Ìwé Ẹkún Jeremáyà 2:1-22 BYB2014 - Bible AI

¹Báwo ni OLÚWA ṣe bo ọmọbìnrin Síónì pẹ̀lú ìkúùkù ìbínú rẹ̀! Ó sọ ògo Ísírẹ́lì kalẹ̀ Láti ọ̀run sí ayé; kò rántí àpótí-ìtìṣẹ̀ rẹ̀ ní ọjọ́ ìbínú rẹ̀.

²Làìní àánú ni OLÚWA gbé ibùgbé Jákọ́bù mì; nínú ìrunú rẹ̀ ni ó wó ibi gíga ọmọbìnrin Júdà lulẹ̀. Ó ti mú ìjọba àti àwọn ọmọ aládé ọkùnrin lọ sínú ilẹ̀ ní àìlọ́wọ̀.

²

³Ní ìbínú gbígbóná rẹ̀ ni ó ké gbogbo ìwo Ísírẹ́lì. Ó ti mú ọwọ́ ọ̀tún rẹ̀ kúrò nígbà tí àwọn ọ̀tá dé. Ó run ní Jákọ́bù bí ọ̀wọ́ iná ní àgọ́ àwọn ọmọbìnrin Síónì.

³

⁴Ó na ọfà rẹ̀ bí ọtá; ọwọ́ ọ̀tún rẹ̀ sì múra Bí ti ọ̀ta tí ó ti parun ó tú ìbínú rẹ̀ jáde bí iná sórí àgọ́ ọmọbìnrin Síónì.

⁴

⁵OLÚWA dà bí ọ̀tá; ó gbé Ísírẹ́lì mì. Ó ti gbé gbogbo ààfin rẹ̀ mì ó pa ibi gíga rẹ̀ run. Ó sọ ìmí ẹ̀dùn àti ìbànújẹ́ di púpọ̀ fún àwọn ọmọbìnrin Júdà.

⁵

⁶Ó mú ìparun bá ibimímọ́, ó pa ibi ìpàdé rẹ̀ run. OLÚWA ti mú Síónì gbàgbé ọjọ́ àṣè àti ọ̀ṣẹ̀ tí ó yàn; nínú ìbínú gbígbóná rẹ̀ ni ó run ọba àti olórí àlùfáà.

⁶

⁷OLÚWA ti kọ̀ pẹpẹ rẹ̀ sílẹ̀ ó sì ti kọ̀ ibi mímọ́ rẹ̀. Ó sì fi lé ọ̀ta lọ́wọ́ àwọn odi ààfin rẹ̀; wọ́n sì kígbe ní ilé OLÚWA gẹ́gẹ́ bí ọjọ́ ìpèjẹ tí a yàn.

⁷

⁸OLÚWA pinnu láti fa ògiri tí ó yí ọmọbìnrin Síónì ya. Ó gbé wọn sórí òṣùnwọ̀n, kò sì fa ọwọ́ rẹ̀ padà kúrò nínú ìparun wọn. Ó mú kí ilé-ìsọ́ àti odi rẹ̀ sọ̀fọ̀ wọ́n ṣòfò papọ̀.

⁸

⁹Ẹnu ọ̀nà rẹ̀ ti wọ inú ilẹ̀; òpó rẹ̀ ni ó wó tí ó sì ti bàjẹ́. Ọba àti ọmọ ọbakùnrin rẹ̀ wà ní ìgbèkùn láàrin àwọn orílẹ̀ èdè, kò sí òfin mọ́, àwọn wòlíì rẹ̀ kò rí ìran láti ọ̀dọ̀ OLÚWA mọ́.

⁹

¹⁰Àwọn àgbààgbà ọmọbìnrin Síónì jókòó sílẹ̀ ní ìdákẹ́rọ́rọ́; wọ́n da eruku sí orí wọn wọ́n sì wọ aṣọ àkísà. Àwọn ọ̀dọ́mọbìnrin Jérúsálẹ́mù ti tẹrí wọn ba sí ilẹ̀.

¹⁰

¹¹Ojú mi kọ̀ láti sunkún, mo ń jẹ ìrora nínú mi, mo tú ọkàn mi jáde sí ilẹ̀ nítorí a pa àwọn ènìyàn mí run, nítorí àwọn ọmọdé àti ọmọ ọwọ́ ń kú ní òpópó ìlú.

