1Dogu suuf sa làngi giirug Yuda muurloo ci ab tegoo bant moo ëmb dénd, ba jëm bëj-saalum fa digalook Edom, ca màndiŋu Ciin fa suuf-a-suuf ca bëj-saalum,
2daleeti tefesu géeju Xorom ga, fa ndox ma def ab coll jàkkaarlook bëj-saalum màkk,
3wéy nag ba fa féeteek yéegub Akerabim bëj-saalum, jaare Ciin, dem ba bëj-saalumu Kades Barneya, neeti walbit jaare dëkk ba ñu naa Esron, jëm Adar, dëngloo fa jëm Karka.
4Fa la wéye jaareji Asmon, génne walum Misra ma, doora teere géej gu mag ga. Foofa la kemu suufas Yuda wa féete bëj-saalum jaaroon.
5Seen kemu suuf sa ca wetu penku moo doon géeju Xorom ga, ba foofee mu jàpploojeek collub dexu Yurdan. Dig ba ca bëj-gànnaar daleeti ca collub dexu Yurdan boobee,
6yéeg nag jëm Bet Ogla, jaare bëj-gànnaaru Bet Araba, ba ca doj wa ñu dippee Bowan mi bokk ci doomi Ruben yu góor.
7Ca la kem ga yéegati, wuti Debir, jaare xuru Akor, ba noppi jàdd jëm Gilgal ca bëj-gànnaar fa janook mbartalum Adumim, féete wal ma bëj-saalum. Noona mu jaare ca weti bëti ndoxi En Semes, génneji En Rogel.
8Foofa la jaare ca xuru Ben Inom, yéeg tundu Yebuseen ña ca wetu bëj-saalumam, muy fa Yerusalem nekk, wuti nag njobbaxtalu tund wa janook xuru Inom ca sowu, te féeteek fa xuru Refayeen ña yem ca wetu bëj-gànnaaram.
9Dig wa daldi jóge njobbaxtal googee, wëndeelu wuti bëti ndoxi Neftowa, daldi wéy wuti dëkki tundu Efron, doora jàdd jëm Baala ga ñuy woowe Kiryaat Yarim itam.
10Baala googee la kem ga jàdde sowu jubal tundu Seyir, daldi jaare ca wetu tund Yarim, mooy tundu Kesaloŋ, ca wetu bëj-gànnaaram, wàcceji nag ca Bet Semes, romb Timna.
11Dig wa jógeeti fa jaare dëkk ba ñu naa Ekkron ca wetu bëj-gànnaaram, dënglu nag, jëm Sikkron, jaare tundu Baala, jubal Yabneel, doora génne ca géej gu mag ga.
12Digu Sowu ba mooy tefesu géej gu mag ga. Loolooy kemi suuf sa ñu féetale làngi giirug Yuda ci wet gu nekk.
13Kaleb doomu Yefune nag ñu jox ko wàllam ci biir Yudeen ñi, na ko Aji Sax ji sante woon Yosuwe, wàllam di Kiryaat Arba ga ñu dippee Arba, maamu Anageen ña, foofa dees na ko woowe Ebron itam.
14Kaleb moo fa dàqe ñetti Anageen ña: Sesay ak Aximan ak Talmay, ñuy góor ñu sëtoo ci Anag.
15Mu jóge ca dali ca kaw waa Debir; Debir googu, Kiryaat Sefer la njëkkoona tudd.
16Kaleb nag ne: «Kiryaat Sefer gii de, ku ko duma, ba nangu ko, sama doom Agsa laa koy may jabar.»
17Otniyel doomu Kenas miy mbokkum Kaleb, moo nangu dëkk ba, Kaleb may ko doomam Agsa, jabar.
18Ba Agsa séysee kër Otniyel, ca la soññ Otniyel, ngir mu ñaan Kaleb baayam ab tool. Naka la Agsa cëppoo ca mbaamam, Kaleb baayam laaj ko, ne ko: «Loo xewle?»
19Mu ne: «Dimbalee ma lenn; yaa ma may suufi bëj-saalum. Waaye damaa bëgg nga mayaale ma ay déeg.» Mu daldi koy may déeg ba ñuy wax déegub kaw ak ba ñuy wax déegub suuf.
