Ìwé Sáàmù 79:1-13 BYB2014 - Bible AI

¹Ọlọ́run àwọn orílẹ̀ èdè ti wà ilẹ̀ ìní Rẹ; wọn ti bá tẹ́ḿpìlì mímọ́ Rẹ jẹ́, wọn di Jérúsálẹ́mù kù sí òkìtì àlàpà.

²Wọn ti fi ara òkú àwọn ìránṣẹ́ Rẹ̀ fún àwọn ẹyẹ ojú ọ̀run ní oúnjẹ, ẹran ara àwọn ènìyàn mímọ́ Rẹ̀ fún ẹranko ilẹ̀.

³Wọ́n tú ẹ̀jẹ̀ jáde gẹ́gẹ́ bí omi yí Jérúsálẹ́mù ká, kò sì sí àwọn tí yóò sìn wọ́n.

⁴Àwa di ohun ẹ̀gàn sí àwọn tí o yí wa ká, àbùkù àti ìfiṣe ẹlẹ́yà sí àwọn tí ó yí wá ká.

⁴

⁵Nígbà wo, OLÚWA? Ní ìwọ o máa bínú títí láé? Yóò ti pẹ́ tó ti òwú Rẹ̀ yóò ha jò bi iná?

⁶Tú ìbínú Rẹ̀ jáde sí orílẹ̀-èdè tí kò ní ìmọ̀ Rẹ, lórí àwọn ìjọba tí kò pe orúkọ Rẹ;

⁷Nítorí wọ́n ti run Jákọ́bù wọ́n sì sọ ibùgbé Rẹ̀ di ahoro

⁸Má ṣe ka ẹ̀ṣẹ̀ àwọn baba wa sí wa lọ́rùn jẹ́ kí àánú Rẹ yà kánkán láti bá wa, nítorí ti a Rẹ̀ wá sílẹ̀ gidigidi.

⁸

⁹Ràn wá lọ́wọ́, Ọlọ́run Olùgbàlà wa, fún ògo orukọ Rẹ; gbà wá kí o sì dárí ẹ̀ṣẹ̀ wa jìn nítorí orúkọ Rẹ.

¹⁰Àwọn orílẹ̀ èdè yóò sì máa wí pé, “Níbo ni Ọlọ́run wọn wà?” ní ojú wa. Kí a mọ̀ láàrin àwọn orílẹ̀ èdè kí ó sì gbẹ̀san àwọn ẹ̀jẹ̀ ìránṣẹ́ Rẹ̀ tí a tú jáde.

¹¹Jẹ́ kí ìmí ẹ̀dùn oǹdè náà wá ṣíwájú Rẹ, gẹ́gẹ́ bí títóbi agbára Rẹ ìwọ ṣe ìtọ́jú àwọn ti a dá lẹ́bí ikú.

¹²San án padà sí àyà àwọn aládùúgbò wa nígbà méje nípa ẹ́gàn tí wọn tí gàn ọ́ OLÚWA.

¹³Nígbà náà àwa ènìyàn Rẹ, àgùntàn pápá Rẹ, yóò fi ọpẹ́ fún ọ títí láé; láti ìran dé ìran ni àwa ó fi ìyìn Rẹ hàn.