1Ñeel Daawuda.
2Sama Yàlla, yaw laa yaakaar.
3Deesu la séentu, ba rus.
4Éy, Aji Sax ji, won ma saw yoon,
5Jiitee ma sag dëgg, jàngal ma.
6Aji Sax ji, bàyyil xel sa yërmandeek sa ngor,
7Bul xool li ma bàkkaare ndaw ak li ma moy.
8Aji Sax jee baax, rafeti dogal,
9di jiite ku woyof mbubb ci njubte,
10Aji Sax ji ngor ak dëgg rekk lay jiitee
11Éy Aji Sax ji, tooñ naa lool,
12Ana kuy wormaal Aji Sax ji,
13muy dunde ngëneel,
14Ndéeyu Aji Sax ji, jagley ku ko ragal.
15Samay gët jàkk rekk ci Aji Sax ji,
16Ngalla geesu ma, baaxe ma,
17sama xol feesey xalaat.
18Xoolal sama naqar ak sama tiis,
19Xoolal noon yi ne gàññ,
20Éy, aar ma, musal ma!
21Yal na ma mànduteek njub taxawu,