Ìwé Sáàmù 71:1-24 BYB2014 - Bible AI

¹Nínú Rẹ̀, OLÚWA, ní mo ní ààbò; Má ṣe jẹ́ kí ojú kí ó tì mí.

²Gbà mí kí ó sì tú mi sílẹ̀ nínú òdodo Rẹ; kọ etí Rẹ sími kí o sì gbà mí.

³Jẹ́ àpáta ààbò mi, nibi tí èmi lè máa lọ pa àṣẹ láti gbà mí, nítorí ìwọ ni àpáta àti asà mi.

⁴Gbà mí, Ọlọ́run mi, lọ́wọ́ àwọn olùṣe búburú, ní ọwọ́ aláìsòdodo àti ìkà ọkùnrin.

⁴

⁵Nítorí ìwọ jẹ́ ìrètí mi, OLÚWA Ọlọ́run, ìwọ ni ìgbẹ́kẹ̀lé mí láti ìgbà èwe

⁶Mo gbẹ́kẹ̀lé ọ láti ìgbà ìbí mi; Ìwọ mu mi jáde láti inú ìyá mi wá èmi ó máa yìn ọ títí láé

⁷Mo di ẹni ìyanu fún ọ̀pọ̀ ènìyàn, ṣùgbọ́n ìwọ ni ààbò mi tí ó lágbára.

⁸Ìyìn Rẹ̀ kún ẹnu mi, o ń sọ ti ọlá Rẹ̀ ní ọjọ́ gbogbo.

⁸

⁹Má ṣe ta mí nù ni ọjọ́ ogbó mi Má ṣe kọ̀ mí sílẹ̀ nígbà tí kò sí okun mọ́

¹⁰Nítorí àwọn ọ̀tá mi ń sọ̀rọ̀ òdì sí mi àwọn tí wọn dúró láti pa mí gbìmọ̀ pọ̀

¹¹Wọ́n wí pé, “Ọlọ́run ti kọ̀ ọ́ sílẹ̀; lépa Rẹ̀ kí ẹ sì mu nítorí kò sí ẹni tí yóò gbà á.”

¹²Má ṣe jìnnà sí mi, Ọlọ́run; wa kánkán, Ọlọ́run mi, láti rànmí lọ́wọ́.

¹³Jẹ́ kí wọn kí ó dààmú kí a sì run àwọn tí ń ṣe ọ̀tá ọkàn mi kí a sì fi ẹ̀gàn àti àbùkù bò àwọn tí ń wá ìpalára mi.

¹³

¹⁴Ṣùgbọ́n ní tèmí, ìgbà gbogbo ní ìrètí mi; èmi ó yìn ọ́ síwájú àti síwájú sì i.

¹⁵Ẹnu mí yóò sọ nípa ti òdodo Rẹ, ti ìgbàlà Rẹ ni gbogbo ọjọ́ lóòtọ́, èmi kò mọ́ iye Rẹ̀.

¹⁶Èmi ó wá láti wá kéde agbára OLÚWA Ọlọ́run; èmi ó kéde òdodo Rẹ̀ nìkan.

¹⁷Láti ìgbà èwe, Ọlọ́run ni ìwọ tí kọ́ mí títí di òní ni mo ń sọ ti iṣẹ́ ìyanu Rẹ̀.

¹⁸Pẹ̀lúpẹ̀lú, nígbà tí ẹnu di arúgbó tán tí mo sì hewú, Má ṣe kọ̀ mí sílẹ̀, Ọlọ́run títí tí èmi o fi ipá re han ìran yìí àti agbára Rẹ fún gbogbo àwọn ará ẹ̀yìn, sọ ti agbára sí ìran tí ń bọ̀ agbára Rẹ̀ fún àwọn tí yóò wá.

¹⁸

¹⁹Ọlọ́run, Òdodo Rẹ̀ dé ọ̀run, ìwọ tí ó ti ṣe ohun ńlá Ta ni, Ọlọ́run, tí o dà bí i Rẹ?

²⁰Pẹ̀lúpẹ̀lú ìwọ ti mú mi rí ìdààmú, tí o pọ̀ tí ó sì korò, ìwọ yóò tún sọ ayé mi jí ìwọ yóò sì tún mú mi sọ sókè láti ọ̀gbun ilẹ̀ wá. Ìwọ yóò sọ ọlá mi di púpọ̀

²¹Ìwọ yóò fi kún ọwọ́ mi ìwọ yóò tù mí nínú ní hà gbogbo.

²¹

²²Èmi yóò fi dùùrù mi yìn fún òtítọ́ Rẹ, Ọlọ́run mi; èmi ó kọrin ìyìn sí ọ pẹ̀lú dùùrù ìwọ ẹni mímọ́ Ísírẹ́lì.

²³Ètè mi yóò kígbe fún ìyìn nígbà tí mo bá kọrín ìyìn sí ọ: èmi, ẹni tí o ràpadà.

²⁴Ahọ́n mí yóò sọ ti òdodo Rẹ ní gbogbo ọjọ́, fún àwọn tí ó fẹ́ pa mí lára a sì dójúti àwọn tí ń wá ìdààmú mi.