Ìwé Sáàmù 136:1-26 BYB2014 - Bible AI

¹Ẹ fi ọpẹ́ fún OLÚWA nítorí tí ó ṣeun; nítorí tí àánú Rẹ̀ dúró láéláé.

²Ẹ fi ọpẹ́ fún Ọlọ́run àwọn ọlọ́run:

²nítorí tí àánú Rẹ̀ dúró láéláé.

³Ẹ fi ọpẹ́ fún OLÚWA àwọn OLÚWA,

³nítorí tí àánú Rẹ̀ dúró láéláé.

⁴Fún Òun nìkan tí ń ṣiṣẹ́ ìyanu ńlá;

⁴nítorí tí àánú Rẹ̀ dúró láéláé.

⁵Fún ẹni tí ó fi ọgbọ́n dá ọ̀run;

⁵nítorí tí àánú Rẹ̀ dúró láéláé.

⁶ⓐ Fún ẹni tí ó tẹ́ ilẹ̀ lórí omi;

⁶nítorí tí àánú Rẹ̀ dúró láéláé.

⁷ⓑ Fún ẹni tí ó dá àwọn ìmọ́lẹ̀ ńlá;

⁷nítorí tí àánú Rẹ̀ dúró láéláé

⁸Òòrùn láti jọba ọ̀sán;

⁸nítorí tí àánú Rẹ̀ dúró láéláé.

⁹Òsùpá àti ìràwọ̀ láti jọba òru;

⁹nítorí tí àánú Rẹ̀ dúró láéláé.

¹⁰ⓒ Fún ẹni tí ó kọlu Éjíbítì lára àwọn àkọ́bí wọn;

¹⁰nítorí tí àánú Rẹ̀ dúró láéláé.

¹¹ⓓ Ó sì mú Ísírẹ́lì jáde kúrò láàrin wọn;

¹¹nítorí tí àánú Rẹ̀ dúró láéláé.

¹²Pẹ̀lú ọwọ́ agbára àti apá nínà;

¹²nítorí tí àánú Rẹ̀ dúró láéláé.

¹³ⓔ Fún ẹni tí ó pín òkun pupa ní ìyà;

¹³nítorí tí àánú Rẹ̀ dúró láéláé.

¹⁴Ó sì mú Ísírẹ́lì kọjá láàrin Rẹ̀

¹⁴nítorí tí àánú Rẹ̀ dúró láéláé.

¹⁵Ṣùgbọ́n ó bi Fáráò àti ogun Rẹ̀ ṣubú nínú òkun pupa;

¹⁵nítorí tí àánú Rẹ̀ dúró láéláé.

¹⁶Fún ẹni tí ó sin àwọn ènìyàn Rẹ̀ la ihà já

¹⁶nítorí tí àánú Rẹ̀ dúró láéláé.

¹⁷Fún ẹni tí ó kọ lu àwọn ọba ńlá;

¹⁷nítorí tí àánú Rẹ̀ dúró láéláé.

¹⁸Ó sì pa àwọn ọba olókìkí

¹⁸nítorí tí àánú Rẹ̀ dúró láéláé.

¹⁹Síónì, ọba àwọn ará Ámórì

¹⁹nítorí tí àánú Rẹ̀ dúró láéláé.

²⁰Àti Ógù, ọba Báṣánì;

²⁰nítorí tí àánú Rẹ̀ dúró láéláé.

²¹Ó sì fi ilẹ̀ wọn fúnni ní ìní,

²¹nítorí tí àánú Rẹ̀ dúró láéláé.

²²Ìní fún Ísírẹ́lì, ìránṣẹ́ Rẹ̀,

²²nítorí tí àánú Rẹ̀ dúró láéláé.

²³Ẹni tí ó rántí wa ní ìwà ìrẹ̀lẹ̀ wa;

²³nítorí tí àánú Rẹ̀ dúró láéláé.

²⁴Ó sì dá wa ní ìdè lọ́wọ́ àwọn ọ̀tá wa;

²⁴nítorí tí àánú Rẹ̀ dúró láéláé.

²⁵Ẹni tí ó fi oúnjẹ fún àwọn ẹ̀dá gbogbo

²⁵nítorí tí àánú Rẹ̀ dúró láéláé.

²⁶Ẹ fi ọpẹ́ fún Ọlọ́run ọ̀run;

²⁶nítorí tí àánú Rẹ̀ dúró láéláé.