Ìwé Wòlíì Hábákúkù 3:1-19 BYB2014 - Bible AI

¹Àdúrà wòlíì Hábákúkù gẹ́gẹ́ bí sígónótì.

²OLÚWA mo tí gbọ́ ohùn rẹ; ẹrú sì ba mi fún iṣẹ́ rẹ OLÚWA ṣọ wọn di ọ̀tún ní ọjọ́ ti wa, ní àkókò tiwa, jẹ́ kó di mímọ̀; ni ìbínú, rántí àánú.

³Ọlọ́run yóò wa láti Témánì, Ibi mímọ́ jùlọ láti Òkè Páránì ògo rẹ̀ sí bo àwọn ọ̀run, Ilé ayé sì kún fún ìyìn rẹ

⁴Dídán rẹ ṣí dàbí ìmọ́lẹ̀; Ìmọ́lẹ̀ kọ-ṣàn-án láti ọwọ́ rẹ wá, níbi tí wọn fi agbára rẹ̀ pamọ́ sí.

⁵Àjàkálẹ̀ àrùn ń lọ ni iwájú rẹ; ìyọnu ṣí ń tọ ẹsẹ̀ rẹ lọ.

⁶Ó dúró, ó sì mi ayé; ó wò, ó sì mú àwọn orílẹ̀-èdè wárìrì a sì tú àwọn òkè-ńlá ayérayé ká, àwọn òkè kéékèèkéé ayérayé sì tẹríba: ọ̀nà rẹ ayérayé ni.

⁷Mo rí àgọ́ Kúṣánì nínú ìpọ́njú àti àwọn ibùgbé Mídíanì nínú ìrora.

⁷

⁸Ǹjẹ́ ìwọ ha ń bínú sí àwọn Odò nì, OLÚWA? Ǹjẹ́ ìbínú rẹ wa lórí àwọn odò síṣàn bí? Ìbínú rẹ ha wá sórí òkun tí ìwọ fi ń gún ẹṣin, àti kẹ̀kẹ́ ìgbàlá rẹ?

⁹Ìwọ kò bo ọrun rẹ, o sì pè fún ọ̀pọ̀lọ́pọ̀ ọfà ìwọ sì pín ayé níyà pẹ̀lú odò.

¹⁰Àwọn òkè-ńlá ri ọ wọn ṣì wárìrì àgbàrá òjò ń ṣàn án kọjá lọ; ibú ń ké ramúramù ó sì gbé irú omi sókè.

¹⁰

¹¹Òòrùn àti Òṣùpá dúró jẹ́ẹ́jẹ́ẹ́ ni ibùgbé wọn, pẹ̀lú ìmọ́lẹ̀ ọfà rẹ ni wọn yára lọ, àti ni dídán ọ̀kọ̀ rẹ ti ń kọ mànà.

¹²Ní ìrúnú ni ìwọ rin ilẹ̀ náà já, ní ìbínú ni ìwọ tí tẹ́ àwọn orílẹ̀-èdè rẹ.

¹³Ìwọ jáde lọ láti tú àwọn ènìyàn rẹ sílẹ̀, àti láti gba ẹni àmì òróró rẹ là; Ìwọ ti run àwọn olórí kúrò nínú ilẹ̀ àwọn ènìyàn búburú, fifi ìpìlẹ̀ hàn títí dé ọrùn

¹⁴pẹ̀lú ọ̀kọ̀ rẹ̀ kí ó fi gún orí rẹ nígbà tí àwọn jagunjagun rẹ̀ jáde láti tú wá ká: ayọ̀ wọn sì ni láti jẹ talákà run ní kọ̀kọ̀.

¹⁵Ìwọ fi ẹṣin rẹ rìn òkun já, O tẹ òkun mọ́lẹ̀ pẹ̀lú ẹṣin rẹ̀, ìwọ fi àwọn ẹsin rẹ̀ rin òkun já, ó sì mu omi ńlá jáde okiki omi ńlá

¹⁵

¹⁶Mo gbọ́, ọkàn mi sì wárìrì, ètè mi sì gbọ̀n sí ìró náà; ìbàjẹ́ sì wọ inú egungun mi lọ, ẹ̀sẹ̀ mi sì wárìrì, mo dúró ni ìdákẹ́jẹ́ fún ọjọ́ ìdààmú láti de sórí àwọn ènìyàn tó ń dojúkọ wá.

¹⁷Bí igi ọ̀pọ̀tọ́ ko tilẹ̀ tanná, tí èso kò sí nínú àjàrà; tí iṣẹ igi olifi yóò jẹ́ àṣedànù, àwọn oko ki yóò sì mú oúnjẹ wá; tí a ṣi ke agbo ẹran kúrò nínú agbo, tí ki yóò sì sí ọwọ́ ẹran ni ibùsọ̀ mọ́,

¹⁸ṣùgbọ́n ṣíbẹ̀, èmi o layọ nínú Olúwa èmi yóò sí máa yọ nińú Ọlọ́run ìgbàla mi.

¹⁸

¹⁹OLÚWA Ọlọ́run ni agbára mi, òun yóò sí ṣe ẹsẹ̀ mi bí ẹsẹ̀ àgbọ̀nrín, yóò sí mú mi rìn lórí ibi gíga.

¹⁹Ṣi olórí akọrin lórí ohun èlò orin olókùn mi.