Ìwé Sáàmù 49:1-20 BYB2014 - Bible AI

¹Ẹ gbọ́ èyí, gbogbo ènìyàn! Ẹ fi etí sí i, gbogbo ẹ̀yin aráyé

²Àti ẹni tí ó ga àti ẹni tí ó kéré talákà àti ọlọ́lá pẹ̀lú!

³Ẹnu mi yóò sọ̀rọ̀ ọgbọ́n ìsọ láti ọkàn mi yóò mú òye wá

⁴Èmi yóò yí etí mi sí òwe olókùn ni èmi yóò ṣi ọ̀rọ̀ ìkọ̀kọ̀ mí sílẹ̀ lójú okùn dùùrù.

⁴

⁵Èéṣé ti èmi yóò bẹ̀rù nígbà tí ọjọ́ ibi dé Nígbà tí àwọn ènìyàn búburú àti ayan nijẹ yí mi ká,

⁶Àwọn tí o gbẹ́kẹ̀lé ọrọ̀ wọn tí wọn sì ń ṣe ìlérí ni ọpọlọpọ ọrọ̀ wọn

⁷Kò sí ọkùnrin tí o le ra ẹ̀mí ẹnìkejì Rẹ̀ padà tàbí san owó ìràpadà fún Ọlọ́run.

⁸Nítorí ìràpadà fún ẹni jẹ iyebíye kò sì sí iye owó tó tó fún sísan Rẹ̀

⁹Níti ki ó máa wà títí ayé láì rí ìsà òkú.

⁹

¹⁰Nítorí ọ̀pọ̀ ènìyàn rí ọkùnrin ọlọ́gbọ́n tí ó kú bẹ́ẹ̀ ni aṣiwèrè àti aláìlọ́gbọ́n pẹ̀lú sègbé wọ́n sì fi ọrọ̀ wọn sílẹ̀ fún ẹlòmíràn

¹¹Ibojì wọn ni yóò jẹ́ ilé wọn láéláé ibùgbé wọn láti ìrandé ìran wọn sọ orúkọ ilẹ̀ wọn ní orúkọ ara wọn

¹²Ṣùgbọ́n ọkùnrin tí o wà nínú ọlá kò dúró pẹ́ o sì dàbí ẹranko tí o sègbé

¹³Èyí ni òtítọ́ àwọn ènìyàn tí o gbàgbọ́ nínú ara wọn, àti àwọn tí ń tẹ̀lé wọn, tí o gba ọ̀rọ̀ wọn.

¹³Sela

¹⁴Gẹ́gẹ́ bí àgùntàn ni a tẹ́ wọn sínú isà òkú ikú yóò jẹun lórí wọn; ẹni tí ó dúró ṣinṣin ní yóò jọba lórí wọn ní òwúrọ̀; Ẹwà wọn yóò díbàjẹ́ isà òkú ni ibùgbé ẹwà wọn.

¹⁵Ṣùgbọ́n Ọlọ́run yóò ra ọkàn mi padà kúrò nínú isà òkú yóò gbé mi lọ sọ́dọ̀ òun fún rara Rẹ̀.

¹⁵

¹⁶Má ṣe bẹ̀rù nígbà tí ẹnikan bá di ọlọ́rọ̀ Nígbà tí ìyìn ilé Rẹ̀ ń pọ̀ síi

¹⁷nítorí kì yóò mú òun kan dání nígbà tí ó bá kú, ògo Rẹ̀ kòní báa sọ̀kálẹ̀ sí ipò òkú

¹⁸Nígbà tí ó wà láyé, ó súre fún ọkàn ara Rẹ̀. Àwọn ènìyàn yìn ọ́ nígbà tí ìwọ ṣe rere

¹⁹Òun yóò lọ sí ọ̀dọ̀ ìran àwọn baba Rẹ àwọn tí ki yóò ri ìmọ́lẹ̀ ayé.

²⁰Ọkùnrin tí ó ní ọlá tí kò ní òye dàbí ẹranko tí ó ṣègbé.