Ìwé Sáàmù 84:1-12 BYB2014 - Bible AI

¹Ibùgbé Rẹ̀ ti lẹ́wà tó, OLÚWA Olódùmarè!

²Ọkàn mí ń fà nítòótọ́ ó tilẹ̀ pòùngbẹ fún àgbàlá OLÚWA àyà mi àti ara mi ń kọrin ayọ̀ sí Ọlọ́run alààyè.

²

³Nítòotọ́ ologóṣẹ ri ilé, ẹyẹ alápáǹdẹ̀dẹ̀ tẹ́ ìtẹ́ fún ara r, níbi tí yóò máa pá ọmọ Rẹ̀ mọ́ sí: ibùgbé ní tòsí pẹpẹ Rẹ, OLÚWA àwọn ọmọ-ogun, ọba mí àti Ọlọ́run mi.

⁴Ìbùkún ní fún àwọn tí ó ń gbé inú ilé Rẹ; wọn o máa yìn ọ́ títí láé.

⁵Ìbùkún ní fún àwọn tí agbára wọn wà nínú Rẹ àwọn tí wọ́n gbé ọkàn lé bíbẹ ibi mímọ́ wò.

⁶Àwọn tí ń la àfonífojì omije lọ wọn sọ ọ́ di kànga àkọ́rọ̀ òjò sì fi ìbùkún bò ó;

⁷Wọ́n ń lọ láti ipa dé ipá títí tí ọ̀kọ̀kan fi farahàn níwájú Ọlọ́run ní Síónì.

⁷

⁸Gbọ́ àdúrà mi, OLÚWA Ọlọ́run Alágbára; tẹ́tí sí mi, Ọlọ́run Jákọ́bù.

⁹Wo àsà wa, Ọlọ́run; fi ojú àánú wò àwọn ẹni àmì òroro Rẹ.

⁹

¹⁰Dídára ní ọjọ́ kan ní ààfin Rẹ ju ẹgbẹ̀rún ọjọ́ lọ; èmi o kúkú máa ṣe aṣọ́nà nínú ilé Ọlọ́run mi ju láti gbé ní àgọ́ àwọn ènìyàn búburú.

¹¹Nítorí OLÚWA Ọlọ́run jẹ́ òòrun àti àṣà; OLÚWA fúnni ní ojúrere àti ọlá; kò sí ohun rere kan tí yóò fàsẹ́yìn dádúró fún àwọn tí o rin ní aílábùkù.

¹¹

¹²OLÚWA àwọn ọmọ-ogun, ìbùkún ni fún ọkùnrin náà tí ó gbẹ́kẹ̀lé ọ.