Ìwé Sáàmù 69:1-36 BYB2014 - Bible AI

¹Gbàmí, Ọlọ́run, nítorí omi tí kún dé ọrùn mi.

²Mo ń rì nínú ìrà jínjìn, níbi tí kò sí ibi ìfẹsẹ̀lé. Mo ti wá sínú omi jínjìn; ìkún omi bò mí mólẹ̀.

³Agara dá mi, mo ń pè fún ìrànlọ́wọ́; ọ̀fun mí gbẹ, ojú mi ṣú, nígbà ti èmi dúró de Ọlọ́run mi

⁴ⓐ Àwọn tí ó kórìíra mi láìnídìí wọn ju irun orí mi; lọ púpọ̀ ni àwọn ọ̀tá mi láìnídìí, àwọn tí ń wá láti pa mí run A fi ipá mú mi láti san ohun tí èmi kò jí.

⁴

⁵Ìwọ mọ òmùgọ̀ mi, Ọlọ́run; ẹ̀bi mi kò pamọ́ lójú Rẹ.

⁶Má ṣe dójú tì àwọn tí ó ní ìrètí nínú Rẹ nítorí mi, OLÚWA, Ọlọ́run àwọn ọmọ ogun; Má ṣe jẹ́ kí àwọn tó ń wá ọ dààmú nítorí mi, Ọlọ́run Ísírẹ́lì.

⁷Nítorí Rẹ ni mo ń ru ẹ̀gàn, ìtìjú sì bo ojú mi.

⁸Mo jẹ́ àjèjì si àwọn arákùnrin mi; àlejò sí àwọn arákùnrin ìyá mi;

⁹ⓑ Nítorí ìtarà ilé Rẹ jẹ mí run, àti ẹ̀gàn àwọn tí ń gàn ọ́ ṣubú lù mí.

¹⁰Nígbà tí mo sunkún tí mo sì ń fi ààwẹ̀ jẹ ara mi ní ìyà èyí náà sì dín ẹ̀gàn mi kù;

¹¹Nígbà tí mo wọ aṣọ àkísà, àwọn ènìyàn ń pòwe mọ́ mi.

¹²Àwọn tí ó jòkòó ní ẹnu ibodè ń bú mi, mo sì di orin àwọn ọ̀mùtí.

¹²

¹³Ṣùgbọ́n bí ó ṣe ti èmi ni ìwọ ni èmi n gbàdúrà mi sí OLÚWA, ní ìgbà ìtẹ́wọ́gbà Ọlọ́run, nínú ìfẹ́ títóbi Rẹ, dá mí lóhùn pẹ̀lú ìgbàlà Rẹ tí ó dájú.

¹⁴Gbá mí kúrò nínú ẹrẹ̀, Má ṣe jẹ́ kí ń rí; gbà mí lọ́wọ́ àwọn tí o korìíra mi, kúrò nínú ibú omi.

¹⁵Má ṣe jẹ́ kí ìkún omi bò mí mọ́lẹ̀ bẹ́ẹ̀ ni má ṣe jẹ́ kí ọ̀gbìn gbé mi mì kí o má sì ṣe jẹ́ kí ihò pa ẹnu Rẹ̀ dé mọ́ mi.

¹⁶Dá mí lóhùn, OLÚWA nínú ìṣeun ìfẹ́ Rẹ; nínú ọ̀pọ̀ àánú Rẹ yípadà sí mi.

¹⁷Má ṣe pa ojú Rẹ mọ́ fún ọmọ ọ̀dọ̀ Rẹ: yára dá mi lóhùn, nítorí mo wà nínú ìpọ́njú.

¹⁸Súnmọ́ tòsí kí ó sì gbà mí là; rà mí padà nítorí àwọn ọ̀ta mi.

¹⁸

¹⁹Ìwọ tí mọ ẹ̀gàn mi, ìtìjú mi àti àìlọ́lá; Gbogbo àwọn ọ̀ta mi wà níwájú Rẹ̀.

²⁰Ẹ̀gàn ba ọkàn mi jẹ́ wọ́n fi mí sílẹ̀ láìsí ìrànlọ́wọ́ Mo ń wá aláàánú, ṣùgbọ́n kò sí, mo ń wá olùtùnú, Ṣùgbọ́n n kò rí ẹnìkankan.

²¹Wọ́n fi òróró fún mi pẹ̀lú ohun jíjẹ mi, àti ní òungbẹ mi, wọn fi ọtí kíkan fún mi.

²¹

²²Jẹ́ kí tábìlì wọn kí ó dí ìkẹ́kùn ni iwájú wọn, kí ó sì di okùn dídẹ fún àwọn tó wà ní àlàáfíà.

²³Kí ojú wọn kií ó ṣókùnkùn kí wọ́n má ṣe ríran, kí eyín wọn di títẹ̀ títí láé.

²⁴ⓒ Tú ìbínú Rẹ jáde sí wọn; kí ìbínú gbígbóná Rẹ bò wọ́n mọ́lẹ̀.

²⁵ⓓ Kí ibùjókòó wọn di ahoro; kí ẹnikẹ́ni má ṣe gbé nínú wọn.

²⁶Nítorí wọ́n ń ṣe inúnibíni sí ẹni tí ìwọ ti lù, àti ìrora àwọn tí ó ti ṣèṣe

²⁷Fi ẹ̀sùn kún ẹ̀sùn wọn; Má ṣe jẹ́ kí wọn pín nínú ìgbàlà Rẹ.

²⁸ⓔ Jẹ́ kí a yọ wọ́n kúrò nínú ìwé ìyè kí á má kà wọn pẹ̀lú àwọn olódodo.

²⁸

²⁹Ṣùgbọ́n talákà àti ẹni-ìkáánú ni èmí, Ọlọ́run, jẹ́ kí ìgbàlà Rẹ gbé mi lékè.

²⁹

³⁰Èmi yóò fi orin gbé orúkọ Ọlọ́run ga èmi yóò fí ọpẹ́ gbé orúkọ Rẹ̀ ga.

³¹Eléyìí tẹ Ọlọ́run lọ́rùn ju ọ̀dá màlúù lọ ju akọ màlúù pẹ̀lú ìwo Rẹ̀ àti bàtà Rẹ̀.

³²Àwọn òtòsì yóò rí wọn yóò sì yọ̀: Ẹ̀yin yóò wá Ọlọ́run, ọkàn yin yóò sì wà láàyè!

³³OLÚWA, gbọ́ ti aláìní kí o sì kọ àwọn ìgbèkùn sílẹ̀.

³³

³⁴Kí ọ̀run àti ayé yìn ín, òkun àti àwọn tí ń gbé inú Rẹ̀,

³⁵Nítorí tí Ọlọ́run yóò gba Síónì là yóò sì tún àwọn ìlú Júdà wọ̀nyí kọ́. Kí wọn ó lè máa gbé ibẹ̀, kí wọn ó lè máa níi ni ilẹ̀ ìní

³⁶Àwọn ọmọ ọmọ ọ̀dọ̀ ni yóò máa jogún Rẹ̀, àwọn ti ó fẹ́ orúkọ Rẹ ní yóò máa gbé inú Rẹ̀.