¹¹

¹²Wọ́n wí fún àwọn ìyá wọn, “Níbo ni àkàrà àti wáìnì wà?” Wò ó bí wọ́n ṣe ń kú lọ bí àwọn ọkùnrin tí a ṣe léṣe ní àwọn òpópónà ìlú, bí ayé wọn ṣe ń ṣòfò láti ọwọ́ ìyá wọn.

¹²

¹³Kí ni mo le sọ fún ọ? Pẹ̀lú u kí ni mo lè fi ọ́ wé, Ìwọ ọmọbìnrin Jérúsálẹ́mù? Kí sì ni mo lè fi ọ́ wé, kí n lè tù ọ́ nínú, Ìwọ wúndíá bìnrin Síónì? Ọgbẹ́ rẹ jìn bí òkun. Ta ni yóò wò ọ́ sàn?

¹³

¹⁴Ìran àwọn wòlíì rẹ jẹ́ kìkì ẹ̀tàn láìní ìwọ̀n; wọn kò sì fi ẹ̀ṣẹ̀ rẹ̀ hàn tí yóò mú ìgbèkùn kúrò fún ọ. Àwọn òrìṣà tí wọ́n fún ọ jẹ́ èké àti ìsìnà.

¹⁴

¹⁵Àwọn tí ó gba ọ̀nà ọ̀dọ̀ rẹ pàtẹ́wọ́ lé ọ lórí; wọ́n kẹ́gàn wọ́n ju orí wọn sí ọmọbìnrin Jérúsálẹ́mù: “Èyí ha ni ìlú tí à ń pè ní àṣepé ẹwà, ìdùnnú gbogbo ayé?”

¹⁵

¹⁶Gbogbo àwọn ọ̀tá rẹ la ẹnu wọn gbòòrò sí ọ; wọ́n kẹ́gàn, wọ́n sì payín keke wọ́n wí pé, “A ti gbé e mì tán. Èyí ni ọjọ́ tí a ti ń retí; tí a sì wá láti rí.”

¹⁶

¹⁷OLÚWA ti ṣe ohun tí ó pinnu; ó ti mú ọ̀rọ̀ rẹ̀ ṣẹ, tí ó sì pàṣẹ ní ọjọ́ pípẹ́. Ó ti sí ọ nípò láì láàánú, ó fún ọ̀tá ní ìsẹ́gun lórí rẹ, ó ti gbé ìwo àwọn ọ̀tá rẹ̀ ga.

¹⁷

¹⁸Ọkàn àwọn ènìyàn kígbe jáde sí OLÚWA. Odi ọmọbìnrin Síónì, jẹ́ kí ẹkún rẹ̀ ṣàn bí odò ní ọ̀sán àti òru; má ṣe fi ara rẹ fún ìtura, ojú rẹ fún ìsinmi.

¹⁸

¹⁹Dìde, kígbe sókè ní àsálẹ́, bí ìṣọ́ òru ti bẹ̀rẹ̀ tú ọkàn rẹ̀ jáde bí omi níwájú OLÚWA. Gbé ọwọ́ yín sókè sí i nítorí ẹ̀mí àwọn èwe rẹ̀ tí ó ń kú lọ nítorí ebi ní gbogbo oríta òpópó.

¹⁹

²⁰“Wòó, OLÚWA, kí o sì rò ó: Ta ni ìwọ ti fìyà jẹ bí èyí Ǹjẹ́ àwọn obìnrin yóò ha jẹ ọmọ wọn, àwọn ọmọ tí wọn ń se ìtọ́jú fún? Ǹjẹ́ kí a pa olórí àlùfáà àti àwọn wòlíì ní ibi mímọ́ OLÚWA?

²⁰

²¹“Ọmọdé àti àgbà ń sùn papọ̀ sínú eruku àwọn òpópó; àwọn ọ̀dọ́mọkùnrin àti ọ̀dọ́mọbìnrin mi ti ṣègbé nípa idà. Ìwọ pa wọ́n run ní ọjọ́ ìbínú rẹ; Ìwọ pa wọ́n láìní àánú.

²¹

²²“Bí ó ti ṣe ní ọjọ́ àṣè, bẹ́ẹ̀ ni ó ṣe fi ẹ̀rù sí ẹ̀gbẹ́ mi. Ní ọjọ́ ìbínú OLÚWA kòsí ẹni tí ó sálà tí ó sì yè; àwọn tí mo ti tọ́jú tí mo sì fẹ́ràn, ni ọ̀ta mi parun.”