Ìwé Sáàmù 43:1-5 BYB2014 - Bible AI

¹Dámiláre, Ọlọ́run mi, kí o sì gba ọ̀rọ̀ mi rò lọ́dọ̀ àwọn orílẹ̀ èdè aláìwà-bí-Ọlọ́run: yọ mí kúrò lọ́wọ́ ẹlẹ́tàn àti àwọn ènìyàn búburú.

²Ìwọ ni Ọlọ́run ibi agbára mi. Èéṣe tí ìwọ fi kọ̀ mi sílẹ̀? Èéṣe tí èmi yóò máa rìn nínú ìbìnújẹ́, nítorí ìnilára lọ́dọ̀ àwọn ọ̀tá?

³Ran ìmọ́lẹ̀ àti òtítọ́ Rẹ jáde, jẹ́ kí wọn ó máa dààbò bò mí; jẹ́ kí wọn mú mi wá sí òkè mímọ́ Rẹ, sí ibi tí ìwọ ń gbé.

⁴Nígbà náà ní èmi o lọ sí ibi pẹpẹ Ọlọ́run, sí Ọlọ́run ayọ̀ mí àti ìdùnnú mi, èmi yóò yin ọ pẹ̀lú dùùrù, ìwọ Ọlọ́run, Ọlọ́run mi.

⁴

⁵Èéṣe tí o fi ń rẹ̀wẹ̀sì, ìwọ ọkàn mí? Èéṣe tí ó fi ń ru sókè nínú mi? Fi ìrètí Rẹ sínú Ọlọ́run, nítorí èmi yóò máa yìn ín, Òun ni Olùgbàlà mi àti Ọlọ́run mi.