Ìwé Sáàmù 22:1-31 BYB2014 - Bible AI

¹ⓐ Ọlọ́run mi, Ọlọ́run mi, èéṣe tí ìwọ fi kọ̀ mí sílẹ̀? Èéṣe tí o fi jìnnà láti gbà mí là, àní sí igbe àwọn asọ̀ mi?

²Ọlọ́run mi, ní ọ̀sán gangan ni mo kígbe, ṣùgbọ́n ìwọ kò dá mi ní ohùn: àti ní òru èmi kò dákẹ́.

²

³Ṣùgbọ́n ṣíbẹ̀ ẹni mímọ́ ni ìwọ; ẹni tí ó tẹ ìyìn Ísírẹ́lì dó;

⁴Àwọn babańlá wa ní ìgbẹ́kẹ̀lé nínú un Rẹ; wọ́n ní ìgbẹ́kẹ̀lé, ìwọ sì gbà wọ́n.

⁵Ìwọ ni wọ́n sun ẹkún sí, wọ́n sì ní ìgbàlà; ìwọ ni wọ́n gbẹ́kẹ̀lé, a kò sì dójú tì wọ́n.

⁵

⁶Ṣùgbọ́n kòkòrò ní mo jẹ́ kì í sì í ṣe ènìyàn; mo di ẹlẹ́gàn àwọn ènìyàn ẹlẹ́yà àwọ́n ènìyàn

⁷Gbogbo àwọn tí ó rí mí fi mí ṣe ẹlẹ́yà; wọ́n yọ ètè ẹ̀gàn wọn sí mi, wọ́n sì ń mi orí i wọn pé.

⁸“Ó gbẹkẹ Rẹ̀ lé OLÚWA; jẹ́ kí OLÚWA gbà á là. Jẹ́ kí ó gbà a là, nítorí pé ó ni ayọ̀ nínú Rẹ̀.”

⁸

⁹Ṣíbẹ̀ ìwọ ni ó ti mú mi wá láti inú; ìwọ ni ó mú mi wà láìléwu nígbà tí mo rọ̀ mọ́ ọmú ìyá mi.

¹⁰Ìwọ ni a fi mí lé lọ́wọ́ láti inú ìyá mi wá nígbà tí ìyá a mí sì ti bí mi, ìwọ ni Ọlọ́run mi

¹¹Má ṣe jìnnà sími, nítorí pé ìyọnu sún mọ́ tòsí kò sì sí ẹnìkan tí yóò ṣe ìrànlọ́wọ́.

¹¹

¹²Ọ̀pọ̀ akọ màlúù yí mi ká; àwọn màlúù alágbára Báṣánì rọ̀gbà yí mi ká.

¹³wọ́n ya ẹnu wọn, si mi bí i kìn-nìún tí ń dọdẹ kiri tí ń ké ramúramù.

¹⁴A dà mí jáde gẹ́gẹ́ bí omi, gbogbo egungun mi ti yẹ̀ kúrò ní oríkèé Rẹ̀. Ọkàn mi sì dàbí i ìda; tí ó yọ́ láàrin inú un mi.

¹⁵Agbára mí ti gbẹ bí àpáàdì, ahọ́n mí sì ti lẹ̀ mọ́ párí ẹ̀rẹ̀kẹ́ ẹ mi; ìwọ ti tẹ́ mi sínú eruku ikú.

¹⁶Àwọn ajá yí mi ká; ọwọ́ àwọn ènìyàn ibi ti ka mi mọ́, Wọ́n gún mi lọ́wọ́, wọ́n sì gún mi lẹ́ṣẹ̀

¹⁷Mo lè ka gbogbo àwọn egungun mi; àwọn tìkára wọn ń wò, wọ́n dójú lé mi.

¹⁸Wọ́n pín aṣọ mi láàrin ara wọn àní lórí aṣọ mi ni wọ́n ṣẹ́ gègé.

¹⁸

¹⁹Ṣùgbọ́n ìwọ, OLÚWA, má ṣe jìnnà sí mi; Áà Olùrànlọ́wọ́ ọ̀ mi, yára wa fún àtìlẹ́yìn mi!

²⁰Gba ọkàn mi sílẹ̀ lọ́wọ́ idà, àní ẹ̀mí mi lọ́wọ́ agbára àwọn ajá.

²¹Gba ọkàn mi sílẹ̀ lọ́wọ́ ọ kìnnìún; Kí o sì gbà mí sílẹ̀ lọ́wọ́ ìwo àgbáǹréré.

²¹

²²Èmi yóò kéde orúkọ ọ̀ Rẹ láàrin arákùnrin àti arábìnrin mi; nínú ìjọ ni èmi yóò máa yìn ọ́.

²³Ẹ̀yin tí ẹ bẹ̀rù OLÚWA, ẹyìn-ín! Gbogbo ẹ̀yin ìran Jákọ́bù, ẹ fi ògo fún-un! ẹ dìde fún-un tẹ̀rù tẹ̀rù, ẹ̀yin irú ọmọ Ísírẹ́lì!

²⁴Nítorí pé òun kò ṣááta, bẹ́ẹ̀ ni kò sì kórìíra ìpọ́njú àwọn tí a ni lára; kò sì fi ojú Rẹ̀ pamọ́ fún mi ṣùgbọ́n ó gbọ́ nígbà tí mo ké pè é.

²⁴

²⁵Lati ọ̀dọ̀ Rẹ̀ ni ẹsẹ̀ ìyìn mi nínú àwùjọ ńlá yóò ti wá; ẹ̀jẹ́ Rẹ̀ ni èmi yóò san níwájú àwọn tí o bẹ̀rù Rẹ̀

²⁶talákà yóò jẹ yóò sì yó; àwọn tí n wá OLÚWA yóò yin jẹ́ kí ẹ̀mí Rẹ̀ wà láàyè títí ayárayé!

²⁷Gbogbo òpin ayé ni yóò rántí wọn yóò sì yípadà sí OLÚWA, àti gbogbo ìdílé orílẹ̀ èdè ni wọn yóò jọ́sìn níwájú Rẹ̀,

²⁸Nítorí ìjọba ni ti OLÚWA. Òun ni ó ń pàṣẹ lórí àwọn orílẹ̀ èdè.

²⁸

²⁹Bẹ́ẹ̀ náà ni gbogbo àwọn olówó ayé wọn yóò ṣe àṣè, wọn yóò sì sìn; gbogbo àwọn tí ó wọ inú ilẹ̀ lọ yóò kúnlẹ̀ ní iwájúu Rẹ̀ àti ẹni ti kò le pa ọkàn ara Rẹ̀ mọ́ ni ààyè.

³⁰Irú ọmọ Rẹ̀ yóò sìn-in; a ó sọ fún àwọn ìran tí ń bọ nípa OLÚWA,

³¹Wọn yóò polongo òdodo Rẹ̀ sí àwọn ọmọ tí a kò tí ì bí, wí pé òun ni ó ṣe èyí.