Ìwé Sáàmù 27:1-14 BYB2014 - Bible AI

¹OLÚWA ni ìmọ́lẹ̀ mi àti ìgbàlà mi; ta ni èmi yóò bẹ̀rù? OLÚWA ni ibi olódì ẹ̀mí mi, ta ni ẹni tí èmi yóò bẹ̀rù?

²Nígbà tí àwọn ènìyàn búburú kọjú ìjà sí mi láti jẹ ẹran ara mi, àní àwọn ọ̀ta mi àti àwọn abínúkú ù mi, wọn yóò kọsẹ̀, wọn yóò sì ṣubú.

³Bí ọmọ ogun tilẹ̀ yí mi ká tí wọ́n sì dìde sí mi, ọkàn mi kì yóò bẹ̀rù; bí ogun tilẹ̀ dìde sí mi, nínú èyí ni ọkàn mi yóò le.

³

⁴Ohun kan ni mo bèèrè nípasẹ̀ OLÚWA, òun ni èmi yóò máa wá kiri: kí èmi kí ó le wà ní ilé OLÚWA ní ọjọ́ ayé mi gbogbo, kí èmi: kí ó le kíyèsí ẹwà OLÚWA, kí èmi kí ó sì máa wà ní tẹ́ḿpìlì Rẹ.

⁵Nítorí pé ní ìgbà ìpọ́njú òun yóò pa mí mọ́ nínú àgọ́ Rẹ̀; níbi ìkọ̀kọ̀ àgọ́ Rẹ̀ ni òun yóò pa mí mọ́; yóò sì gbé mi sókè lórí àpáta.

⁶Ní ìsinsin yìí a ti gbé orí mi sókè ga ju ti àwọn ọ̀tá a mi lọ tí ó yí mí ká; èmi yóò rúbọ nínú àgọ́ Rẹ ẹbọ ariwo àti ti ayọ̀; èmi yóò kọrin àní orin dídùn sí OLÚWA.

⁶

⁷Gbọ́ ohùn mi nígbà tẹ́mi báà ń pè, Áà OLÚWA, ṣe àánú fún mi kí o sì dá mi lóhùn;

⁸“Wá,” ọkàn mi wí pé, “wá ojú u Rẹ̀” Ojú ù Rẹ, OLÚWA, ni èmí ń wá,

⁹Má ṣe fi ojú Rẹ pamọ́ kúrò lọ́dọ̀ mi, má ṣe fi ìbínú ṣá ìránṣẹ́ Rẹ tì; ìwọ tí o ti jẹ́ olùrànlọ́wọ́ mi, Má ṣe ju mi sílẹ̀, má si ṣe kọ̀ mí, áà Ọlọ́run ìgbàlà mi.

¹⁰Bí ìyá àti bàbá bá kọ̀ mí sílẹ̀, OLÚWA yóò tẹ́wọ́ gbà mí.

¹¹Kọ́ mi ní ọ̀nà Rẹ, OLÚWA, kí o sì sìn mi lọ sí ọ̀nà tí ó tẹ́jú nítorí àwọn ọ̀tá mi.

¹²Má ṣe fi mí lé ìfẹ́ àwọn ọ̀ta mi lọ́wọ́, nítorí àwọn ẹlẹ́rìí èké ti dìde sí mi, wọ́n sì mí ìmí ìkà.

¹²

¹³Èmi ní ìgbàgbọ́ pé èmi yóò rí ìre OLÚWA ní ilẹ̀ alààyè.

¹⁴Dúró de OLÚWA; kí ó jẹ alágbára, kí o sì mú ọkàn le àní dúró de OLÚWA.