Ìwé Wòlíì Àìsáyà 27:1-13 BYB2014 - Bible AI

¹Ní ọjọ́ náà, OLÚWA yóò fi idà rẹ̀ jẹni níyà idà rẹ̀ amúbí-iná tí ó tóbi tí ó sì lágbára Lẹ́fíátanì ejò tí ń yọ̀ tẹ̀ẹ̀rẹ̀ n nì, Lẹ́fíátanì ejò tí ń lọ́ bìrìkìtì; Òun yóò sì pa ewèlè inú òkun náà.

²Ní ọjọ́ náà “Kọrin nípa ọgbà-àjàrà eléso kan.

³ÈMI OLÚWA ń bojú tó o, Mo ń bomirin ín láti ìgbàdégbà. Mò ń sọ́ ọ tọ̀sán tòru kí ẹnikẹ́ni má ba à pa á lára.

⁴Inú ò bí mi. Bí ẹ̀gún àti ẹ̀wọ̀n bá dojú ìjà kọ mí! Èmi yóò dìde sí wọn ní ogun; Èmi yóò sì dáná ṣun gbogbo wọn.

⁵Bí bẹ́ẹ̀ kọ́, jẹ́ kí wọn wá sọ́dọ̀ mi fún ààbò; jẹ́ kí wọ́n wá àlàáfíà pẹ̀lúu mi, bẹ́ẹ̀ ni, jẹ́ kí wọn wá àlàáfíà pẹ̀lúu mi.”

⁵

⁶Ní ọjọ́ iwájú Jákọ́bù yóò ta gbòǹgbò, Ísírẹ́lì yóò tanná yóò sì rudi èṣo rẹ̀ yóò sì kún gbogbo ayé.

⁶

⁷Ǹjẹ́ OLÚWA ti lù ú gẹ́gẹ́ bí ó ti lu àwọn tí ó lù ú bolẹ̀? Ǹjẹ́ a ti pa á gẹ́gẹ́ bí a ti pa àwọn tí ó pa á?

⁸Nípa ogun-jíjà àti lílé nílùú ni ó fi dojú kọ ọ́ pẹ̀lú ìjì gbígbóná ni ó lé e jáde, gẹ́gẹ́ bí ọjọ́ tí afẹ́fẹ́ ìlà oorùn fẹ́

⁹Nítorí èyí báyìí ni ètùtù yóò ṣe wà fún ẹ̀ṣẹ̀ Jákọ́bù, èyí ni yóò sì jẹ́ èṣo kíkún ti ìmúkúrò ẹ̀ṣẹ̀ rẹ: Nígbà tí ó bá mú kí àwọn òkúta pẹpẹ dàbí òkúta ẹfun tí a fọ́ sí wẹ́wẹ́, kì yóò sí ọ̀pá Áṣérà tàbí pẹpẹ tùràrí tí yóò wà ní ìdúró.

¹⁰Ìlú olódi náà ti dahoro, ibùdó ìkọ̀sílẹ̀, tí a kọ̀tì gẹ́gẹ́ bí aṣálẹ̀; níbẹ̀ ni àwọn ọmọ màlúù ti ń jẹko níbẹ̀ ni wọn ń sùn sílẹ̀; wọn sì jẹ gbogbo ẹ̀ka rẹ̀ tán.

¹¹Nígbà tí àwọn ẹ̀ka rẹ̀ gbẹ, a kán wọn dànù àwọn obìnrin wá wọ́n, sì fi wọ́n dáná nítorí àwọn ènìyàn tí òye kò yé ni wọ́n jẹ́; Nítorí náà ni Ẹlẹ́dàá wọn kò ṣe yọ́nú sí wọn. Ẹlẹ́dàá wọn kò sì síjú àánú wò wọ́n.

¹²Ní ọjọ́ náà OLÚWA yóò sì kó ooré láti ìṣàn omi Éúfírétì wá títí dé Wádì ti Éjíbítì, àti ìwọ, ìwọ ọmọ Ísírẹ́lì, ni a ó kójọ ní ọ̀kọ̀ọ̀kan.

¹³ⓐ Àti ní ọjọ́ náà, a ó fun fèrè ńlá kan. Gbogbo àwọn tí ń ṣègbé lọ ní Ásíríà àti àwọn tí ń ṣe àtìpó ní Éjíbítì yóò wá sin OLÚWA ní òkè mímọ́ ní Jérúsálẹ́mù.