Ìwé Sáàmù 5:1-12 BYB2014 - Bible AI

¹Fi etí sí ọ̀rọ̀ mi, OLÚWA, kíyèsí àròyé mi.

²Fi etí sílẹ̀ sí igbe mi fún ìrànlọ́wọ́, ọba mi àti Ọlọ́run mi, nítorí ìwọ ni mo gba àdúrà sí.

³Ní òwúrọ̀, OLÚWA, ìwọ yóò gbọ́ ohùn mi; ní òwúrọ̀ èmi yóò gbé ẹ̀bẹ̀ mi sí iwájú Rẹ̀ èmi yóò sì dúró ní ìrètí.

³

⁴Nítorí ìwọ kì í ṣe Ọlọ́run tí ó ní inú dídùn sí búburú; bẹ́ẹ̀ ni ẹni ibi kò le è bá ọ gbé.

⁵Àwọn agbéraga kò le è dúró níwájú Rẹ̀; ìwọ kóríra gbogbo àwọn aṣebi.

⁶Ìwọ yóò pa àwọn tí ń ṣe èké run; apani àti ẹni ẹ̀tàn ènìyàn ni OLÚWA yóò kórìíra.

⁶

⁷Ṣùgbọ́n èmi, nípa títóbi àánú Rẹ̀, èmi yóò wá sínú ilé Rẹ̀; ní tọ̀wọ̀tọ̀wọ̀ ni èmi yóò tẹríba sí ìhà tẹ́ḿpìlì mímọ́ Rẹ̀.

⁸Tọ́ mi, OLÚWA, nínú òdodo Rẹ, nítorí àwọn ọ̀ta mi, mú ọ̀nà Rẹ tọ́ níwájú mi.

⁸

⁹ⓐ Kò sí ọ̀rọ̀ kan ní ẹnu wọn tí a lè gbàgbọ́; ọkàn wọn kún fún ìparun. ọ̀nà ọ̀fun wọn ni iṣà òkú tí ó sí sílẹ̀; pẹ̀lú ahọ́n wọn ni wọ́n ń sọ ẹ̀tàn.

⁹

¹⁰Dá wọn lẹ́bi Ọlọ́run! Jẹ́ kí rìkísí wọn jẹ́ ìṣubú wọn. Lé wọn jáde nítorí ọ̀pọ̀lọpọ̀ ẹ̀ṣẹ̀ wọn, nítorí wọ́n ti ṣọ̀tẹ̀ sí ọ.

¹¹Ṣùgbọ́n jẹ́ kí gbogbo àwọn tí ó sádi ọ́ kí ó yọ̀; jẹ kí wọn máa kọrin fún ayọ̀ títí. Tan ààbò Rẹ sórí wọn, àti àwọn tí ó fẹ́ràn orúkọ Rẹ yóò máa yọ̀ nínú Rẹ.

¹²Dájúdájú, OLÚWA, ìwọ bùkún olódodo; ìwọ fi ojú rere Rẹ yí wọn ká bí àṣà.