1Njàlbéen ga fekk na Kàddu gi nekk, te Kàddu gi ma nga woon ak Yàlla, te Kàddu gi Yàlla la woon.
2Njàlbéen ga fekk na Kàddu gi nekk ak Yàlla.
3Lépp ci Kàddu gi lañu ko sàkke. Sàkkeesul dara lu ñu sàkkewul ci moom.
4Ci moom la dund nekk, te dund dig leer, ñeel nit ñi.
5Leer moo feeñ ci biir lëndëm, te lëndëm gi manu koo man.
6Am na nit ku Yàlla yebal, ñu di ko wax Yaxya|lemma="Yaxya:"*.
7Kooku moo dikke kàddug seede, ngir seede lu jëm ci leer gi, ngir ñépp gëme ciy waxam.
8Du moom ci boppam moo doon leer gi, waaye seedeel leer gi moo ko taxa dikk.
9Leer giy dëgg, tey leeral nit ñépp, moo dikk ci àddina.
10Ci àddina la masa nekk, te àddina sàkkoo ci moom, waaye waa àddina xamuñu ko.
11Ci ñoñam la ñëw, waaye ñoñam a ko dalalul.
12Teewul mboolem ñi ko dalal, ba gëm ko, ñoom la may ñu yelloo doon doomi Yàlla.
13Ñooñu du ci deret lañu sosoo, te it du ci coobarey nitu suuxu neen, mbaa ci coobarey góor lañu sosoo, waaye ci Yàlla lañu sosoo.
14Kàddu gee sol aw suux, doon nit, màkkaanoo ci sunu biir, nu ne jàkk ci darajaam, darajay jenn Doom ji bawoo ci Baay bi, mat sëkk ci aw yiw akug dëgg.
15Moom la Yaxya seedeel, di xaacu ne: «Kii laa noon leen: “Mooy dikk sama gannaaw waaye moo ma sut, nde moo jiitu sama juddu.”»
16Ci ag matam lanu tanqe nun ñépp, yiw ci kaw yiw.
17Yoon wi indi ndigali Yàlla yi, ci gémmiñu Musaa lees ko joxee, waaye yiw wi ak dëgg gi, ci Yeesu Almasi|lemma="Almasi b-:"* bi la dikke.
18Kenn masula gis Yàlla, waaye Yàlla miy Kenn te sës rëkk ci Baay bi, kooku mooy ki ko xamle.
19Lii nag moo di seedes Yaxya|lemma="Yaxya:"*, ba njiiti Yawut ya yebalee fa moom ay sarxalkat|lemma="sarxalkat b-:"* aki Leween|lemma="Leween b-:"* ñu jóge Yerusalem, dikk ne ko: «Yaw yaay kan?»
20Yaxya dafa biral, bañula tontu, waaye daa biral ne: «Duma Almasi|lemma="Almasi b-:"* bi.»
21Ñu ne ko: «Yaay kan nag? Yaa di Ilyaas|lemma="Ilyaas:"*?» Mu ne leen: «Duma Ilyaas.» Ñu ne ko: «Ndax yaa di Yonent bi+ 1.21 Yonent bi: seetal ci +bk Baamtug yoon wi+bk* 18.15, 18. Bànni Israayil am na yonent bu bokk ci seen askan bu ñu doon séentu.*?» Mu ne leen: «Déedéet.»
22Ñu ne ko nag: «Wax nu yaay kan, ba nu mana yóbbul tont ñi nu yónni. Nga ne yaa di kan?»
23Mu ne: «Man maa di baatu kiy xaacu ci màndiŋ mi, naan: “Nangeen xàll yoonu Boroom bi!”» noonu ko Yonent Yàlla Esayi|lemma="Esayi:"* waxe woon+ 1.23 Seetal ci +bk Esayi+bk* 40.3.*.
24Ay Farisen|lemma="Farisen y-:"* nag a nga woon ca ña ñu yebal ca Yaxya.
25Ñu laaj ko ne ko: «Ana kon looy sóobe ci ndox, gannaaw doo Almasi bi, doo Ilyaas, doo Yonent boobu?»
26Yaxya ne leen: «Man de maa ngi sóobe ci ndox, waaye nit a ngi fii ci seen biir te xamuleen ko.
27Kookooy ñëw sama gannaaw, te buumi caraxam sax, man yeyoowuma ko koo feccil.»