20Lii moo doon céru suuf bi giirug Yuda séddoo, làng gu ci nekk ak wàllam.
21Dëkki giirug Yuda yi féete bëj-saalum, bokk ci seen suuf, te digalook réewu Edom ñoo doon: Kabcel ak Eder ak Yagur,
22ak Kina ak Dimona ak Adada,
23ak Kedes ak Àccor ak Yitnan,
24ak Sif ak Telem ak Beyalot,
25ak Àccor Adata ak Keryot Esron, di Àccor ba tey,
26ak Amam ak Sema ak Molada,
27ak Àccar Gaada ak Esmon ak Bet Pelet,
28ak Àccar Suwal ak Beerseba ak Bisyotiya,
29ak Baala ak Iyim ak Eccem,
30ak Eltolat ak Kesil ak Xorma,
31ak Ciglaag ak Madmana ak Sansana,
32ak Lebawot ak Silxim ak Ayin ak Rimon. Lépp di ñaar fukki dëkk ak juróom ñeent yu ànd ak seen dëkk yu ndaw.
33Dëkk yii ca suufu tund ya ca la: Estawol ak Cora ak Asna,
34ak Sanowa ak Enganim ak Tapuwa ak Enam,
35ak Yarmut ak Adulam ak Soko ak Aseka,
36ak Saarayim ak Aditayim ak Gedera ak Gederotayim. Muy fukki dëkk ak ñeent yu ànd ak seen dëkk yu ndaw.
37Yeneen yu ca bokk di Cenan ak Adasa ak Migdal Gàdd,
38ak Dilan ak Mispe ak Yogteel,
39ak Lakis ak Bocckat ak Eglon,
40ak Kàbbon ak Laxmas ak Kittliis,
41ak Gederot ak Bet Dagon ak Naama ak Makeda. Muy fukki dëkk ak juróom benn yu ànd ak seen dëkk yu ndaw.
42Yeneen yu ca bokk di Libna ak Eter ak Asan,
43ak Yiftax ak Asna ak Neccib,
44ak Keyla ak Agsib ak Maresa. Muy juróom ñeenti dëkk yu ànd ak seen dëkk yu ndaw.
45Ekkron itam ca la, mook dëkkam ya ko wër aki dëkk-dëkkaanam,
46ak itam mboolem dëkk ya wër Asdodd ak seeni dëkk-dëkkaan, te dale Ekkron, jëm géej ca sowu,
47ak Asdodd aki dëkkam aki dëkk-dëkkaanam, ak Gasa aki dëkkam aki dëkk-dëkkaanam, ba ca walu Misra, ba ca wetu géej gu mag ga.
48La ca féete diiwaanu tund ya mooy Samir ak Yatir ak Soko,
49ak Dana ak Kiryaat Sana, di Debir ba tey,
50ak Anab ak Estemo ak Anim,
51ak Gosen ak Olon ak Gilo. Muy fukki dëkk ak benn yu ànd ak seen dëkk yu ndaw.
52Yeneen dëkk yu ca bokk di Arab ak Duuma ak Esan,
53ak Yanum ak Bet Tapuwa ak Afeka,
54ak Umta ak Kiryaat Arba, di Ebron ba tey, ak Ciyor. Muy juróom ñeenti dëkk yu ànd ak seen dëkk yu ndaw.
55Yeneen dëkk yu ca bokk di Mawon ak Karmel ak Sif ak Yuta,
56ak Yisreel ak Yogdeyam ak Sanowa,
57ak Kayin ak Gibeya ak Timna, di fukki dëkk yu ànd ak seen dëkk yu ndaw.
58Yeneen yu ca bokk di Xalul ak Bet Cur ak Gedor,
59ak Maarat ak Bet Anot ak Eltekon, di juróom benni dëkk yu ànd ak seen dëkk yu ndaw.
60Yeneen dëkk yu ca bokk di Kiryaat Baal, muy Kiryaat Yarim ba tey, ak Raba. Muy ñaari dëkk yu ànd ak seen dëkk yu ndaw.
61La ca féeteek màndiŋ ma dëkk yii la: Bet Araba ak Midin ak Sekaka,
62ak Nibsan ak Ir Amela ak Engedi. Muy juróom benni dëkk yu ànd ak seen dëkk yu ndaw.