Ìwé Àwọn Ará Éfésù 5:1-33 BYB2014 - Bible AI

¹Nítorí náà, ẹ máa ṣe àfarawé Ọlọ́run bí àwọn olùfẹ́ ọmọ,

²ⓐ ẹ sì máa rìn ní ìfẹ́, gẹ́gẹ́ bí Kírísítì pẹ̀lú ti fẹ́ wa, tí ó sì fi ara rẹ̀ fún wa ní ọrẹ àti ẹbọ fún Ọlọ́run fún òórùn dídùn.

³Ṣùgbọ́n àgbèrè àti gbogbo ìwà-èérì, tàbi ojúkòkòrò, kí a má tilẹ̀ dárúkọ rẹ̀ láàárin yín mọ́, bí ó ti yẹ àwọn ènìyàn mimọ;

⁴Ìbáà ṣe ìwà ọ̀bùn, àti ìsọ̀rọ̀ òmùgọ̀, tàbí ìṣẹ̀fẹ̀ àwọn ohun tí kò tọ́; ṣùgbọ́n ẹ kúkú máa dúpẹ́.

⁵Nítorí ẹ̀yín mọ èyí dájú pé, kò sí panṣágà, tàbí aláìmọ́ ènìyàn, tabì wọ̀bìà, (tí í ṣé abọ̀rìṣà) tí yóò ni ìní kán ni ìjọ́bà Kírísítì àti Ọlọ́run.

⁶Ẹ má ṣe jẹ́ kí ẹnikẹ́ni fí ọ̀rọ̀ asán tàn yín jẹ: nítorí nípaṣẹ̀ nǹkan wọ̀nyí ní ìbínú Ọlọ́run fi ń bọ̀ wá sórí àwọn ọmọ aláìgbọ́ràn.

⁷Nítorí náà ẹ má ṣe jẹ́ alájọpín pẹ̀lú wọn.

⁸Nítorí ẹ̀yin tí jẹ́ òkùnkùn lẹ́ẹ̀kan ṣùgbọ́n níṣinsin yìí, ẹ̀yin dí ìmọ́lẹ̀, nípa tí Olúwa: Ẹ máa rín gẹ́gẹ́ bí àwọn ọmọ ìmọ́lẹ̀:

⁹(Nítorí èso Ẹ̀mí ni ìṣoore, àti òdodo àti òtítọ́).

¹⁰Ẹ sì máa wádìí ohun tí í ṣe ìtẹ́wọ́gbà fún Olúwa.

¹¹Ẹ má sì ṣe bá àwọn oníṣẹ́ òkùnkùn kẹ́gbẹ́ pọ̀, ṣùgbọ́n ẹ kúkú máa bá wọn wí.

¹²Nítorí ìtìjú tilẹ̀ ni láti máa sọ̀rọ̀ nǹkán wọ̀n-ọn-nì tí àwọn aláìgbọ́ràn ń ṣe ní ìkọ̀kọ̀.

¹³Ṣùgbọ́n ohun gbogbo tí a tú síta ni ìmọ́lẹ̀ ń fì hàn: nítorí ohunkóhun tí ó bá fí nǹkàn hàn, ìmọ́lẹ̀ ni.

¹⁴Nítórí náà ni ó ṣẹ́ wí pé,

¹⁴“Jí, ìwọ̀ ẹní tí ó sun, Sí jíǹdè kúrò nínú òkú Kírísítì yóò sì fún ọ ní ìmọ́lẹ̀.”

¹⁵Nítorí náà ẹ kíyésì láti máa rìn ní ìwà pípé, kì í ṣé bí àwọn òmùgọ̀, ṣùgbọ́n bí àwọn ọlọ́gbọ́n;

¹⁶ⓑ Ẹ máa ra ìgbà padá, nítorí búburú ní àwọn ọjọ́.

¹⁷Nítorí náà, ẹ má ṣé jẹ aláìlóye, ṣùgbọ́n ẹ máa mòyé ohun tí ìfẹ́ Olúwa jásí.

¹⁸Ẹ má sí ṣe mú wáìnì ní àmupara, nínú èyí tí rúdurúdu wà; ṣùgbọ́n ẹ kún fún Ẹ̀mí Mímọ́.

¹⁹ⓒ Ẹ sì máa bá ara yín sọ̀rọ̀ nínú Sáàmù, àti orin ìyìn, atí orin ẹ̀mí, ẹ máa kọrin, kí ẹ sì máa kọrìn dídùn ní ọkàn yín sí Olúwa.

²⁰Ẹ máa dúpẹ́ nígbà gbogbo fún ohun gbogbo lọ́wọ́ Ọlọ́run, àní Baba, ní orúkọ Jésù Kírísítì Olúwa wá.

²¹Ẹ máa tẹríba fún ara yín ní ìbẹ̀rù Ọlọ́run.

²²ⓓ Ẹ̀yín aya, ẹ máa tẹríba fún àwọn ọkọ yín, gẹ́gẹ́ bí fún Olúwa.

²³Nítorí pé ọkọ ni ó ń ṣe orí aya, gẹ́gẹ́ bí Kírísítì tí i ṣe orí ìjọ, tí ó ń ṣe ara rẹ̀, oún si ni Olugbálá rẹ̀.

²⁴Nítorí náà gẹ́gẹ́ bí ijọ tí i tẹríba fún Kírísítì, bẹ́ẹ̀ sì ní kì àwọn aya máa ṣe sí ọkọ wọn ní ohun gbogbo.

²⁵Ẹ̀yín ọkọ, ẹ fẹ́ràn àwọn aya yín, gẹ́gẹ́ bí Kírísítì tí fẹ́ràn ìjọ, tí ó sì fí ara rẹ̀ fún-un.

²⁶Kí òun lè sọ ọ́ dí mímọ́ lẹ́yìn tí ó tí fí ọ̀rọ̀ wẹ̀ ẹ́ nínú agbada omí.

²⁷Kí òun lé mú ún wá sọ́dọ̀ ara rẹ̀ bí ìjọ tí ó lógó láìní àbàwọ́n, tàbí àlébù kan, tàbí irú nǹkán bá-wọ̀n-ọn-nì: ṣùgbọ́n kí ó lè jẹ mímọ́ àti aláìní àbùkù.

²⁸Bẹ́ẹ̀ ní ó tọ́ kí àwọn ọkùnrin máa fẹ́ràn aya wọn gẹ́gẹ́ bí ara àwọn fúnra wọn.

²⁹Nítorí kò sì ẹnìkan tí ó ti kóríra ara rẹ̀; bí kò ṣe pé kí ó máa bọ́ ọ kí ó sì máa sìkẹ́ rẹ̀ gẹ́gẹ́ bí Kírísítì sì ti ń ṣe sí ìjọ.

³⁰Nítorí pé àwa ni ẹ̀yà ara rẹ̀, àti tí ẹran ara rẹ̀, atí egúngún ara rẹ̀.

³¹ⓔ Nítorí èyí ní ọkùnrin yóò ṣe fí Baba àti ìyá rẹ̀ sílẹ̀, òun yóò sì dàpọ̀ mọ́ aya rẹ̀, àwọn méjèèjì á sí dí ara kán.

³²Àṣírí ńlá ní èyí: ṣùgbọ́n èmí ń sọ nípá ti Kírísítì àti tí ìjọ.

³³Ṣùgbọ́n kí olúkúlùkù yín fẹ́ràn aya rẹ̀, bẹ́ẹ̀ gẹ́gẹ́ bí òun fúnra rẹ̀; kí aya kí ó sì bọ̀wọ̀ fún ọkọ rẹ̀.