1Gannaaw loolu Ayóoba àddu, ma ngay móolu bés ba mu juddoo.
2Mu ne:
3Sànkute ñeel na bés ba ma juddoo,
4Boobu bés yal na di lëndëmu neen,
5Yal na lëndëmu njaniiw aakimoo boobu bés,
6Googu guddi yal na ko lëndëm moom,
7Googu guddi kay yàlla bu ci gone sosooti,
8Yal na alagkati bés yi alag googu guddi,
9Yal na biddiiwi njëlam giim,
10gannaaw moo tëjul sama biiru ndey,
11Moo, lu ma tee woona juddu rekk, dellu?
12Ana lu may óom doon uufe?
13Tëdd koon naak jàmm biir bàmmeel,
14buur yeek jawriñi àddina,
15Noppalu koon naak garmi yay boroom wurus,
16Mbaa ma mel koon ni lumb wu làqu biir suuf,
17Biir bàmmeel la ñu bon ñiy noppee sonle,
18ña ñu tëjoon ne finaax,
19ku tuut ak ku mag di fa benn,
20Boroom tiis, ana lees koy maye leeru kaw suuf?
21Ku ni mel ku yàkkamti dee gu dikkul,
22ba bu gisoon bàmmeel,
23Ngóor sii aw yoonam làqu,
24Samay binni di samaw ñam,
25Tiitaange déy a ma dikkal,