1Bildàdd mu Suwa àddu, ne:
2Xanaa dungeen noppi mukk?
3Ndax ay mala lañu nu teg daal,
4Yaw nag yaa topp sa mer ba loru!
5Ku bon kay lag leeram di fey,
6Xaymaam day lëndëm,
7Bu daa waaxu démb, di temp tey,
8Moo dox ba tàbbi cib caax,
9tànk ba téqtaloog fiir,
10Buum ga koy lonk a nga suulu,
11Lu ragloo koy darey mbetteel,
12Mooy xiif ba doole réer ko,
13Jàngoro di ko ŋacc,
14Ku bon lees di ñoddee fa jàmmi xaymaam,
15manees naa dëkke xaymaam, moomatu ko,
16Ku bon mooy garab gu dee kaw ak suuf,
17Turam tukkee kaw suuf,
18Dees koy bëmëxeg leer, tàbbal lëndëm,
19Du doom, du askan wu muy waccey bokkam,
20Waa sowu jommi cig mujam,