1Ma dellu séentu, yem ci ñeenti watiir yuy dikk diggante ñaari tund. Tund yi nag di tundi xànjar.
2Watiir bu njëkk bi, fas yu xonq a ko takk, ñaareelu watiir bi, fas yu ñuul a ko takk,
3ñetteelu watiir bi, fas yu weex a ko takk, ñeenteelu watiir bi, fas yu tippantee ko takk, te fas yépp di yu am kàttan.
4Ma ne malaaka ma doon wax ak man: «Sang bi, watiir yii lu ñuy wund?»
5Malaaka mi ne ma: «Ñii ñooy ñeenti ngelawi asamaan yi génne fa ñu teewe woon fa kanam Boroom àddina sépp.»
6Bi fas yu ñuul yi takk, réewum bëj-gànnaar la jëm; bi fas yu weex yi takk topp seen gannaaw; fas yu tippante yi nag, réewum bëj-saalum+ 6.6 Bëj-saalum ak bëj-gànnaar ñaare ñooy wet yi nooni Israayil féete woon.* lañu jëm.
7Fas yu am kàttan yooyu yépp nag génn, yàkkamtee wëri àddina. Aji Sax ji ne leen: «Demleen wëri àddina.» Ñu daldi dem, wëri àddina.
8Ci kaw loolu mu àddu ca kaw, ne ma: «Xoolal, ñi jëm réewum bëj-gànnaar, samag noo lañuy sànni ca kaw réewum bëj-gànnaar.»
9Ba loolu amee kàddug Aji Sax ji dikkal ma, ne ma:
10«Yóbbalub Elday ak Tobya ak Yedaya, ñi ñu gàddaayloo woon, nanga dem jëli ko bésub tey jii, ca kër Yosya doomu Sofoni, fa ñooñu jóge Babilon, dal.
11Jëlal yóbbal boobu, di wurus wi ak xaalis bi, nga sàkk ci mbaxanam buur, te teg ko ci kaw boppu sarxalkat|lemma="sarxalkat b-:"* bu mag bi+ 6.11 Liggéeyu carxal ak nguur, ñaari sas yooyu, ci yoon, du woon lees di boole yor ci Israayil.*, Yosuwe doomu Yoccadag.
12Nga wax ko ne ko: “Aji Sax ji Boroom gàngoor yi dafa wax ne:
13Mooy tabax kër Aji Sax ji
14Mbaxanam buur mi baaxantal lay doon ci biir kër Aji Sax ji, ñu di ko fàttalikoo Elday+ 6.14 Elday man naa doon Elem itam.* ak Tobya ak Yedaya ak mbaaxug Yosya doomu Sofoni.