1Ìran Jésù Kírísítì, ẹni tí í ṣe ọmọ Dáfídì, ọmọ Ábúráhámù:
2Ábúráhámù ni baba Ísáákì; Ísáákì ni baba Jákọ́bù; Jákọ́bù ni baba Júdà àti àwọn arákùnrin rẹ̀,
3Júdà ni baba Pérésì àti Ṣérà, Pérésì ni baba Ésírónù: Ésírónù ni baba Rámù;
3Támárì sì ni ìyá rẹ̀,
4Rámù ni baba Ámínádábù; Náhísónì ni baba Sálímónì;
4Ámínádábù ni baba Náhísónì;
5Sálímónì ni baba Bóásì, Ráhábù sí ni ìyá rẹ̀; Óbédì sì ni baba Jésè;
5Bóásì ni baba Óbédì, Rúùtù sí ni ìyá rẹ̀;
6Jésè ni baba Dáfídì ọba.
6Dáfídì ni baba Sólómónì, ẹni tí ìyá rẹ̀ jẹ́ aya Húráyà tẹ́lẹ̀ rí.
7Sólómónì ni baba Réhóbóámù, Ábíjà ni baba Ásà,
7Réhóbóámù ni baba Ábíjà,
8Áṣà ni baba Jéhósáfátì; Jéhórámù ni baba Húsáyà;
8Jéhósafátì ni baba Jéhórámù;
9Húsáyà ni baba Jótámù; Áhásì ni baba Heṣekáyà;
9Jótámù ni baba Áhásì;
10Heṣekáyà ni baba Mánásè; Ámónì ni baba Jósáyà;
10Mánásè ni baba Ámónì;
11ⓐ Jósáyà sì ni baba Jékónáyà àti àwọn arákùnrin rẹ̀ ní àkókò ìkólọ sí Bábílónì.
11
12Lẹ́yìn ìkólọ sí Bábílónì: Selítílì ni baba Sérúbábélì;
12Jékónáyà ni baba Selítílì;
13Sèrérúbábélì ni baba Ábíúdì; Élíákímù ni baba Ásórì;
13Ábíúdì ni baba Élíákímù;
14Ásórì ni baba Sádókù; Ákímù ni baba Élíúdì;
14Sádókù ni baba Ákímù;
15Élíúdì ni baba Élíásárì; Mátítánì ni baba Jákọ́bù;
15Élíásárì ni baba Mátítánì;
16Jákọ́bù ni baba Jósẹ́fù, ẹni tí ń ṣe ọkọ Màríà, ìyá Jésù, ẹni tí í ṣe Kírísítì.
17Bẹ́ẹ̀ ni gbogbo wọ́n jẹ́ ìran mẹ́rìnlá láti orí Ábúráhámù dé orí Dáfídì, ìran mẹ́rìnlà á láti orí Dáfídì títí dé ìkólọ sí Bábílónì, àti ìran mẹ́rìnlà láti ìkólọ títí dé orí Kírísítì.
18ⓑ Bí a ṣe bí Jésù nì yìí: Ní àkókò ti àdéhùn ìgbéyàwó ti parí láàrin Màríà ìyá rẹ̀ àti Jósẹ́fù, ṣùgbọ́n kí wọn tó pàdé, a rí i ó lóyún láti ọwọ́ Ẹ̀mí Mímọ́.
19Nítorí Jósẹ́fù ọkọ rẹ̀ tí í ṣe olóòótọ́ ènìyàn kò fẹ́ dójú tì í ní gbangba, ó ní èrò láti kọ̀ ọ́ sílẹ̀ ní ìkọ̀kọ̀.
20Ṣùgbọ́n nígbà tí ó ro èrò yìí tán, ańgẹ́lì Olúwa yọ sí i ní oju àlá, ó wí pé, “Jósẹ́fù, ọmọ Dáfídì, má fòyà láti fi Màríà ṣe aya rẹ, nítorí oyún tí ó wà nínú rẹ̀ láti ọwọ́ Ẹ̀mí Mímọ́ ni.
21ⓒ Òun yóò sì bí ọmọkùnrin, ìwọ yóò sì pe orúkọ rẹ̀ ní Jésù, nítorí òun ni yóò gba àwọn ènìyàn rẹ̀ là kúrò nínú ẹ̀ṣẹ̀ wọn.”
22Gbogbo nǹkan wọ̀nyí sì ṣẹ láti mú ọ̀rọ̀ Olúwa ṣẹ èyí tí a sọ láti ẹnu wòlíì rẹ̀ wá pé:
23ⓓ “Wúndíá kan yóò lóyún, yóò sì bí ọmọkùnrin kan, a ó sì pe orúkọ rẹ̀ ní ‘Èmánúẹ́lì,’ ” èyí tí ó túmọ̀ sí, “Ọlọ́run wà pẹ̀lú wa.”
24Nígbà tí Jósẹ́fù jí lójú oorun rẹ̀, òun ṣe gẹ́gẹ́ bí ańgẹ́lì Olúwa ti pàṣẹ fún un. Ó mú Màríà wá sílé rẹ̀ ní aya.
25Ṣùgbọ́n òun kò mọ̀ ọ́n títítí ó fi bí ọmọkùnrin, òun sì sọ orúkọ rẹ̀ ní Jésù.