Taalifi cant 97:1-12 WOLB2025 - Bible AI

1Aji Sax jeey Buur, na àddina bég; dunoo dun bànneexu.

2Ay xàmbaar yu lëndëm këruus a ko yéew, àtteb dëgg ak njub lal ab jalam.

3Sawaraa dox, jiitu ko, di xoyomi noonam wetoo wet,

4ay melaxam leeral àddina, waa àddina gis, di pat-pati;

5tund yi ne soyox seey fi kanam Aji Sax ji boroom àddina sépp.

6Asamaan a ngi biral àtteem, xeetoo xeet di gis darajaam.

7Gàcce ñeel na kuy jaamu jëmmi tuur, di puukarewoo ay yàllantu. Yeen yàllay xeet yépp, sujjóotalleen kii,

8Siyoŋ|lemma="Siyoŋ:" dégg ca, bég, waa Yuda it di bànneexoo àttey Aji Sax jii.

9Aji Sax ji, Aji Kawe ji tiim suuf sépp; yaaka màgga màgg, ba sut tuuroo tuur.

10Yeen soppey Aji Sax ji, bañleen lu bon. Aji Sax jeey sàmm ay wóllëreem, di leen musal ci ku bon.

11Jub, leerlu; jubal, bég.

12Yeen aji jub ñi, bànneexooleen Aji Sax ji, sante ko turam wu sell wi.

e>