Ìwé Sáàmù 31:1-24 BYB2014 - Bible AI

¹Nínú Rẹ̀, OLÚWA ni mo ti rí ààbò; Má ṣe jẹ́ kí ojú kí ó tì mí; gbà mí nínú òdodo Rẹ.

²Tẹ́ etí Rẹ sí mi, gbà mí kíákíá; jẹ́ àpáta ààbò mi, jẹ́ odi alágbára láti gbà mí.

³Ìwọ pàápàá ni àpáta àti ààbò mi, nítorì orúkọ Rẹ máa ṣe ìtọ́ mi tọ́ mi kí o sì ṣe amọ̀nà mi.

⁴Yọ mí jáde kúrò nínú àwọ̀n tí wọ́n dẹ pamọ́ fún mi, nítorí ìwọ ni ìsádi mi.

⁵Ní ọwọ́ Rẹ ni mo fi ẹ̀mí mi lé; ìwọ ni ó tí rà mí padà, OLÚWA, Ọlọ́run òtítọ́.

⁶Èmi ti kórìíra àwọn ẹni tí ń fi yè sí òrìṣà tí kò níye lórí; ṣùgbọ́n èmi gbẹ́kẹ̀lé OLÚWA.

⁷Èmi yóò yọ̀, inú mi yóò dùn nínú ìfẹ́ ńlá Rẹ, nítorí ìwọ ti rí ìbìnújẹ́ mi ìwọ ti mọ̀ ọkàn mi nínú ìpọ́njú.

⁸Pẹ̀lú ìwọ kò sì fà mi lé àwọn ọ̀tá lọ́wọ́ ìwọ ti fi ẹsẹ̀ mi lé ibi àyè ńlá.

⁸

⁹Ṣàánú fún mi, ìwọ OLÚWA, nítorí mo wà nínú ìpọ́njú; ojú mi fi ìbìnújẹ́ sùn, ọkàn àti ara mi pẹ̀lú.

¹⁰Èmi fi ìbànújẹ́ lo ọjọ́ mi àti àwọn ọdún mi pẹ̀lú ìmí ẹ̀dùn; agbára mi ti kùnà nítorí òṣì mi, egungun mi sì ti rún dànù.

¹¹Èmi di ẹni ẹ̀gàn láàrin àwọn ọ̀tá mi gbogbo, pẹ̀lú pẹ̀lú láàrin àwọn aládùúgbò mi, mo sì di ẹ̀rù fún àwọn ojúlùmọ̀ mi; àwọn tí ó rí mi ní òde ń yẹra fún mi.

¹²Èmi ti di ẹni ìgbàgbé kúrò ní ọkàn gẹ́gẹ́ bí ẹni tí ó ti kú; Èmi sì dàbí ohun èlò tí ó ti fọ́.

¹³ⓐ Nítorí mo gbọ́ ọ̀rọ̀ ẹ̀gàn ọ̀pọ̀lọpọ̀ ìpayà tí ó yí mi ká; tí wọn gbìmọ̀ pọ̀ sí mi, wọ́n sì ṣọ̀tẹ̀ sí mi láti gba ẹ̀mi mi.

¹³

¹⁴Ṣùgbọ́n èmí gbẹ́kẹ̀lé ọ, ìwọ OLÚWA Mo sọ wí pé, “Ìwọ ní Ọlọ́run mi.”

¹⁵Ìgbà mi ń bẹ ní ọwọ́ Rẹ; gbà mí kúrò ní ọwọ́ àwọn ọ̀tá mi àti àwọn onínúnibíni.

¹⁶Jẹ́ kí ojú ù Rẹ kí ó tan ìmọ́lẹ̀ sí ìrànṣẹ́ Rẹ lára; Gbà mí nínú ìfẹ́ẹ̀ Rẹ tí ó dúró ṣinṣin.

¹⁷Má ṣe jẹ́ kí á fi mí sínú ìtijú, OLÚWA; nítorí pé mo ké pè ọ́; jẹ́ kí ojú kí ó ti ènìyàn búburú; jẹ́ kí wọ́n lọ pẹ̀lú ìdààmú sí isà òkú.

¹⁸Jẹ́ kí àwọn ètè irọ́ kí ó dákẹ́ jẹ́ẹ́ pẹ̀lú ìgbéraga àti ìkẹ́gàn. wọ́n sọ̀rọ̀ àfojúdi sí olódodo.

¹⁸

¹⁹Báwo ni títóbi oore Rẹ̀ ti pọ̀ tó, èyí tí ìwọ ti ní ní ìpamọ́ fún àwọn tí ó bẹ̀rù Rẹ, èyí tí ìwọ rọ̀jò Rẹ̀ níwájú àwọn ènìyàn tí wọ́n fi ọ́ se ibi ìsádi wọn.

²⁰Ní abẹ́ ibòji iwájú Rẹ ni ìwọ pa wọ́n mọ́ sí kúrò nínú ìdìmọ̀lù àwọn ènìyàn; ní ibùgbé Rẹ o mú wọn kúrò nínú ewu kúrò nínú ìjà ahọ́n.

²⁰

²¹Olùbùkún ni OLÚWA, nítorí pé ó ti fi àgbà ìyanu ìfẹ́ tí ó ní sí mi hàn nígbà tí mo wà ní ìlú tí wọ́n rọ̀gbà yí ká.

²²Èmí ti sọ nínú ìdágìrì mi, “A gé mi kúrò ní ojú Rẹ!” Ṣíbẹ̀ ìwọ́ ti gbọ́ ẹ̀bẹ̀ mi fún àánú nígbà tí mo ké pè ọ́ fún ìrànlọ́wọ́.

²²

²³Ẹ fẹ́ OLÚWA, gbogbo ẹ̀yin ènìyàn Rẹ̀ mímọ́! OLÚWA pa olódodo mọ́, ó sì san-án padà fún agbéraga ní ẹ̀kún rẹ́rẹ́.

²⁴Jẹ́ alágbára, yóò sì mú yín ní àyà le gbogbo ẹ̀yin tí ó dúró de OLÚWA.