa.

¹⁰Oka ke ka kai o makona, te ke toki fakafetai kia Jihova ko ho Otua koeuhi koe fonua lelei aia kuo ne foaki kiate koe.

¹¹Vakai ke oua naa ke fakagalo‘i a Jihova ko ho Otua, i he liaki o ene gaahi fekau, mo ene gaahi fakamāu, mo ene gaahi tuutuuni, aia oku ou fekau kiate koe he aho ni:

¹²Telia naa hili hoo kai o makona, bea kuo ke laga hao gaahi fale lelei, o nofo ai;

¹³Bea kuo tubu o lahi hoo faga manu lalahi mo hoo faga manu jii, bea kuo tubu o lahi hoo siliva mo hoo koula, bea kuo tubu o lahi ae mea kotoabe oku ke ma‘u;

¹⁴Bea toki hiki hake ho loto, bea ke fakagalogalo‘i a Jihova ko ho Otua, aia naa ne omi koe kituaa mei he fonua ko Ijibite, mei he fale oe bobula;

¹⁵Aia naa ne tataki atu koe i he fuu toafa lahi mo fakamanavahe koia, aia nae i ai ae gaahi gata vela, moe gaahi sikobio, moe laaina, bea nae ikai ha vai i ai; aia naa ne omi vai kiate koe mei he makaafi;

¹⁶Aia naa ne fafaga‘i koe i he toafa aki ae mana, aia nae ikai ilo e hoo gaahi tamai, koeuhi ke ne fakavaivai‘i koe, bea koeuhi ke ne ahiahi‘i koe, ke fai lelei kiate koe i ho ikuaga:

¹⁷Bea telia naa ke behe i ho loto, Ko hoku malohi moe mafai o hoku nima kuo ne lava‘i ae gaahi koloa ni maaku.

¹⁸Ka ke manatu koe kia Jihova ko ho Otua: he koia ia oku ne foaki kiate koe ae mafai ke ma‘u ae koloa, koeuhi ke ne fakamau ene fuakava aia naa ne fuakava ai ki hoo gaahi tamai, o hage koia he aho ni.

¹⁹Bea e hoko o behe, kabau oku ke fakagalogalo‘i a Jihova ko ho Otua, o alu o muimui i he gaahi otua kehe, bea tauhi akinautolu, o lotu ki ai, oku ou fakamooni kiate kimoutolu he aho ni koe mooni te mou auha.

²⁰Hage koe gaahi kakai oku fakaauha e Jihova mei ho mou ao, e behe be hoo mou auha; koe mea i hoo mou tae fietalagofua ki he le‘o o Jihova ko ho mou Otua.