Ìwé Sáàmù 29:1-11 BYB2014 - Bible AI

¹Ẹ fi fún OLÚWA, ẹ̀yin ìran ọ̀run, Ẹ fi fún OLÚWA, ògo àti agbára.

²Fi fún OLÚWA, àní ògo orúkọ Rẹ̀; sin OLÚWA nínú ẹwà ìwà mímọ́.

²

³Ohùn OLÚWA ré àwọn omi kọjá; Ọlọ́run ògo sán àrá, OLÚWA náà, alágbára ń bẹ lóríi omi púpọ̀.

⁴Ohùn OLÚWA ní agbára; ohùn OLÚWA kún fún ọláńlá.

⁵Ohùn OLÚWA fọ́ igi kédárì; OLÚWA náà ló fọ́ igi kédárì Lébánónì.

⁶Ó mú Lébánónì fo bí i ọmọ màlúù, àti Síríónì bí ọmọ àgbáǹréré.

⁷Ohùn OLÚWA ń ya bí ọwọ́ iná mọ̀nà

⁸Ohùn OLÚWA ń mi ihà. OLÚWA mi ihà Kádéṣì.

⁹Ohùn OLÚWA ní ó lọ igi óákù, ó n mú abo àgbọ̀rín bí ó sì bọ́ igi igbó sí ìhòòhò. àti nínú tẹ́ḿpìlì Rẹ̀ gbogbo ohùn wí pé “Ògo!”

⁹

¹⁰OLÚWA jókòó, Ó sì jọba lórí ìṣàn omi; OLÚWA jókòó lórí ìtẹ́ gẹ́gẹ́ bí ọba títí láéláé.

¹¹Kí OLÚWA fi agbára fún àwọn ènìyàn Rẹ̀; bùkún àwọn ènìyàn Rẹ̀ pẹ̀lú àlàáfíà.