1Yeesu moo gisoon mbooloo ma, daldi yéeg ca tund wa. Naka la toog, taalibeem ya dikk.
2Mu yékkati kàddoom, jàngal leen ne leen:
3«Ndokkalee ñi am xolub ku néew doole,
4Ndokkalee ñiy jooy,
5Ndokkalee ñi woyof,
6Ndokkalee ñi xiif aka mar jëfe njekk,
7Ndokkalee ñi am yërmande,
8Ndokkalee ñi sell ab xol,
9Ndokkalee ñiy sàkku jàmm,
10Ndokkalee ñi seenug njub tax ñu di leen bunduxataal,
11«Ndokkalee yeen, bu ñu leen di saaga, di leen bunduxataal, di leen sosal gépp njombe ndax man.
12Bégleen te bànneexu, ndax seen yoolub ëllëg bu réy, nde noonu lañu daan fitnaale yonent yi fi jiitu.
13«Yeena di xoromas àddina. Bu xorom raxee ba sàlli, nees koy delloo cafkaam? Du jariñati dara, xanaa ñu sànni ko ci biti, nit ñi dox ci kawam.
14Yeena di leeru àddina. Ab dëkk, bu nekkee ci kaw tund, du mana làqu.
15Te it deesul taal ab làmp, dëpp cig leget, waaye dees koy aj ca kaw tegoom, ba muy leeral ñi nekk ci néeg bi ñépp.
16Yeen, na seenug leer leere noonu ci kanam nit ñi, ngir ñu gis seen jëf ju rafet, ba sàbbaal seen Baay ba fa kaw.
17«Buleen defe ne damaa dikk ngir tebbi yoonu Musaa, ak waxi yonent yi. Tebbisiwuma, damaa sottalsi.
18Maa leen ko wax déy, ba keroog asamaan ak suuf raaf, wenn rëdd, mbaa genn maaska du raaf mukk ci yoonu Musaa, ba kera lépp sotti.
19Kon képp ku wàcc lenn ci ndigal yii gëna tuut, te di ko diglee noonu, ki gëna tuut lees lay woowe fa nguurug asamaan. Waaye képp ku koy jëfe, di ko digle, ku mag ki lees lay woowe fa nguurug asamaan.
20Te kat maa leen ko wax, bu seenub njub ëppul njubu firikati yoonu Musaa yi ak Farisen|lemma="Farisen y-:"* yi, dungeen tàbbi mukk ci nguurug asamaan.
21«Dégg ngeen ne waxoon nañu maam ya ne leen: “Bul bóom; ku bóom yoon dina la daan+ 5.21 Seetal ci +bk Mucc ga+bk* 20.13; +bk Baamtug yoon wi+bk* 5.17.*.”
22Waaye man maa leen ko wax, képp ku mere sa mbokk, dees na la àtte. Ku ne sa mbokk: “Doo dara,” kuréelu àttekat|lemma="kuréelu àttekat y-:"* ya am na ci yaw yoon, te ku ne sa moroom “Dof bi,” sawara am na ci yaw yoon.
23Kon soo yóbboo sa sarax ca sarxalukaay|lemma="sarxalukaay b-:"* ba, ba fàttaliku foofa ne, am na lu la sa mbokk meree,
24dangay bàyyi sab sarax ca kanam sarxalukaay ba, te nga njëkka jubooji ak sa mbokk ma, doora dellu, joxe sab sarax.
25«Gaawala juboo ak sab jotewaale, bi ngay ànd ak moom jëm ca ëttu àttekaay ba; lu ko moy sab jotewaale jébbal la àttekat ba, kooka jox la alkaati ba, mu ne la ràpp tëj.
26Maa la ko wax déy, doo fa génne mukk te feyuloo lépp ba ci dërëm bi gëna tuut.
27«Dégg ngeen ñu ne: “Bul njaaloo+ 5.27 Seetal ci +bk Mucc ga+bk* 20.14.*.”
28Waaye man maa leen wax ne képp ku xool jigéen, ngir xemmem ko, njaaloo nga ak moom xaat ci sam xel.
29Bu la sa bëtu ndijoor dee bàkkaarloo, luqil, sànni, ndax ñàkk sa benn cér moo gën ci yaw ñu sànni sa yaram wépp sawara.
30Bu la sa loxol ndijoor dee bàkkaarloo, daggal, sànni, ndax ñàkk sa benn cér moo gën ci yaw, sa yaram wépp tàbbi sawara.
31«Te waxees na ne: “Képp ku fase sa jabar, nanga ko jox kayitu pase+ 5.31 Seetal ci +bk Baamtug yoon wi+bk* 24.1.*.”
32Waaye man maa leen wax ne képp ku fase sa jabar, te njaaloo taxul, yaa ko njaalooloo. Te ku ñu fase it, képp ku ko takk, njaaloo nga.
33«Déggati ngeen ñu ne waxoon nañu maam ya ne leen: “Bul xàcc sa ngiñ, waaye wàccool ak Boroom bi sa kàdduy ngiñ+ 5.33 Seetal ci +bk Baamtug yoon wi+bk* 23.22-24.*.”
34Waaye man maa leen wax ne leen, buleen giñ dara; bumu di ci asamaan, nde asamaan moo di jalub Yàlla;
35bumu di ci suuf, nde suuf moo di ndëggastalam; bumu di ci Yerusalem, nde Yerusalem moo di dëkku Buur bu mag bi.
36Bul giñ it ci sa kaaŋum bopp, ndax du sa genn kawar goo mana weexal, mbaa nga ñuulal ko.
37Na sa kàddu di waaw, soo waree ne waaw; mbaa déet, soo waree ne déet. Leneen lu ci tegu, ci ku bon ki|lemma="ku bon ki:"* la jóge.
38«Dégg ngeen ñu ne: “Bët, bët a koy fey; bëñ, bëñ a koy fey+ 5.38 Seetal ci +bk Mucc ga+bk* 21.24.*.”
39Waaye man maa leen wax ne leen, buleen jànkoonte ak ku bon, waaye ku leen dóor mbejum lexu ndijoor, dékkleen ko lex ba ca des.
40Ku leen nara yóbbu ci yoon, ngir jël seenub turki, baleen kook seen mbubb mu mag, dolli ko.
41Ku leen ga, ngeen yenul ko ci doxub benn kilomet, àndleen ak moom ñaar.
42Ku leen ñaan, mayleen ko, te ku leen leb, buleen ko gàntu.
43«Dégg ngeen ñu ne: “Soppleen seen moroom+ 5.43 Seetal ci +bk Sarxalkat yi+bk* 19.18.*” te bañ seenub noon.
44Waaye man maa leen wax ne leen, soppleen seeni noon te ñaanal ñi leen di bunduxataal,
45ngir ngeen doon doomi seen Baay ba fa asamaan, nde mooy kiy fenkal jantam ci kaw ñu bon ñi, ak ñu baax ñi, te mooy tawal ñi jub, ak ñi jubadi.
46Su ngeen soppee ñi leen sopp, ban yool ngeen am? Xanaa du juutikat|lemma="juutikat b-:"* yi sax noonu lañuy jëfe?
47Su ngeen dee saafoonte ak seeni bokk doŋŋ, ana lu ngeen def lu yéeme? Xanaa du yéefar yi sax noonu lañuy jëfe?