Ìwé Sáàmù 41:1-13 BYB2014 - Bible AI

¹Ìbùkùn ni fún ẹni tí ó ń rò ti aláìní: OLÚWA yóò gbà á ni ìgbà ìpọ́njú.

²OLÚWA yóò dààbò bòó yóò sí pa ọkàn Rẹ̀ mọ́: yóò bùkún fún-un ni orí ilẹ̀ kò sì ní fi sílẹ̀ fún ìfẹ́ àwọn ọ̀tá Rẹ̀.

³OLÚWA yóò gbà á lórí àkéte àìsàn Rẹ̀ yóò sì mú-un padà bọ̀ sípò kúrò nínú àìsàn Rẹ̀.

³

⁴Ní ti èmi, mo wí pé “OLÚWA, ṣàánú fún mí; wò mí sàn, nítorí pé mo ti ṣẹ̀ sí ọ”.

⁵Àwọn ọ̀ta mi ń sọ́rọ̀ mi nínú arankan, pé “Nígbà wo ni yóò kú ti orúkọ Rẹ̀ yóò sì run?”

⁶Nígbà kígbà tí ẹnìkan bá wá wò mí, wọn ń sọ̀rọ̀ ẹ̀tàn, nígbà tí àyà Rẹ̀ bá kó ẹ̀ṣẹ̀ jọ sí ara Rẹ̀; nígbà tí ó bá jáde lọ yóò sì máa tàn án kalẹ̀.

⁷Àwọn ọ̀tá mi gbìmọ̀ papọ̀ nípa mi; èmi ni wọn ń gbìmọ̀ ibi sí,

⁸wọ́n wí pé “Ohun búburú ni ó di mọ́-ọn sinsin àti ní ibi tí ó dùbúlẹ̀ sí, kì yóò dìde mọ́”.

⁹ⓐ Pàápàá ọ̀rẹ́ mi tímọ́tímọ́, ẹni tí mo gbẹ́kẹ̀lé, ẹni tí ó ń jẹ nínú oúnjẹ mi, tí gbé gìgíṣẹ̀ Rẹ̀ sókè sí mi.

⁹

¹⁰Ṣùgbọ́n ìwọ OLÚWA, ṣàánú fún mi; gbé mi sókè, kí ń ba lè san fún wọn.

¹¹Èmi mọ̀ pé inú Rẹ̀ dùn sí mi, nítorí ọ̀tá mi kò borí mi.

¹²Bí ó ṣe tèmi ni ìwọ dì mí mú nínú ìwà òtítọ́ mi ìwọ sì gbé mi kalẹ̀ níwájú Rẹ títí láé.

¹²

¹³Olùbùkún ni OLÚWA, Ọlọ́run Ísírẹ́lì láé àti láéláé. Àmín àti Àmín.