1Ba loolu wéyee Israayil gépp daje Ebron ca Daawuda ne ko: «Noo ngii di say bokk lenqe.
2Te it démb ak bërki-démb, ba Sawul dee buur sax, yaa doon jiite Israayil ci xare, sa Yàlla Aji Sax ji ne la: “Yaay sàmm Israayil sama ñoñ te yaa leen di yilif.”»
3Noonu la magi Israayil ñépp dikke ca Buur Daawuda ca Ebron, mu fasook ñoom kóllëre|lemma="kóllëre g-:"* foofa ca Ebron, fa kanam Aji Sax ji. Ba mu ko defee ñu sotti Daawuda diwu pal ga, muy buurub Israayil, muy la Aji Sax ji waxoon, Samiyel jottali ko.
4Ci biir loolu Daawuda ànd ak Israayil gépp songi Yerusalem ga ñu doon woowe Yebus itam ndax la fa Yebuseeni diiwaan ba dëkke woon.
5Yebuseen ña ne Daawuda: «Doo fi dugg de!» Terewul Daawuda nangu tatab Siyoŋ|lemma="Siyoŋ:"* ga ñu mujj woowe Kër Daawuda.
6Ci biir loolu Daawuda waxoon na ne: «Ku ci njëkka rey ab Yebuseen dinaa ko fal mu jiitu ci kilifa yi.» Yowab ma yaayam tuddoon Ceruya nag njëkka song, ba tax mu doon kilifag gàngooru xare ga.
7Gannaaw loolu Daawuda dëkk ca biir tata ja; loolu waral ñu di ko woowe Kër Daawuda.
8Ci kaw loolu Daawuda tabax ay kër yu bees fa ko wër fépp, dale ko ca sëkkub Milo+ 11.8 Milo, xur la wu doxoon diggante kër Yàlla ga ak gox ba ñu naan Kër Daawuda. Suleymaan sëkklu ko.*, Yowab moom defaraat la des ca dëkk ba.
9Daawuda nag di gëna am doole, te Aji Sax ji Boroom gàngoori xare yi ànd ak moom.
10Ñii ñooy kilifay xare yu Daawuda yi àndoon ak Israayil gépp, ngir jàppale ko bu baax ci nguuram, fal Daawuda buur, muy li Aji Sax ji santaane woon ci ñoñam.
11Limeefu jàmbaari xare yu Daawudaa ngii:
12Ka ca topp di Elasar doomu Dodo mu Axowa ma bokkoon ca ñetti jàmbaari xare ya.
13Moom moo àndoon ak Daawuda ca Pas Damim ba fa Filisteen ña dajee nara xare. Amoon na fa toolub lors bu meññ, ba fees dell. Bànni Israayil|lemma="bànni Israayil:"* danoo njëkkoona dawe Filisteen ñi gannaaw.
14Waaye Elasar aki nitam taxaw ca digg tool ba, aar tool ba, duma Filisteen ña. Noonu la ci Aji Sax ji maye Israayil ndam lu réy.
15Mu am bés ñett ña bokk ca mbëri xare ya fekki Daawuda ca doj wa feggook xunt ma ca Adulam. Mbooloom Filisteen ñaa nga dal ca xuru Refayeen ña.
16Daawudaa nga ca biir rawtoom. Mu am kuréelu xareb Filisteen gu tollu Betleyem.
17Ci biir loolu Daawuda dem ba manatula muñ, mu ne: «Éy waay ku ma wutali woon ndox mu ma naan ca mbalkam Betleyem ma ca buntu dëkk ba!»
18Noonu ñett ña bëtt dalub Filisteen ña, duyi ndox ca teenu Betleyem ba ca wetu buntu dëkk ba, dikk yót Daawuda. Daawuda nag néegu koo naan; da koo tuur, te Aji Sax ji tax.
19Mu ne: «Mukk Yàlla tere may naan miim ndox. Xanaa duma naan deretu nit ñii moos ndax seen bakkan xajoon na ci, seen bakkan lañu jaay ba indil ma ndox mi.» Daawuda naanul ndox ma. Jooju jëf la ñetti jàmbaari xare ya def.
20Abisay mbokkum Yowab bokkoon na ca mbëri xare ya. Moom moo yékkati xeejam, song ñetti téeméeri góor, rey leen. Mu doxe fa siiw ci ñetti mbëri xare ñooña.
21Abisay bokk na ca ña gënoona siiw ca kuréel gu tudd Ñett ña; mujj na sax di seen njiit, waaye raw na ba bokkuloon ca Ñett ña.
22Benaya nag, Yoyadaay baayam, xarekat bu mag la woon, dëkkoon Kabcel. Def na jaloore yu réy! Moo rey ñaari doomi Aryel, Mowabeen ba. Moo wàccoon ci kàmb, bésu tawu yuur, rey fa gaynde.
23Moom it moo rey waa Misra ba amoon taxawaayu ñaari meetar ak genn-wàll. Xeej ba ca loxol waa Misra baa nga tollu ni këccub ràbb. Moom mu songe ko aw yet, daldi bif xeeju waa Misra ba, nangoo ko cay loxoom, reye ko ko.
24Jooju jëf la Benaya doomu Yoyada def. Moom it siiwoon na na ci ñetti mbëri xare ya.
25Ñu gënoon koo naw ca kuréel gu tudd Fanweeri jàmbaar ya, waaye raw na ba bokkuloon ca Ñett ña. Daawuda nag def ko njiitu dag ya ko dar.
26Yeneen ñeyi xare yi: Asayel ca la, mbokkum Yowab, ak Elxanan doomu Dodo ma dëkk Betleyem,
27ak Samot ma dëkk Aror, ak Elecc mu Palon,
28ak Ira, Ikes di baayam, dëkk Tekowa, ak Abiyeser ma dëkk Anatot,
29ak Sibekay ma dëkk Usa, ak Ilay ma dëkk Axowa,
30ak Maaray ma dëkk Netofa, ak Eledd ma Baana di baayam, dëkk Netofa,
31ak Itay ma Ribayi di baayam, dëkk Gibeya gu Beñamineen ñi, ak Benaya mu Piraton.
32Uray ma ca walum Gaas ca la, ak Abyel ma dëkk Araba,
33ak Asmawet ma dëkk Baxurim, ak Elyaba mu Saalbon,
34ak doomi Asem ma dëkk Gison, ak Yonatan doomu Sage mu Arar,
35ak Axiyam doomu Sakar, mu Arar, ak Elifal doomu Ur,
36ak Efer ma dëkk Mekera ak Axya mu Palon,
37ak Esro ma dëkk Karmel, ak Naaray doomu Esbay,
38ak Yowel mbokkum Natan, ak Mibar doomu Agari.
39Celeg Amoneen ba bokk na ca, ak Naxaray ma dëkk Beerot te daan gàddu gànnaayi Yowab ma Ceruya di yaayam,
40ak Ira ma dëkk Kër Yeter ak Gareb ma dëkk Kër Yeter itam.
41Uri Etteen ba ca la, ak Sabàdd doomu Axlay,
42ak Adina doomu Sisa, di kilifa ca giirug Ruben, ànd ak fanweeri dag,
43ak Xanan doomu Maaka ak Yosafat mu waa Mitin.
44Usya it ca la, di waa Astarot, ak Sama ak Yewel doomu Otam, mu Arower,
45ak Yediyel doomu Simri, ak Yoxa, mbokkam ma dëkk Ticc,
46ak Elyel ma dëkk Maxawa, ak Yeribay ak Yosawya doomu Elnaam, ak Itma ma dëkk réewum Mowab,