Ìwé Wòlíì Ámósì 6:1-14 BYB2014 - Bible AI

¹Ègbé ni fún ẹ̀yin tí ará rọ̀ ní Síónì àti ẹ̀yin tí ẹ wà ní abẹ́ ààbò ní òkè Samaríà àti ẹ̀yin olókìkí orílẹ̀-èdè tí ẹ̀yin ènìyàn Ísírẹ́lì máa ń tọ̀ ọ́ wá

²Ẹ lọ Kálínì kí ẹ lọ wò ó Kí ẹ sí tí ibẹ̀ lọ sí Ámátì ìlú ńlá a nì. Kí ẹ sì tún sọ̀kalẹ̀ lọ Gátì ní ilẹ̀ Fílístínì Ǹjẹ́ wọ́n ha dára ju ìpínlẹ̀ yín méjèèjì lọ? Ǹjẹ́ a ha rí ilẹ̀ tó tóbi ju ti yín lọ bí?

³Ẹ̀yin sún ọjọ́ ibi síwájú, ẹ sì mú ìjọba òǹrorò súnmọ́ tòòsí

⁴Ẹ̀yin sùn lé ibusùn tí a fi eyín erin ṣe Ẹ sì tan ara sílẹ̀ ni orí àwọn ibùsùn Ẹ̀yin pa èyí tí o dára nínú àwọn ọ̀dọ́ àgùntàn yín jẹ Ẹ sì ń pa àwọn ọ̀dọ́ màlúù láàrin agbo wọn jẹ

⁵Ẹ̀yin ń lo ohun èlò orin bí i Dáfídì Ẹ sì ń ṣe àwọn àpilẹ̀rọ̀ àwọn ohun èlò orin

⁶Ẹ̀yín mu wáìnì ẹ̀kún ọpọ́n kan àti ìkunra tí o dára jùlọ Ṣùgbọ́n ẹ̀yin kò káànú ilé Jósẹ́fù tí o di ahoro

⁷Nitorí náà, àwọn ni yóò lọ sí ìgbèkùn pẹ̀lú àwọn tí ó ti kó lọ sí ìgbèkùn àwẹ̀jẹwẹ̀mú àwọn tí ń ṣe àṣelékè ni a ó mú kúrò

⁸OLÚWA ọ̀gá ògo ti búra fúnra rẹ̀ OLÚWA Ọlọ́run alágbára sì ti wí pé: “Mo kórìíra ìgbéraga Jákọ́bù n kò sì ní inú dídùn sí odi alágbára rẹ̀ Èmi yóò sì fa ìlú náà lé wọn lọ́wọ́ àti ohun gbogbo tí ó wà nínú rẹ̀.”

⁹Bí Ọkùnrin mẹ́wàá bá sẹkù nínú ile kan, àwọn náà yóò kú

¹⁰Bí ẹbí tí ó yẹ kí ó gbé òkú wọn jáde fún sínsin bá wọlé, bí o ba sì béérè pé ǹjẹ́ ẹnìkan wa tí ó farapamọ́ níbẹ̀, “Njẹ ẹnìkankan wà lọ́dọ̀ yín?” tí ó bá sì dáhùn wí pé, “Rárá,” nígbà náà ni yóò wí pé, “Pa ẹnu rẹ mọ́ àwa kò gbọdọ̀ dárúkọ OLÚWA.”

¹¹Nítorí OLÚWA tí pa àṣẹ náà, Oun yóò sì wó ilé ńlá náà lulẹ̀ túútúú Àti sísán kọlu ilé kékèké.

¹²Ǹjẹ́ ẹṣin a máa sáré lórí àpáta bí? Ǹjẹ́ ènìyàn a máa fi ẹṣin kọ́ ni lórí àpáta bí? Ṣùgbọ́n ẹ̀yin ti yí ọ̀títọ́ padà sí májèlé Ẹ sì ti sọ èso òdodo di ìkorò.

¹³Ẹ̀yin yọ̀ torí ìṣẹ́gun lórí Lódábárì Ẹ̀yin sì wí pé, “Ṣé kì í se agbára wa ni àwa fi gba Kánáímù?”

¹³

¹⁴Nítorí OLÚWA Ọlọ́run alágbára wí pé, “Èmi yóò gbé orílẹ̀-èdè kan dìde sí ọ ìwọ Ísírẹ́lì, tí yóò máa ni ọ́ lára ní gbogbo ọ̀nà láti ẹnu ọ̀nà ìwọlé Hámátì títí dé àfonífojì aginjù.”