28Lii ca Betani la xewe woon, ca wàllaa dexu Yurdan, fa Yaxya daan sóobe.
29Ca ëllëg sa, ba Yaxya|lemma="Yaxya:"* gisee Yeesu di dikk wutsi ko, da ne: «Kii mooy Xarum Yàlla, miy far bàkkaaru àddina+ 1.29 Seetal ci +bk Esayi+bk* 53.7-8; +bk 1.Piyeer+bk* 1.19.*.
30Kii laa noon leen: “Nit kiy ñëw sama gannaaw moo ma sut, nde moo jiitu sama juddu.”
31Man ci sama bopp xàmmeewuma ko woon, waaye xamal ko bànni Israayil|lemma="bànni Israayil:"* moo ma taxa dikk, di sóobe ci ndox.»
32Ci kaw loolu Yaxya seede ne: «Maa gis Noowug Yàlla|lemma="Noo gu Sell g-:"* wàcce asamaan, ni am pitax, toŋ ci kawam.
33Man nag xàmmeewuma ko woon, waaye ki ma yebal ba may sóobe ci ndox moo ma ne: “Ki nga gis Noo gu Sell gi wàcc, toŋ ci kawam, kooku mooy sóobe ci Noo gu Sell gi.”
34Maa gisal sama bopp te maa seede ne kii moo di Doomu Yàlla|lemma="Doomu Yàlla j-:"*.»
35Ca ëllëg sa Yaxya|lemma="Yaxya:"* dellu taxaw, mook ñaari taalibeem.
36Naka la Yeesu di romb, Yaxya ne ko jàkk, ne: «Kii moo di Xarum Yàlla!»
37Ñaari taalibe ya dégg la mu wax, daldi topp ca Yeesu.
38Yeesu ne gees, gis ñu topp ci moom. Mu ne leen: «Lu ngeen bëgg?» Ñu ne ko: «Rabbi,» muy firi kilifa gi, «ana foo dal?»
39Yeesu ne leen: «Kaayleen, gis.» Ñu dem ba gis fa mu dal. Loola yemook ñeenti waxtu ci ngoon. Ñu daldi toog fa moom la des ca bëccëg ba.
40Ku ñuy wax Simoŋ Piyeer nag moo bokk ndey ak baay ak Àndre, miy kenn ca ñaar ña déggoon la Yaxya wax, ba tax ñu topp Yeesu.
41Simoŋ moomu Àndre bokkal, la Àndre njëkka seeti, ne ko: «Gis nanu Almasi|lemma="Almasi b-:"* bi,» muy firi Ki ñu fal+ 1.41 Ki ñu fal: moom lañuy wax Kirist itam ci làkku gereg.*!
42Mu yóbbu Simoŋ ba ca Yeesu. Yeesu ne ko jàkk, ne ko: «Yaa di Simoŋ, doomu Yowaan. Dees na la woowe Sefas|lemma="Sefas:"*,» muy firi doj.
43Ca ëllëg sa Yeesu fas yéenee dem Galile. Ci biir loolu mu daje ak Filib. Yeesu ne ko: «Toppal ci man.»
44Filib, Betsayda la dëkkoon, dëkkub Àndre ak Piyeer.
45Filib nag dem ba ca ku ñuy wax Natanayel, ne ko: «Ki Musaa bind ci téereb yoon wi, ki yonent yi bind ci mbiram, gis nanu ko; Yeesu doomu Yuusufa la, Nasaret la dëkk!»
46Natanayel ne ko: «Mbaa lu baax man naa jóge Nasaret yee?» Filib ne ko: «Ñëwal gis.»
47Ba Yeesu gisee Natanayel jëmsi ca moom, wax na ca moom, ne: «Nitu Israayil dëgg a ngii; gennug caaxaan nekkul ci moom.»
48Natanayel ne ko: «Foo ma xame?» Mu ne ko: «Bala laa Filib a woo, ba nga nekkee ca suufu figg ga, laa la gis.»
49Natanayel nag ne ko: «Kilifa gi, yaa di Doomu Yàlla|lemma="Doomu Yàlla j-:"*, yaa di buurub Israayil!»
50Yeesu ne ko: «Li ma ne la, gis naa la ca suufu figg ga moo la taxa gëm? Lu raw loolu ngay gis.»